រាជធានីភ្នំពេញ ៖ នៅវេលាម៉ោង៩ និង៣០នាទីយប់ ថ្ងៃទី១៩ ខែធ្នូ ឆ្នាំ២០១៦ ត្រង់ចំណុចព្រះវិហារចិន តាមបណ្ដោយមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ
រាជធានីភ្នំពេញ ៖ នៅវេលាម៉ោង៩ និង៣០នាទីយប់ ថ្ងៃទី១៩ ខែធ្នូ ឆ្នាំ២០១៦ ត្រង់ចំណុចព្រះវិហារចិន តាមបណ្ដោយមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ មានករណីចោរឆក់កាបូបពីនារីម្នាក់បានសម្រេច អស់ប្រាក់១០០ដុល្លារ និងទូស័ព្ទដៃសាំសុង១គ្រឿង។ ប្រភពពីកន្លែងកើតហេតុបានឲ្យដឹងថា នារីរងគ្រោះជិះម៉ូតូម៉ាកស្គូពី ពណ៌សលាយក្រហម ពាក់ស្លាកលេខ ភ្នំពេញ 1CW-4133 ជិះតែម្នាក់ឯង មិនត្រូវបានប្រាប់អត្តសញ្ញាណទេ។
តាមសម្ដីពីនារីរងគ្រោះបានបញ្ជាក់ថា នៅមុនពេលកើតហេតុ រូបនាងបានជិះម៉ូតូតែម្នាក់ឯងត្រឡប់ពីញ៉ាំអីនៅផ្សារដេប៉ូ ឆ្ពោះទៅផ្ទះរបស់ខ្លួននៅម្ដុំផ្សារដីហុយ។ លុះមកដល់ចំណុចកើតហេតុ ក៏លេចមុខជនសង្ស័យ២នាក់ ជិះម៉ូតូម៉ាកស្មាស បានឆក់កាបូបនាងដែលកំពុងស្ពាយបានសម្រេច ដោយនៅក្នុងនោះមានប្រាក់ចំនួន១០០ដុល្លារ និងទូរស័ព្ទដៃសាំសុង១គ្រឿង ហើយជិះគេចខ្លួនបាត់។ ភ្លាមៗនោះ នារីរងគ្រោះពុំបានដាក់ដាក់ពាក្យបណ្ដឹងឡើយ នាងប្រាប់ថារង់ចាំថ្ងៃស្អែក។
គួរបញ្ជាក់ផងដែរថា មួយរយៈចុងក្រោយនេះឃើញថាក្នុងភូមិសាស្ត្រខណ្ឌសែនសុខ ស្ថិតនៅតាមបណ្ដោយផ្លូវសហព័ទ្ធរុស្សី កើតមានអំពើលួចឆក់ប្លន់ ជាបន្តបន្ទាប់ ដូចនេះសូមអាជ្ញាធរជួយធ្វើសកម្មភាពបោសសម្អាត ក្រុមចៃសង្គម ចាំតែរកស៊ីដោយកម្លាំងញើសឈាមគេឲ្យបានស្អាតផង ដើម្បីឲ្យភូមិសាស្ដ្រ១នែះ ប្រែក្លាយជាភូមិឃុំ មានសុវត្ថិភាពពិតប្រាកដ៕
ចែករំលែកព័តមាននេះ