ខេត្តរតនគិរី ៖ ក្មេងទំនើងមួយក្រុមមានគ្នា១០នាក់ត្រូវបានសមត្ថកិច្ចបង្ក្រាប ដោយមានព្រះរាជអាជ្ញានៃអយ្យការអមសាលាដំបូងខេត្តរតនគិរី ដឹកនាំនីតិវិធីសម្របសម្រួល ។ ការឈានដល់ឃាត់ខ្លួនសង្ស័យ និងរឹបអូសវត្ថុតាងបទល្មើសបានជាច្រើនផងដែរ កាលពីវេលាម៉ោង២២ និង…
ខេត្តរតនគិរី ៖ ក្មេងទំនើងមួយក្រុមមានគ្នា១០នាក់ត្រូវបានសមត្ថកិច្ចបង្ក្រាប ដោយមានព្រះរាជអាជ្ញានៃអយ្យការអមសាលាដំបូងខេត្តរតនគិរី ដឹកនាំនីតិវិធីសម្របសម្រួល ។ ការឈានដល់ឃាត់ខ្លួនសង្ស័យ និងរឹបអូសវត្ថុតាងបទល្មើសបានជាច្រើនផងដែរ កាលពីវេលាម៉ោង២២ និង ០៣នាទីយប់នាថ្ងៃទី១៧ កក្កដា ឆ្នាំ ២០២២ ។
បើតាមការឱ្យដឹងពីលោកវីរសេនីយ៍ឯកមាស ពៅបូរ៉ា នាយការិយាល័យជំនាញព្រហ្មទណ្ឌកម្រិតស្រាលបានឱ្យដឹងថា ការបង្ក្រាបនេះ សហការជាមួយកម្លាំងអធិការដ្ឋាននគរបាលក្រុងបានលុង និងកម្លាំងអន្តរាគមន៍ នៃស្នងការដ្ឋាននគរបាលខេត្តរតនគិរីចុះល្បាតក្នុងភូមិសាស្ត្រក្រុងបានលុងដោយឃើញមានការប្រមូលផ្តុំគ្នារញ៉េរញ៉ៃកម្លាំងយើងបានសុំឆែកឆេរ ប្រទះឃើញដាវកែច្នៃ២ដើម និងកាំ.ភ្លើ.ងកែច្នៃ១ដើម ។
ពាក់ព័ន្ធករណីប្រើប្រាស់អា.វុ.ធខុសច្បាប់ (ដាវកែច្នៃនិងអាវុធកែច្នៃ) យើងបានធ្វើការឃាត់ខ្លួន
ចំនួនប្រុស១០នាក់ ។ សម្ភារចាប់យកមាន៖
-ដាវកែច្នៃចំនួន ២ដើម
-កាំ.ភ្លើ.ងកែច្នៃចំនួន ១ គ្រាប់កង់ និង រំសេវសំរាប់ប្រើជាមួយកាំភ្លើងកែច្នៃមួយចំនួនផងដែរ
-ខ្សែកាបម៉ាស៊ីនកាត់ស្មៅ១
-ជំពាមកៅស៊ូចំនួន ១
-កាបូបលុយចំនួន ១
-ទូរស័ព្ទចំនួន ៧ គ្រឿង
-ម៉ូតូចំនួន០៧ គ្រឿង
-ខ្សែក្រវ៉ាត់ចំនួន០៤
-មួកសុវត្តភាពចំនួន០២
សមត្ថកិច្ចបញ្ជាក់ថាបច្ចុប្បន្ន ជនសង្ស័យនិងវត្ថុតាងខាងលើត្រូវបានឃាត់ទុកបណ្តោះអាសន្ននៅ ការិយាល័យជំនាញ ដើម្បីស្រាវជ្រាវ និងបំពេញសំណុំរឿង បញ្ជូនទៅអយ្យការសាលាដំបូងខេត្តចាត់ការបន្តតាមនិតិវិធី៕
ចែករំលែកព័តមាននេះ