អត្តពលិកប៉ារ៉ាឡាំពិកកម្ពុជាចាក់វ៉ាក់សាំងដូសជំរុញមុនចេញប្រកួត
- ភ្នំពេញ
រាជធានីភ្នំពេញ ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា(ស.ស.យ.ក)និងជា
រាជធានីភ្នំពេញ ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា(ស.ស.យ.ក)និងជា
រាជធានីភ្នំពេញ ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា(ស.ស.យ.ក)និងជាប្រធានប្រតិភូដឹកនាំក្រុមកីឡាប៉ារ៉ាឡាំពិកកម្ពុជា ចូលរួមប្រកួតកីឡាអាស៊ានប៉ារ៉ាហ្គេម លើកទី១១ នៅទីក្រុងសូឡូ ប្រទេសឥណ្ឌូណេស៊ី កាលពីព្រឹកថ្ងៃទី១៥ ខែកក្កដា បានដឹកនាំប្រតិភូ គ្រូបង្វឹក និងកីឡាករ-កីឡាការិនីប៉ារ៉ាឡាំពិកកម្ពុជា ទៅចាក់វ៉ាក់សាំងបង្ការជំងឺកូវីដ-១៩ដូសជំរុញបន្ថែម(ដូសទី៤ និងដូសទី៥) នៅមជ្ឈមណ្ឌលកីឡា Premium មុនប្រតិភូ និងអត្តពលិកទាំងអស់ ត្រូវចាកចេញពីមាតុភូមិ នាថ្ងៃទី២៦ ខែកក្កដា ខាងមុខ។
ឯកឧត្តម ហ៊ុន ម៉ានី មានប្រសាសន៍ថា ការជ្រើសយកថ្ងៃសុក្រ ចាក់វ៉ាក់សាំងដល់ប្រតិភូកីឡាប៉ារ៉ាឡាំពិកកម្ពុជា ពីព្រោះដើម្បីកុំឲ្យកៀកថ្ងៃចេញដំណើរពេក ។ ចំណុចនេះមានន័យថា ជាពេលវេលាសមរម្យមួយ បង្ការក្រោយពេលចាក់ កីឡាករ-កីឡាការិនីអាចមានអាការក្ដៅខ្លួនបន្ដិចបន្ដួច ឬធ្វើទុក្ខ ងាយស្រួលក្នុងការដោះស្រាយ។ អ្វីដែលពិសេស ការចាក់វ៉ាក់សាំងដូសជំរុញនេះ គឺដើម្បីធានាបាននូវសុខភាព និងសុវត្ថិភាពកាន់តែខ្ពស់ ក្នុងការធ្វើដំណើរទៅ និងត្រឡប់មកវិញ ស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា។
ជាមួយការយកចិត្តទុកដាក់ដ៏ខ្ពង់ខ្ពស់នេះដែរ កីឡាការិនី អាន ស៊ីណែត បានសម្ដែងនូវការសប្បាយចិត្ត និងរំភើបរីករាយជាខ្លាំង ដែលសម្ដេចតេជោនាយករដ្ឋមន្ដ្រី បានផ្ដល់ការយកចិត្តទុកដាក់ដ៏ខ្ពង់ខ្ពស់មកលើក្រុមជម្រើសជាតិប៉ារ៉ាឡាំពិកកម្ពុជា ឲ្យទទួលបានឱកាសចាក់វ៉ាក់សាំងជាបន្ដបន្ទាប់។ ពិសេសការចាក់ដូសជំរុញដូសទី៤ និងទី៥ ថ្ងៃនេះ មុនប្រតិភូ និងអត្តពលិកទាំងអស់ ចាកចេញពីមាតុភូមិ ចូលរួមប្រកួតកីឡាអាស៊ានប៉ារ៉ាហ្គេមនាពេលឆាប់ៗខាងមុខ។
ប្រធានក្រុមបាល់បោះរទេះជនពិការនារីជម្រើសជាតិកម្ពុជារូបនេះ បានបញ្ជាក់ថា ការចាក់វ៉ាក់សាំងនេះ គឺជាការជំរុញបន្ថែម អត់មានផលប៉ះពាល់ ឬបាក់កម្លាំងអ្វីនោះទេ ។ ពេលចាក់ហើយយើងសម្រាកយ៉ាងច្រើនកន្លះថ្ងៃ ឬ១ថ្ងៃទេ តែយើងអាចលេងបាន ។ ប៉ុន្ដែបើយើងអត់ចាក់ យើងងាយនឹងឆ្លង តែបើយើងបានចាក់វ៉ាក់សាំង គឺយើងបានការពារ ។ អ៊ីចឹងពេលយើងចេញទៅប្រកួតក្រៅប្រទេសនាពេលខាងមុខ យើងអាចការពារបាន ទោះបីបើឆ្លង ក៏ស្រាលងាយនឹងព្យាបាលដែរ ។
បន្ថែមលើនេះ ដើម្បីតបស្នងដល់ការយកចិត្តទុកដាក់របស់រាជរដ្ឋាភិបាល ក៏ដូចជាឯកឧត្តម ហ៊ុន ម៉ានី ផង អាន ស៊ីណែត បានប្ដេជ្ញានឹងខំប្រឹងឲ្យអស់ពីសមត្ថភាព ដើម្បីដណ្ដើមមេដាយ កិត្តិយស និងឧត្តមភាពជូនជាតិ ៕
ចែករំលែកព័តមាននេះ