លោកគ្រូ អ្នកគ្រូ បង្រៀននៅវិទ្យាល័យថ្មក្រែ ប្រមាណជា៨០ភាគរយបានលើកគ្នាធ្វើកូដកម្មមិនចូលសាលាបង្រៀន ដោយទាមទាអោយក្រសួងអប់រំ យុវជន និងកីឡា ដកតំណែង
ខេត្តក្រចេះ ៖ លោកគ្រូ អ្នកគ្រូ បង្រៀននៅវិទ្យាល័យថ្មក្រែ ប្រមាណជា៨០ភាគរយបានលើកគ្នាធ្វើកូដកម្មមិនចូលសាលាបង្រៀន ដោយទាមទាអោយក្រសួងអប់រំ យុវជន និងកីឡា ដកតំណែងលោកនាយកសាលាចេញ ដោយសារលោកនាយករូបនោះមិនចេះគ្រប់គ្រង ហើយប្រកាន់បក្សពួក ដែលធ្វើអោយប្រព័ន្ធអប់រំចុះខ្សោយ។
បើតាមការអោយដឹងថា ករណីដែលលោកគ្រូ អ្នកគ្រូ មិនព្រមចូលបង្រៀននោះ គឺចាប់តាំងពីថ្ងៃព្រហស្បតិ៍ ទី១៤ ខែកក្កដា ឆ្នាំ២០២២ រហូតដល់ថ្ងៃទី១៩នេះ នៅមិនទាន់ចូលបង្រៀននៅឡើយទេ បណ្ដោយឲ្យសិស្សខកខានការសិក្សា និងឈប់រប៉ាត់រប៉ាយពេញសាលា ជាពិសេសសិស្សថ្នាក់១២ ជិតដល់ថ្ងៃប្រឡងហើយ គ្រូមិនព្រមចូលបង្រៀនទៀត។
លោកគ្រូអ្នកគ្រូទាំងនោះ បានលើកឡើងថា ឲ្យលោក ស៊ុន ម៉េងកាន នាយកសាលាវិទ្យាល័យថ្មក្រែសព្វនេះ គ្រប់គ្រងមិនច្បាស់លាស់ ដឹកនាំប្រកាន់បក្សពួកនិយម ធ្វើអ្វីតាមតែចិត្តនឹកឃើញ មិនដែលពិភាក្សាជាមួយលោកគ្រូអ្នកគ្រូ ឬលោកនាយរងនោះទេ ហើយក៏មិនដែលស្ដាប់យោបល់ពីបុគ្គលិកដែរ រឿងដែលចង់អភិវឌ្ឍន៍សាលា គាត់មិនមានការសួរយោបល់ពីបុគ្គលិកទីចាត់ការ លោកគ្រូអ្នកគ្រូទាំងអស់ ពោលគឺធ្វើអ្វីតាមតែចិត្តខ្លួនឯង គ្មានតម្លាភាពក្នុងការអភិវឌ្ឍន៍ ការចាយវា.យថវិការរបស់សាលាបុគ្គលិកមិនដែលដឹងរឿង ហើយការអភិវឌ្ឍន៍សាលាមិនទៅមុខ អ្វីដែលខាងក្រសួង ឬមន្ទីរដាក់មកគាត់យកមកផ្អឹបចោលមិនបានផ្ដល់ព័ត៌មានដល់បុគ្គលិក ឬលោកគ្រូអ្នកគ្រូនោះទេ លុះដល់ពេលកំណត់ គាត់មកបន្ទោសគេថា ធ្វើមិនទាន់ ថាគេមិនជួយ ហើយគ្រប់រឿងទាំងអស់សុទ្ធតែគ្មានតម្លាភាពក្នុងការគ្រប់គ្រងរបស់លោកនាយក អញ្ជឹងហើយបានជាលោកគ្រូអ្នកគ្រូទាំងអស់មិនពេញចិត្ត ។
លោកគ្រូអ្នកគ្រូទាំងនោះបញ្ជាក់ទៀតថា តាំងពីលោកស៊ុន ម៉េងកាន កាន់តំណែងជានាយកសាលាមកការដឹកនាំគាត់ធ្វើឲ្យសាលាមានការអន់ថយច្រើន កាលពីមុនសាលាវិទ្យាល័យថ្មក្រែនេះ ទទួលបានភាពល្អប្រសើររៀងរាល់ឆ្នាំ តែក្រោយពីលោកនាយក មកគ្រប់គ្រងសាលានេះមានការធ្លាក់ចុះ សាលាវិទ្យាល័យមានចំនួន១០ ជាប់ចំណាត់ថ្នាក់លេខ១០ ដល់គេបង្កើតសាលាចំនួន១១ សាលាវិទ្យាល័យនេះជាប់ចំណាត់ថ្នាក់ទី១១។ ពេលចុងឆ្នាំ សិស្សពីថ្នាក់ទី៧ ដល់ថ្នាក់ទី១១ មានការប្រឡងធ្លាក់ គ្រូបន្ទប់បានឲ្យពួកគាត់ធ្លាក់រួចហើយ ដល់ពេលចូលកងថ្មីមក ពួកគាត់មានឈ្មោះឡើងថ្នាក់ ហើយគ្រូបន្ទប់ថ្នាក់មិនដឹងថា គាត់ឡើងថ្នាក់វិធីណាទេ នេះជាបញ្ហាគាត់ដឹកនាំដែរ។
