ខេត្តកណ្តាល៖ កាលពីពេលថ្មីៗនេះ សមត្ថកិច្ចខេត្តកណ្តាល បានចុះបង្ក្រាប់ហាងកាហ្វេបង្កប់ល្បែងជល់មាន់តាមទូរទស្ស៍មួយកន្លែង នៅក្នុងទឹកដីស្រុកអង្គស្នួល ឃាត់មនុស្សប្រុសស្រីចំនួន៤នាក់ ធ្វើការវាស់កំពស់ណែនាំអប់រំរួចអោយទៅផ្ទះវិញ ។ សូមរំលឹកថា៖ សង្ស័យលោកអធិការស្រុកកោះធំ ដាក់ខែវង់ល្បែ.ងជល់មាន់តាមទូរទស្សន៍
![](https://kohsantepheapdaily.com.kh/wp-content/uploads/2022/07/abeab895c137874bb2668bd5c7614343.jpg)
ដោយឃើញចំណាត់ការរបស់សមត្ថកិច្ចខេត្តកណ្តាលបែបនេះ ពលរដ្ឋនៅក្នុងស្រុកកោះធំរង់ចាំមើលថា តើល្បែងស៊ីសងជល់មាន់តាមទូរទស្សន៍រាប់សិបកន្លែងក្នុងមូលដ្ឋានរបស់ពួកគាត់នឹងមានចំណាត់ការដែរឬទេ0x017d7 បើរាល់ថ្ងៃនឹងលោកស៊ីម ឃាង អធិការនគរបាលស្រុកកោះធំសំងំស្ងាត់ឈឹង មិនមានវិធានការអ្វីបន្តិចសោះ ហាក់ដូចកំពុងកាក់កបនូវលាភសក្ការៈ ។
![](https://kohsantepheapdaily.com.kh/wp-content/uploads/2022/07/bd261c2d62a9c00cdd2233d4fefba008.jpg)
គួរបញ្ជាក់ថា៖ សាយ ខ្លឹន លោកអធិការស្រុកកោះធំដាក់ខែវង់ល្បែងជល់មាន់តាមទូរទស្សន៍មិនមានការលុបបំបាត់រាល់ល្បែងស៊ីសងគ្រប់ភេទ ដែលកំពុងដំណើរការលេងភ្នាល់រាល់ថ្ងៃតាមទីតាំងជាច្រើនក្នុងស្រុកកោះធំ ខេត្តកណ្តាល ឲ្យស្របតាមគោលនយោបាយភូមិ ឃុំ មានសុវត្ថិភាពរបស់រាជរដ្ឋាភិបាលដែលបានដាក់ចេញនោះទេ មិនតែប៉ុណ្ណោះលេចឮដំណឹងថា លោកអធិការស្រុកកោះធំបានដាក់ខែក្នុងវង់ល្បែងដោយមួយៗទីតាំង១០០ដុល្លារទៀតផង។
![](https://kohsantepheapdaily.com.kh/wp-content/uploads/2022/07/452f726e465a6b4e20a948120db349df.jpg)
រីកដុះដាលខ្លាំងណាស់ ក្នុងស្រុកកោះធំ ខេត្តកណ្តាល នូវវង់ល្បែងស៊ីសងដូចជា ឡូតូអនឡាញ និងជល់មាន់តាមទូរទស្សន៍ ដែលបញ្ហាទាំងនេះវាពិតណាស់ តែងតែបង្កអសន្តិសុខក្នុងសង្គម អំពើហិង្សាក្នុងគ្រួសារ ចោរកម្ម ជាពិសេស អាជ្ញាធរមិនបានយកចិត្តទុកដាក់ទប់ស្កាត់តាមគោលនយោបាយភូមិ ឃុំ មានសុវត្ថិភាពដែលរាជរដ្ឋាភិបាលដាក់ចេញឲ្យអនុវត្តនោះទេ ។
![](https://kohsantepheapdaily.com.kh/wp-content/uploads/2022/07/3879d328fce435d27ac14aa200d85218.jpg)
ជាក់ស្តែង លេចមុខល្បែងជល់មាន់តាមទូរទស្សអនឡាញមិនក្រោមពី៥០ទីតាំងនោះទេ កំពុងតែលាក់ខ្លួនជ្រកក្រោយអាជ្ញាប័ណ្ណល្បែងឡូតូ បើកដំណើការលេងភ្នាល់ដែលមានមនុស្សចូលទៅលេងភ្នាល់រាល់ថ្ងៃមិនលោះពេលនោះទេ ងាកទៅមើលសមត្ថកិច្ចនៃអធិការនគរបាលស្រុកកោះធំវិញ ដូចជាមើលមិនឃើញសោះ ដោយបណ្តោយឲ្យទីតាំងល្បែងទាំងនេះ កើតមានក្នុងមូលដ្ឋានខ្លួនយ៉ាងច្រើនជាបន្តបន្ទាប់។
![](https://kohsantepheapdaily.com.kh/wp-content/uploads/2022/07/99373f19b03c2662c7f91bc145fd1bda.jpg)
ពាក់ព័ន្ធនិងករណីខាងលើនេះ លោក ស៊ីម ឃាង អធិការនគរបាលស្រុកកោះធំ នៅថ្ងៃទី១៤ ខែកក្កដា ឆ្នាំ២០២២នេះ លោកមិនបានធ្វើអត្ថាធិប្បាយទេ ពេលដឹងថា អ្នកសារព័ត៌មានហៅទូរស័ព្ទចូល លុះហៅទូរស័ព្ទលើកទី២គឺលោកបិទគ្រឿងមិនទទួលការហៅទៀតទេ។
![](https://kohsantepheapdaily.com.kh/wp-content/uploads/2022/07/e41d5b6cea5eb08fd5db3f313297feec.jpg)
លោកអធិការទុកល្បែងស៊ីសងរាប់មិនអស់នេះ សង្ស័យ«ចង្វារចិញ្ចឹមឆ្តោ» ដែរទេដឹង? បើចង្វាចិញ្ចឹមទេ ឆ្តោក៏មិនឱ្យនៅអង្គុយបានសុខដែរ…ហេ!ហេ!
ព័ត៌មានពិស្តារមានផ្សាយជូននៅលើកាសែតកោះសន្តិភាព ។
![](https://kohsantepheapdaily.com.kh/wp-content/uploads/2022/07/d428383503fda3713a95b56067974e59.jpg)
![](https://kohsantepheapdaily.com.kh/wp-content/uploads/2022/07/3a9f41b0a6d1db0e011e5cf31c0134a1.jpg)
![](https://kohsantepheapdaily.com.kh/wp-content/uploads/2022/07/b4b4531ff4c609f1bb63a888d6984079.jpg)
![](https://kohsantepheapdaily.com.kh/wp-content/uploads/2022/07/ca3c611ca640aa44fe1834bd545b25dd.jpg)
![](https://kohsantepheapdaily.com.kh/wp-content/uploads/2022/07/b115e0f6648bb938e9f56bb7db3c69d4.jpg)
ចែករំលែកព័តមាននេះ