ពេជ្រ ម្ទេសខ្មាំង អាចជាប់ជម្រើសជាតិសាជាថ្មី ខណៈក្លិបអារុណរះប្រកាសសុំជំនួយសម្ភារហ្វឹកហាត់
- ភ្នំពេញ
រាជធានីភ្នំពេញ ៖ លោក អាត សំរឹទ្ធ គ្រូបង្វឹកប្រដាល់ប្រចាំក្លិបអារុណរះ បានឱ្យដឹងថា លោក ប៊ុយ
រាជធានីភ្នំពេញ ៖ លោក អាត សំរឹទ្ធ គ្រូបង្វឹកប្រដាល់ប្រចាំក្លិបអារុណរះ បានឱ្យដឹងថា លោក ប៊ុយ
រាជធានីភ្នំពេញ ៖ លោក អាត សំរឹទ្ធ គ្រូបង្វឹកប្រដាល់ប្រចាំក្លិបអារុណរះ បានឱ្យដឹងថា លោក ប៊ុយ សោភ័ណ្ឌ អគ្គលេខាធិការសហព័ន្ធកីឡាប្រដាល់សាកលមានបំណងចង់ឱ្យសិស្សគណរបស់លោកគឺពេជ្រ ម្ទេសខ្មាំង ជាប់ជាកីឡាករជម្រើសជាតិឡើងវិញ ប៉ុន្តែក៏ត្រូវមើលលើការប្រឹងប្រែងហ្វឹកហាត់របស់គេសិនដែរ ថាឈានដល់កម្រិតមួយដែលអាចទទួលយកបានឬអត់។
លោកគ្រូ អាត សំរឹទ្ធ បានប្រាប់កោះសន្តិភាពតាមទូរសព្ទកាលពីព្រឹកថ្ងៃអាទិត្យ ទី១៧ កក្កដា នេះថា កីឡាករពេជ្រ ម្ទេសខ្មាំង ដែលបានបាត់មុខពីពិភពកីឡាប្រដាល់សាកលអស់រយៈពេលប៉ុន្មានសប្ដាហ៍នេះ កីឡាកររូបនេះបានវិលមកហ្វឹកហាត់វិញហើយគឺហាត់នៅក្នុងក្លិបអារុណរះដែលមានទីតាំងនៅជាយក្រុងតាខ្មៅ ជាប់ព្រំប្រទល់ខេត្តកណ្ដាល ប៉ុន្តែការហ្វឹកហាត់របស់គេមិនសូវដិតដល់នៅឡើយនោះទេ ។
ទោះជាយ៉ាងណា លោកកំពុងតែព្យាយាមជំរុញឱ្យគេហ្វឹកហាត់ឱ្យបានខ្លាំង ដោយសារចង់ឃើញរូបគេក្លាយជាកីឡាករជម្រើសជាតិដូចមុនក្រែងមានឱកាសបានបញ្ចេញថ្វីដៃនៅលើឆាកអន្តរជាតិដូចកីឡាករជម្រើសជាតិដទៃទៀតដែរ។ទន្ទឹមគ្នានេះដែរលោកក៏បានប្រាប់ទៅលោកប៊ុយ សោភ័ណ្ឌ ពីការវិលត្រឡប់មកហ្វឹកហាត់វិញរបស់កីឡាករពេជ្រ ម្ទេសខ្មាំងនេះដែរ ហើយលោកប៊ុយ សោភ័ណ្ឌ ក៏បានតបថា បើសិនជាពេជ្រ ម្ទេសខ្មាំង ប្រឹងប្រែងហ្វឹកហាត់ដូចដើម បង្កើនបច្ចេកទេសឡើងវិញ លោកនឹងផ្ដល់ឱកាសឱ្យគេជាប់នៅក្នុងក្រុមជម្រើសជាតិតែម្ដង។
នៅក្នុងក្លិបអារុណរះបច្ចុប្បន្ន លោកគ្រូ អាតសំរឹទ្ធ មិនត្រឹមតែខិតខំចំណាយពេលវេលាអូសទាញកីឡាករពេជ្រ ម្ទេសខ្មាំង ឱ្យហ្វឹកហាត់ឡើងវិញប៉ុណ្ណោះនោះទេ លោកគ្រូថែមទាំងប្រមែប្រមូលក្មេងកំព្រាតូចៗជាច្រើននាក់ឱ្យមកហ្វឹកហាត់ផងដែរ ដើម្បីកុំឱ្យពួកគេដើរលេងផ្ដេសផ្ដាស់ឬអាចឈានទៅជក់គ្រឿងញៀ.នទៀតផង។ រហូតមកទល់ពេលនេះ មានក្មេងជិត៣០នាក់ហើយដែលកំពុងហ្វឹកហាត់រាល់ថ្ងៃ ។ លោកក៏សប្បាយចិត្តខ្លាំងណាស់ដែរដែលក្នុងនាមរូបលោកជាអតីតកីឡាករប្រដាល់សាកលជម្រើសជាតិមួយរូប ចង់ឃើញពួកគេថ្ងៃក្រោយមានអនាគតល្អ និងក្លាយជាកីឡាករជម្រើសជាតិដណ្ដើមយកមេដាយជូនជាតិ។
ប៉ុន្តែក្រោយពីជំងឺកូវីដ-១៩ មានភាពធូរស្រាលសម្ភារហ្វឹកហាត់នៅក្នុងក្លិបត្រូវរងនូវការខូចខាតស្ទើរតែទាំងស្រុងទៅហើយ ដោយសារត្រូវភ្លៀងខ្លះទៀតត្រូវសត្វកណ្ដុរកកេរបំផ្លាញ ។ ដូច្នេះលោកសូមអំពាវនាវទៅដល់សប្បុរសជន មេត្តាជួយតាមសទ្ធា ដើម្បីបានសម្ភារមកបង្ហាត់ក្មេងឡើងវិញ ៕
ចែករំលែកព័តមាននេះ