បុរស២នាក់ត្រូវឃាត់ខ្លួននៅចំណុចរីស៊ត ក្រោយរកឃើញបទល្មើសខុសច្បាប់
- មណ្ឌលគិរី
កម្លាំងស្នងការដ្ឋាននគរបាលខេត្តមណ្ឌលគិរី បានឃាត់ខ្លួនជនសង្ស័យចំនួន២នាក់នៅចំណុចរីស៊ត ផារ៉ាដាយ ស្ថិតនៅ
កម្លាំងស្នងការដ្ឋាននគរបាលខេត្តមណ្ឌលគិរី បានឃាត់ខ្លួនជនសង្ស័យចំនួន២នាក់នៅចំណុចរីស៊ត ផារ៉ាដាយ ស្ថិតនៅ
ខេត្តមណ្ឌលគិរី ៖ កម្លាំងស្នងការដ្ឋាននគរបាលខេត្តមណ្ឌលគិរី បានឃាត់ខ្លួនជនសង្ស័យចំនួន២នាក់នៅចំណុចរីស៊ត ផារ៉ាដាយ ស្ថិតនៅក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ក្រោយពីរកឃើញថា ពួកគេបានរក្សាទុកនូវសារធាតុញៀ.នខុសច្បាប់ ហើយសមត្ថកិច្ចកំពុងកសាងសំណុំរឿង ដើម្បីចាត់ការតាមច្បាប់។
បើតាមសមត្ថកិច្ចបានឲ្យដឹងថា ជនសង្ស័យទាំង២នាក់ខាងលើត្រូវបានឃាត់ខ្លួននៅយប់ថ្ងៃទី១៩ ខែកក្កដា ហើយនៅថ្ងៃទី២០ ខែកក្កដា ឆ្នាំ២០២២នេះ សមត្ថកិច្ចបានបន្តនីតិវិធី ដើម្បីសាកសួរចម្លើយពួកគេនៅការិយាល័យគ្រឿងញៀ.ន នៃស្នងការដ្ឋានខេត្ត។
សមត្ថកិច្ចបន្តថា ក្នុងប្រតិបត្តិការនេះ កម្លាំងជំនាញបានធ្វើការបង្ក្រាប និងចាប់ឃាត់ខ្លួនជនសង្ស័យចំនួន០២នាក់ ដោយជនសង្ស័យទី១- មានឈ្មោះ ហ៊ុន ធានលាង ភេទប្រុស អាយុ២៤ឆ្នាំ ជនជាតិខ្មែរ មុខរបរខួងអណ្ដូង មានទីលំនៅភូមិចំការតែ សង្កាត់ស្ពានមានជ័យ ពិនិត្យឃើញវិជ្ជមាន។ ចំណែកជនសង្ស័យទី២ -មានឈ្មោះ ឡុង ម៉េងគ័ង ភេទប្រុស អាយុ២៩ឆ្នាំ មុខរបរលក់ដូរ មានទីលំនៅភូមិចំការតែ សង្កាត់ស្ពានមានជ័យ ខេត្តមណ្ឌលគិរី ពិនិត្យឃើញវិជ្ជមាន។
សមត្ថកិច្ចបន្តទៀតថា វត្ថុតាងដែលកម្លាំងសមត្ថកិច្ចចាប់យករួមមាន ៖ ១- សារធាតុសង្ស័យជាសារធាតុញៀ.នមានសណ្ឋានជាម្សៅក្រាម ពណ៌ស ចំនួន០១កញ្ចប់ធំល្មម ២- ទូរស័ព្ទចំនួន០២គ្រឿង (ម៉ាកIphone 7 ពណ៌ខ្មៅ ០១គ្រឿង និងម៉ាក Iphone 12Pro ពណ៌ទឹកប៊ិច ១គ្រឿង) ៣-រថយន្ត ០១គ្រឿង ម៉ាក Ford Ranger ពណ៌ខ្មៅ ៤- ក្បាលបារីអេឡិចត្រូនិច ចំនួន១១ដើម និង៥-ប្រាក់រៀលចំនួន១៥០.០០០៛។
បច្ចុប្បន្នជនសង្ស័យទាំង០២នាក់ខាងលើ ត្រូវបានសមត្ថកិច្ចកំពុងកសាងសំណុំរឿងបញ្ជូនខ្លួនទៅកាន់តុលាការ ដើម្បីចាត់ការទៅតាមនីតិវិធីច្បាប់ ៕
ចែករំលែកព័តមាននេះ