រាជធានីភ្នំពេញ ៖ ការប្រកួតប្រដាល់ដណ្ដើមខ្សែក្រវាត់គោជល់ក្នុងប្រភេទទម្ងន់៧៥គីឡូក្រាមនៅលើសង្វៀនទូរទស្សន៍ PNNថ្ងៃសៅរ៍ ទី២៤ ធ្នូ ខានស្អែកនេះឈានចូលដល់វគ្គផ្ដាច់ព្រ័ត្រហើយ ។
រាជធានីភ្នំពេញ ៖ ការប្រកួតប្រដាល់ដណ្ដើមខ្សែក្រវាត់គោជល់ក្នុងប្រភេទទម្ងន់៧៥គីឡូក្រាមនៅលើសង្វៀនទូរទស្សន៍ PNNថ្ងៃសៅរ៍ ទី២៤ ធ្នូ ខានស្អែកនេះឈានចូលដល់វគ្គផ្ដាច់ព្រ័ត្រហើយ ។
បេក្ខភាពដែលត្រូវឡើងមកដល់វគ្គផ្ដាច់ព្រ័ត្រនេះគឺកីឡាករ អ៊ុង វិរៈ មកពីក្លិបទ័ពពិសេសឆត្រយោង៩១១ ប្រកួតជាមួយកីឡាករថៃឈ្មោះ កាំ ឡាយផេត ។ អ៊ុង វិរៈ
ប្រកួត៤លើកកន្លងមកនេះមិនដែលស្គាល់ចាញ់ម្ដងណាឡើយ រីឯកាំ ឡាយផេត ប្រកួតបាន៤លើកដូចគ្នាចាញ់ពិន្ទុតែ អ៊ុង វិរៈ ប៉ុណ្ណោះ ប៉ុន្តែមុននឹងចាញ់ក៏ធ្វើឱ្យអ៊ុង វិរៈ ដែលមានប្រៀបជាងខាងកម្ពស់វេទនាខ្លួនមិនតិចដែរ ។
កាំ ឡាយផេត ថ្វីដ្បិតតែគេចាញ់ប្រៀបកម្ពស់បន្តិចមែន ប៉ុន្តែគេជាអ្នកប្រដាល់មួយរូបដែលមានចិត្តសឿងបំផុត កណ្ដាប់ដៃវាយចេញក៏រហ័សនិងចំគោលដៅទៀតផង ។ ចំណែកស្នៀតជើងកាន់តែសាហាវថែមទៀត ពេលទាត់ចេញម្ដងៗបង្កគ្រោះថ្នាក់ខ្លាំងណាស់សូម្បីតែ រឿង សោភ័ណ្ឌ មកពីក្លិបមកុដរាជសីហ៍ ក៏ធ្លាប់ត្រូវកីឡាករថៃរូបនេះទាត់ត្រូវកញ្ចឹង.ក បណ្ដាលឱ្យសន្លប់នៅក្នុងទឹកទី២ទៀតផង។
រីឯអ៊ុង វិរៈ បច្ចុប្បន្នថ្វីដៃប្រកួតរបស់គេល្អខ្លាំងណាស់ ប៉ុន្តែកីឡាកររូបនេះមិនចេះអួតអាងឡើយ ជាក់ស្ដែងពេលជួបកាំ ឡាយផេត លើកនេះក៏គេនៅតែគិតថា មិនមែនជារឿងងាយស្រួលនោះដែរ ទោះបីអ្នកគាំទ្រភាគច្រើនផ្ដល់ការជឿទុកចិត្តលើរូបគេក្ដី ។
ចំណែកគូប្រកួតមិត្តភាពអន្តរជាតិកម្ពុជា-ថៃមួយគូទៀត ហ៊ឹម សេរី មកពីក្លិបតាព្រហ្មមានជ័យ ប្រកួតជាមួយកីឡាករថៃឈ្មោះ ឆ័យ ផេត ក្នុងប្រភេទទម្ងន់៥១គីឡូក្រាម ។ កីឡាករថៃរូបនេះអត់ដែលមកប្រកួតនៅស្រុកខ្មែរពីមុនមកឡើយ ដូច្នេះថ្វីដៃប្រកួតរបស់គេយ៉ាងណានោះអត់មានអ្នកណាដឹងទេ ។ សូម្បីតែអ្នករៀបចំការប្រកួតក៏មិនបានប្រាប់ឱ្យដឹងថា កីឡាករថៃរូបនេះខ្លាំង ឬខ្សោយនោះដែរ ។
រីឯគូប្រកួតមិត្តភាពធម្មតាវិញកីឡាករ ពុយ វណ្ណៈ មកពីក្លិបឃ្លាំងមឿងកីឡា ប្រកួតជាមួយកីឡាករ សិទ្ធ ធីមទាន់ មកពីក្លិបសាមគ្គីកូនខ្មែរ ។
កីឡាករ លាស់ យីន មកពីក្លិបតាព្រហ្មមានជ័យ ប្រកួតជាមួយកីឡាករ វៀត ប៊ុនឌឿន មកពីសមាគមកីឡាប្រដាល់ក្រសួងការពារជាតិ និងគូចុងក្រោយកីឡាករ ផូ សុភាព មកពីក្លិបសាលវ័ន្តកីឡា ប្រកួតជាមួយកីឡាករ ឌុម កែវដាំ មកពីក្លិបសុភានូមានជ័យ ៕
ចែករំលែកព័តមាននេះ