ខេត្តតាកែវ ៖ ដូចគេថាមែនបើមិនល្បីគេមិនហៅខេត្តតាកែវ នោះទេដូចជាករណីព្រឹកមិញមានមន្ត្រីជំនាញជាង ២០នាក់ជិះសុទ្ធតែរថយន្តពាក់ស្លាកលេខរដ្ឋ នាំគ្នាចុះមកវាស់វែងរកខុសរកត្រូវលើក្តឹបការ៉ាស់សាំងតូចមួយ ដែលមានទីតាំងក្នុងភូមិភ្នំដា ឃុំព្រែកផ្ទោល ស្រុកអង្គរបុរី ដោយមានម្ចាស់ការ៉ាស់សាំងឈ្មោះលោក…
ខេត្តតាកែវ ៖ ដូចគេថាមែនបើមិនល្បីគេមិនហៅខេត្តតាកែវ នោះទេដូចជាករណីព្រឹកមិញមានមន្ត្រីជំនាញជាង ២០នាក់ជិះសុទ្ធតែរថយន្តពាក់ស្លាកលេខរដ្ឋ នាំគ្នាចុះមកវាស់វែងរកខុសរកត្រូវលើក្តឹបការ៉ាស់សាំងតូចមួយ ដែលមានទីតាំងក្នុងភូមិភ្នំដា ឃុំព្រែកផ្ទោល ស្រុកអង្គរបុរី ដោយមានម្ចាស់ការ៉ាស់សាំងឈ្មោះលោក ភារម្យ ។
យោងតាមសម្តីពលរដ្ឋបានអោយដឹងថា ថ្នាក់លើគួរតែដកមន្ត្រីមូលដ្ឋាន និងខ្លះចោលទៅ ជាពិសេសលោក រស់ រត្ន័ ចៅហ្វាយស្រុកស្ដីទីដែលមិនចេះធ្វើកាបើកដៃអោយការ៉ាស់សាំងធំៗចំនួន ២កន្លែងស្ថិតនៅក្នុងឃុំព្រែកផ្ទោល សាងសង់រហូតបើកលក់ដោយមិនបានសុំច្បាប់ តែបែរជាក្រុមលោក រស់ រត្ន័ នាំគ្នីគ្នាមកធ្វើទុក្ខបុកម្នេញកូនការ៉ាស់សាំងតូចមួយ ហើយធ្វើរបាយការណ៏លាក់លៀមអោយផ្អើលដល់ថ្នាក់លើ និងមន្ទីជំនាញពាក់ពន្ធ័ចុះមករកដំណោះស្រាយបំផ្លាញថវិកាជាតិទៅវិញ ។
យោងតាមសម្ដីពីក្រុមមន្ត្រីសាលាស្រុកអង្គរបុរី បានអោយដឹងថាការ៉ាស់សាំងធំៗចំនួន ២ នៅក្នុងឃុំខាងលើត្រូវបានអាជ្ញាធរមូលដ្ឋានលាក់ទុកមិនបានប្រាប់ថ្នាក់លើនោះទេព្រោះសាងសង់គ្មានច្បាប់និងបានបើកលក់ជារៀងរាល់ថ្ងៃ ។
យោងតាមសម្តីលោក ណុប ឌល មេឃុំព្រែកផ្ទោលបានអោយដឹងថារឿងការ៉ាស់សាំងលោក ភារម្យគាត់សង់នៅលើចំណីផ្លូវដូច្នេះខាងជំនាញគេត្រូវអោយរុះរើចេញចំណែកការ៉ាស់សាំងចំនួនពីរទៀតគេសាងសង់លើដីកម្មសិទ្ឋផ្ទាល់ខ្លូនរបស់គេតែរឿងមានច្បាប់សាងសង់ឬគ្មានច្បាប់លោកមិនដឹងទេទុកអោយមន្ត្រីជំនាញគេបន្តនីតិវិធីរបស់គេទៅ ។
បើយោងតាមសម្តីពលរដ្ឋរស់នៅក្នុងតំបន់នោះបានអោយដឹងថាក្តឹបការ៉ាស់សាំងរបស់លោក ភារម្យដូចជាគ្មានប៉ះពាល់អ្វីធ្ងន់ធ្ងរផងមានតែការ៉ាស់សាំងធំចំនួនពីទៀតដែលនៅជិត និងសាលាឃុំព្រែកផ្ទោលទៅវិញនោះទេដែលប៉ះចំណីផ្លូវធ្ងន់ធ្ងរ ។ ពួកគាត់បន្តទៀតថា បើគ្រាន់បើដើម្បីអោយមានតម្លាភាពថ្នាក់ខេត្តគួរតែដោះស្រាយអោយស្មើភាពគ្នាគឺទៅសុំច្បាប់អោយបានគ្រប់គ្រាន់ដើម្បីកុំអោយមហាជនរិះគន់ថា អនុវត្តច្បាប់ស្ដង់ដាពីរ ឬយុត្តិធម៌ស្មើដូចម្រាមដៃ ។
ពាក់ពន្ធ័ករណីក្តិបការ៉ាស់សាំង និងមេៗការ៉ាស់សាំងអត់ច្បាប់ លោក សុច សាវឿន អនុប្រធានក្ដាប់រួមនៃមន្ទីរ៉ែ និងថាមពល ខេត្តតាកែវ បានអោយដឹងថា រាល់ការ៉ាស់សាំងត្រូវតែសុំច្បាប់ចាប់ពីថ្នាក់មូលដ្ឋានរហូតដល់ក្រសួងរ៉ែ និងថាពល ហើយច្បាប់នេះអនុវត្តតាំងពីឆ្នាំ ២០១៩ មកម្លេះ ។
លោក សុច សាវឿន បានបន្តទៀតថា ការ៉ាស់សាំងត្រូវសាងសង់ពីអ័ក្សផ្លូវចូលទៅក្នុងដៃម៉ាស៊ីនចាក់សាំងជម្រៅ ៣០មែត្រយ៉ាងតិច លោកបានឆ្លើយថា រឿងការ៉ាស់សាំងចំនួនពីរធំៗនៅក្នុងឃុំព្រែកផ្ទោល គឺលោកមិនដឺងទេ តែលោកដឹងតែរឿងការ៉ាស់សាំងរបស់លោក ភារម្យ មួយទេ ៕
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព
ចែករំលែកព័តមាននេះ