មិនមានការលុបបំបាត់រាល់ល្បែ.ងស៊ីសងគ្រប់ប្រភេទ ដែលកំពុងដំណើរការលេងភ្នាល់រាល់ថ្ងៃតាមទីតាំងជាច្រើនក្នុងស្រុកកោះធំ ខេត្តកណ្តាល ឲ្យស្របតាមគោលនយោបាយភូមិ-ឃុំមានសុវត្ថិភាព របស់
ខេត្តកណ្ដាល ៖ មិនមានការលុបបំបាត់រាល់ល្បែ.ងស៊ីសងគ្រប់ប្រភេទ ដែលកំពុងដំណើរការលេងភ្នាល់រាល់ថ្ងៃតាមទីតាំងជាច្រើនក្នុងស្រុកកោះធំ ខេត្តកណ្តាល ឲ្យស្របតាមគោលនយោបាយភូមិ-ឃុំមានសុវត្ថិភាព របស់រាជរដ្ឋាភិបាល ដែលបានដាក់ចេញនោះទេ មិនតែប៉ុណ្ណោះលេចឮដំណឹងថា លោកអធិការស្រុកកោះធំ បានដាក់ខែក្នុងវង់ល្បែ.ង ដោយមួយទីតាំងៗតម្លៃ១០០ដុល្លារទៀតផង គឺធូរថ្លៃមែនទែន សង្ស័យយកថោកដើម្បីឱ្យបើកលេងបានយូរ។
រីកដុះដាលខ្លាំងណាស់ ក្នុងស្រុកកោះធំ ខេត្តកណ្តាល នូវវង់ល្បែ.ងស៊ីសង ដូចជា ឡូតូអនឡាញ និងជល់មាន់តាមទូរទស្សន៍ ដែលបញ្ហាទាំងនេះ វាពិតណាស់តែងតែបង្កអសន្តិសុខក្នុងសង្គម អំពើហិ.ង្សាក្នុងគ្រួសារ ចោរកម្ម ជាពិសេសអាជ្ញាធរមិនបានយកចិត្តទុកដាក់ទប់ស្កាត់តាមគោលនយោបាយភូមិ-ឃុំមានសុវត្ថិភាព ដែលរាជរដ្ឋាភិបាលដាក់ចេញឲ្យអនុវត្តនោះទេ។
ជាក់ស្តែងលេចមុខល្បែ.ងជល់មាន់តាមទូរទស្សន៍អនឡាញ មិនក្រោមពី៥០ទីតាំងនោះទេ កំពុងតែលាក់ខ្លួនជ្រកក្រោមអាជ្ញាប័ណ្ណល្បែ.ងឡូតូ បើកដំណើការលេងភ្នាល់ដែលមានមនុស្សចូលទៅលេងភ្នាល់ជារៀងរាល់ថ្ងៃមិនលោះពេលនោះទេ ងាកទៅមើលសមត្ថកិច្ចនៃអធិការនគរបាលស្រុកកោះធំវិញ ដូចជាមើលមិនឃើញសោះ ដោយបណ្តោយឲ្យទីតាំងល្បែ.ងទាំងនេះ កើតមានក្នុងមូលដ្ឋានខ្លួនយ៉ាងច្រើនជាបន្តបន្ទាប់។
ពាក់ព័ន្ធនឹងករណីខាងលើនេះ លោក ស៊ីម ឃាង អធិការនគរបាលស្រុកកោះធំ នៅថ្ងៃទី១៤ ខែកក្កដា ឆ្នាំ២០២២នេះ លោកមិនបានធ្វើអត្ថាធិប្បាយទេ ពេលដឹងថា អ្នកសារព័ត៌មានហៅទូរស័ព្ទចូល លុះហៅទូរស័ព្ទលើកទី២ គឺលោកបិទភ្លាមមិនទទួលការហៅទៀតទេ៕
ចែករំលែកព័តមាននេះ