ត្រឹម១សប្តាហ៍! បង្ក្រាបបទល្មើសនេសាទក្នុងភូមិសាស្ត្រ៣ស្រុក នៅខេត្តកំពង់ឆ្នាំង
- កំពង់ឆ្នាំង
ខេត្តកំពង់ឆ្នាំង ៖ រយៈពេល១សប្តាហ៍ មន្ត្រីរដ្ឋបាលជលផល នៃមន្ទីរកសិកម្មរុក្ខា ប្រម៉ាញ់ និងនេសាទ
ខេត្តកំពង់ឆ្នាំង ៖ រយៈពេល១សប្តាហ៍ មន្ត្រីរដ្ឋបាលជលផល នៃមន្ទីរកសិកម្មរុក្ខា ប្រម៉ាញ់ និងនេសាទ
ខេត្តកំពង់ឆ្នាំង ៖ រយៈពេល១សប្តាហ៍ មន្ត្រីរដ្ឋបាលជលផល នៃមន្ទីរកសិកម្មរុក្ខា ប្រម៉ាញ់ និងនេសាទ ខេត្តកំពង់ឆ្នាំង បានសហការជាមួយសមត្ថកិច្ចចំរុះ តាមបណ្តាស្រុក ចុះបង្ក្រាបបទល្មើសនេសាទ ក្នុងភូមិសាស្ត្រដងទន្លេសាប មាននៅស្រុកបរិ បូណ៌ ស្រុកកំពង់លែងនិងស្រុកជលគិរី ។
លោក លី ឡា នាយខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំងបានឲ្យដឹងថារយៈពេលមួយសប្តាហ៍ គិតចាប់ពីថ្ងៃទី១៤ ដល់ ថ្ងៃទី២០ ខែកក្កដា ឆ្នាំ២០២២ សមត្ថកិច្ចចំរុះបានសហការជាមួយមន្ត្រី ផ្នែក សង្កាត់ និង ខណ្ឌរដ្ឋបាលជលផល បានចុះបង្ក្រាបបទល្មើសនេសាទក្នុងភូមិសាស្ត្រស្រុកបរិបូណ៌ មានក្នុងភូមិសាស្ត្រ ឃុំកំពង់ព្រះគគីរ និងឃុំត្រពាំចាន់ នៅ ស្រុកកំពង់លែង មាននៅភូមិសាស្ត្រ ឃុំប្រឡាយមាស និងនៅស្រុកជលគីរី មាននៅភូមិសាស្ត្រ ឃុំពាមឆ្កោកស្រុក ។
ក្នុងកិច្ចប្រតិបត្តិការនេះសមត្ថកិច្ចចម្រុះ បានប្រើប្រាស់កម្លាំងសរុប ក្នុងមួយថ្ងៃចាប់ពី១៧ដល់ ៤២ នាក់ តាមភូមិសាស្ត្រ តូច-ធំ និងប្រើមធ្យោបាយកាណូតចាប់ពី ៣ ដល់១០គ្រឿង។ ជាលទ្ធផលក្នុងការបង្ក្រាបបទល្មើសនេសាទក្នុងរដូវហាមឃាត់នេះ គឺបានបំផ្លាញរបាំងសាច់អួន ២៨កន្លែង មានប្រវែង២០៥០ ម៉ែត្រ លបសាច់អួនចំនួន៣៦លប បង្គោល ១២៩០ដើម ។ ដោយឡែករបាំងស្បៃមុង គឺបង្ក្រាបបាន ៤១ កន្លែង មានប្រវែង ១៧៣១ម៉ែត្រ លបលូស្បៃមុង ២៧ មាត់ បង្គោល៧៤០ ដើម និងចាក់លែងកូនត្រីចម្រុះចំនួន ១៣០គីឡូក្រាមចូលទន្លេវិញ ។
ក្នុងនាមជាមន្ត្រីជំនាញ លោក លី ឡា នាយខណ្ឌរដ្ឋបាលជលផល បានអំពាវនាវដល់ប្រជាពលរដ្ឋសូមបញ្ឈប់ការនេសាទត្រីដោយខុសច្បាប់ ជាពិសេសក្នុងរដូវហាមឃាត់ ដែលជារដូវត្រីពងកូន ម្យ៉ាងទៀតបទល្មើសនេសាទកំពុងត្រូវបានរឹតបន្តឹង ប្រសិនបើមានការចាប់បាននិងត្រូវផ្ដន្ទាទោសទៅតាមផ្លូវច្បាប់ ៕
ចែករំលែកព័តមាននេះ