វះកាត់ជោគជ័យ! ប្តូរបេះដូងជ្រូកដាក់ក្នុងខ្លួនអ្នកជំងឺស្លា.ប់ខួរក្បាល
អាមេរិក ៖ ពេទ្យវះកាត់នៅសកលវិទ្យាល័យ New York បានវះកាត់ប្តូរបេះដូងជ្រូកដាក់ក្នុងខ្លួនអ្នក
អាមេរិក ៖ ពេទ្យវះកាត់នៅសកលវិទ្យាល័យ New York បានវះកាត់ប្តូរបេះដូងជ្រូកដាក់ក្នុងខ្លួនអ្នកជំងឺស្លា.ប់ខួរក្បាលចំនួន ២នាក់បានដោយជោគជ័យ។ នេះបើយោងតាមការបញ្ជាក់របស់ក្រុមស្រាវជ្រាវ។ វាជាជំហានឆ្ពោះទៅរកគោលដៅរយៈពេលវែងសម្រាប់ការប្រើប្រាស់គ្រឿងក្នុងជ្រូកដើម្បីសោះស្រាយបញ្ហាខ្វះខាតសេរីរាង្គមនុស្ស។
ក្រោយពេលធ្វើការវះកាត់រួច បេះដូងជ្រូកដំណើរការធម្មតាដោយគ្មានសញ្ញាបដិសេធឡើយ ក្នុងអំឡុងការធ្វើពិសោធន៍រយៈពេល ៣ថ្ងៃនៅក្នុងខែមិថុនា និងខែកក្កដា។
ការពិសោធន៍នេះកើតឡើងបន្ទាប់ពីមានករណីស្លា.ប់កាលពីខែមីនា លើបុរសវ័យ ៥៧ឆ្នាំម្នាក់ដែលមានជំងឺបេះដូង និងបានបង្កើតប្រវត្តិសាស្ត្ររយៈពេល ២ខែនៅសកលវិទ្យាល័យ Maryland ជាមនុស្សដំបូងបង្អស់ដែលទទួលបានការវះកាត់ដាក់បេះដូងជ្រូក។ មូលហេតុដែលធ្វើឲ្យបេះដូងថ្មីរបស់គាត់លែងដំណើរការមិនទាន់ត្រូវបានគេដឹងច្បាស់នៅឡើយទេ។
ក្រុមអ្នកស្រាវជ្រាវនិយាយក្នុងសន្និសីទសារព័ត៌មានដូច្នេះថា សកលវិទ្យាល័យ New York ទទួលបានបេះដូងជ្រូកពីស្ថាប័ន Revivicor និងបានធ្វើការត្រួតពិនិត្យមើលវីរុសដោយប្រើប្រាស់ឧបករណ៍ត្រួតពិនិត្យទំនើប។
ជ្រូកមានហ្សែនចំនួន៤ដើម្បីការពារការបដិសេធ និងការលូតលាស់សេរីរាង្គមិនធម្មតា និងមានហ្សែន ៦ ដើម្បីជួយការពារភាពមិនស៊ីគ្នារវាងជ្រូក និងមនុស្ស។
កាលពីឆ្នាំ ២០២១ អ្នកស្រាវជ្រាវនៅសកលវិទ្យាល័យខាងលើក៏ធ្លាប់បានវះកាត់ដាក់ក្រលៀនជ្រូកក្នុងខ្លួនអ្នកជំងឺស្លា.ប់ខួរក្បាលផងដែរ។
ឥឡូវនេះអ្នកស្រាវជ្រាវជឿជាក់ថា ការប្រើប្រាស់សេរីរាង្គរបស់សត្វគឺមានសុវត្ថិភាពលើអ្នកជំងឺស្លា.ប់ខួរក្បាល ជាងអ្នកជំងឺនៅរស់ខួរក្បាល ហើយថែមទាំងផ្តល់ព័ត៌មានច្រើនដោយសារការពិនិត្យជាលិការពីរាងកាយមានជីវិតត្រូវបានធ្វើញឹកញាប់ជាង។
លោកវេជ្ជបណ្ឌិត Robert Montgomery នាយកវិទ្យាស្ថានវះកាត់ប្តូសេរីរាង Langone និងជាអ្នកទទួលការវះកាត់ប្តូរបេះដូងនៅសកលវិទ្យាល័យ New York បាននិយាយថា ការធ្វើតេស្តញឹកញាប់បានផ្តល់ព័ត៌មានលម្អិតអស្ចារ្យ។
លោកនិយាយថា «យើងអាចឃើញអ្វីៗជាក់ស្តែងកើតឡើងក្នុងអំឡុងរយៈពេល ៧២ម៉ោង»។
អ្នកស្រាវជ្រាវនិយាយថា លទ្ធកម្ម ការបញ្ជូន ការវះកាត់ប្តូរ និងការចាក់ថ្នាំបង្ការ ត្រូវបានអនុវត្តន៍ដូចគ្នានឹងការប្តូរបេះដូងមនុស្ស។
«គោលដៅរបស់យើងគឺដើម្បីរួមបញ្ជូលការអនុវត្តន៍ដែលត្រូវបានប្រើក្នុងការប្តូរបេះដូងជាមួយនឹងសេរីរាង្គសត្វដែលនឹងដំណើរការធម្មតាដោយគ្មានជំនួយបន្ថែមពីឧបករណ៍ ឬថ្នាំ»។ នេះជាការបញ្ជាក់របស់លោកវេជ្ជបណ្ឌិត Nader Moazami នាយកផ្នែកវះកាត់បេះដូងនៅសកលវិទ្យាល័យ New York Langone។
លោកបានបន្ថែមថា ការពិសោធន៍រយៈពេល ៧២ម៉ោងបានបង្កើតទិន្នន័យបឋម ដែលផ្តល់ចម្លើយជាច្រើនមុនពេលមានការចាប់ផ្តើមសាកល្បងប្តូរបេះដូងជ្រូកដាក់ក្នុងខ្លួនមនុស្ស៕ (យោងតាមប្រភព៖ Reuters)
ចែករំលែកព័តមាននេះ