ក្រុមលោកគ្រូអ្នកគ្រូ សូមសំណុំពរឲ្យប្រធានមន្ទីរ ឬក្រសួងអប់រំមានវិធានការផ្លាស់ប្ដូរលោកនាយកសាលានេះចេញ ទើបពួកគាត់ចូលបង្រៀន បើបណ្ដោយអោយលោកនាយករូបនេះនៅបន្តគ្រប់គ្រងសាលា គឺគ្មានការរីកចម្រើននោះទេ។
ទាក់ទិនករណីខាងលើ លោក ស៊ុន ម៉េងកាន នាយកវិទ្យាល័យថ្មក្រែ បានបញ្ជាក់ឲ្យដឹងថា ចំពោះលោកគ្រូអ្នកគ្រូធ្វើកូដកម្មមិនចូលបង្រៀន មានជាងពាក់កណ្ដាល ហើយករណីដែលឈានដល់លោកគ្រូអ្នកគ្រូធ្វើកូដកម្មមិនចូលបង្រៀនមានចំនួន២ករណី ៖
ដោយករណីទី១- គាត់បានទៅសិក្ខាសាលានៅសាលាតិចណូ លោកបានដាក់លោកគ្រូម្នាក់ អ្នកគ្រូម្នាក់ រួមទាំងរូបលោកចំនួន៣នាក់ ទៅរៀនចំនួន១០ថ្ងៃ ហើយក្នុងការទៅរៀននោះ ធ្វើឲ្យមានការច្រណែនឈ្នានីសពីបុគ្គលិកមួយចំនួនដែលគាត់មិនបានទៅរៀន ដោយគាត់ថា ហេតុអ្វីអ្នកគ្រូនឹងទើបចូលបង្រៀននៅវិទ្យាល័យថ្មក្រែបានតែ២ឆ្នាំប៉ុណ្ណោះ? ហេតុអ្វីមិនដាក់ពួកគាត់ បែរជាដាក់អ្នកគ្រូទើបចូលថ្មីទៅវិញ?។
ករណីទី២- រូបលោកទៅរៀន ហេតុអ្វីមិនដាក់នាយករងឲ្យទៅរៀន បែរជាទៅរៀនខ្លួនឯង0x017d7 រូបលោកទៅសិក្ខាសាលាញយដង ហើយបែរជាដាក់ឈ្មោះខ្លួនឯងទៅទៀត។ ហើយពាក់ព័ន្ធនឹងសាលាអន់ថយ មិនពាក់ព័ន្ធនឹងនាយកទេ គឺការបង្រៀង លោកខំយកចិត្តទុកដាក់មកគ្រប់គ្រងសាលា ហើយមកសាលាមិនដែលនៅផ្ទះទេ លើកលែងតែពេលយប់ លោកបានបូជាកម្លាំងកាយចំពោះសាលាច្រើនណាស់ ប៉ុន្តែលោកគ្រូអ្នកគ្រូមិនសូវយកចិត្តទុកដាក់បង្រៀនម៉ោងរដ្ឋទេ គាត់តែងតែមកយឺត គាត់ចេញមុន ទោះបីមានការប្រជុំណែនាំយ៉ាងណាក៏ដោយពួកគាត់មិនកែទេ ពួកគាត់មុជជ្រៅតែម៉ោងបង្រៀនគួរ ។
ចំណែកអាណាព្យាបាលសិស្សមានការព្រួយបារម្ភយ៉ាងខ្លាំង ចំពោះការធ្វើកូដកម្មមិនព្រមចូលបង្រៀនរបស់លោកគ្រូអ្នកគ្រូ ធ្វើឲ្យកូនៗរបស់គាត់ខកខានរៀនសូត្រ ជាពិសេសសិស្សដែលត្រូវប្រឡងបាក់ឌុប និងប្រឡងឌីប្លូម។ ពួកគាត់សំណូមពរដល់មន្ទីរ ក្រសួង និងថ្នាក់ដឹកនាំមេត្តាពន្លឿន ចុះដោះស្រាយរឿងនេះឲ្យឆាប់រហ័ស ដើម្បីឲ្យកូនៗពួកគាត់បានរៀនវិញទាន់ពេល។
រីឯប្រធានមន្ទីរអប់រំ យុវជន និងកីឡាខេត្តក្រចេះ លោកឡាយ បូរ៉ា ឲ្យដឹងថា លោកបានចាត់ឲ្យការិយាល័យស្រុកចុះទៅត្រួតពិនិត្យ ហើយកំពុងរៀបចំរបាយការណ៍មកហើយល្ងាចនេះ ខាងមន្ទីរនឹងចុះទៅពិនិត្យនៅថ្ងៃស្អែកបន្ថែម។ ខាងមន្ទីរក៏បានដឹងករណីនេះតាំងពីថ្ងៃដំបូង ហើយមន្ទីរកំពុងរកវិធានការ មិនឲ្យសាលាបិទអញ្ចឹងទេ។
លោកបញ្ជាក់ទៀតថា ធម្មតាការគ្រប់គ្រងដឹកនាំមិនមែនដោះស្រាយមួយភ្លែតៗតាមតែចិត្តយើងក្ដៅនោះទេ ព្រោះយើងអត់ទាន់ដឹងថា តើអ្នកណាខុសអ្នកណាត្រូវនោះទេ0x017d7 យើងត្រូវសិក្សាបន្តិច ហើយយើងក៏មិនលែងចោលដែរ ប៉ុន្តែពីរថ្ងៃមុននេះ ចំថ្ងៃសៅរ៍ អាទិត្យ មន្ទីរត្រូវឈប់សម្រាក ហើយចំពេលរវល់ច្រើនផង ក៏ផ្អាក តែខាងស្រុករៀបចំរបាយការណ៍ប្រហែលជាល្ងាចមកដល់មន្ទីរហើយ៕
ចែករំលែកព័តមាននេះ