ខេត្តកំពត៖ ប្រជាពលរដ្ឋជាង១០០គ្ររួសារទៀតហើយ ត្រូវទទួលបានអណ្តូងទឹកស្អាតពីលោកជំទាវ ពេជ ចន្ទមុន្នី ហ៊ុនម៉ាណែត ប្រធានមូលនិធិអណ្តូងទឹកស្អាតអ្នកឧញ៉ា មហាភក្តីសប្បុរិសភោគាធិបតី ហ៊ុន នាង និងមហាឧបាសិកា ឌីប៉ុក ជូនដល់ប្រជាពលរដ្ឋដែលខ្វះខាតទឹកស្អាតប្រើប្រាស់ក្នុងជីវភាពប្រចាំថ្ងៃ ។
ជាក់ស្តែង កាលពីព្រឹកថ្ងៃទី១៧ ធ្នូ នេះ លោកជំទាវប្រធានមូលនិធិបានដឹកនាំក្រុមការងារអណ្តូងទឹកស្អាត បានចុះមកប្រគល់អណ្តូងទឹកស្អាតចំនួន១០ ជូនដល់បងប្អូនប្រជាពលរដ្ឋនៅក្នុងឃុំខ្នាយខាងជើង និងឃុំខ្នាយខាងត្បូង ស្រុកដងទុង ខេត្តកំពត ។
លោកជំទាវ ពេជ ចន្ទមុន្នី បានមានប្រសាសន៍ថា សព្វថ្ងៃនេះមូលនិធិអណ្តូងទឹកស្អាតបានធ្វើនិងប្រគល់អណ្តូងទឹកជូនប្រជាពលរដ្ឋបានជាង៥០០អណ្តូង ហើយក្នុងនោះមានទាំងអណ្តូង ដៃ អណ្តូងលូ និងអណ្តូងស្នប់ ហើយជិត៤០០អណ្តូងបានដាក់អោយប្រើប្រាស់ជាផ្លូវការណ៍ អំណោយអណ្តូងទឹកស្អាតទាំងនេះគឺជាអំណោយរបស់លោកតា ហ៊ុន នាង និង លោកយាយ ឌី ប៉ុក ដែលត្រូវជាឪពុកម្តាយបង្កើតសម្តេចតេជោ ហ៊ុន សែន តែលោកទាំងពីរបានទទួលអនិច្ចកម្មទៅហើយ ។
លោកជំទាវបានបញ្ជាក់ថាទៀតថាកាលដែលលោកទាំងពីរមាននៅមានជីវិត លោកតែងតែធ្វើបុណ្យដាក់ទានសន្សំកុសលជាច្រើនដូចជា កសាងសាលារៀន វិហារ ផ្លូវថ្នល់ របង នឹងទ្រព្យសម្បត្តិសាធារណះមួយចំនួនទៀត ជាពិសេសនោះគឺជួយដល់បងប្អូនប្រជាពលរដ្ឋដែលរស់នៅតាមទីជនបទខ្វះខាតទឹកស្អាតប្រើប្រាស់នេះតែម្តង។
ចែករំលែកព័តមាននេះ