សម្តេចតេជោ ហ៊ុន សែន ដាក់ចេញគោលការណ៍សំខាន់៤ដើម្បីធ្វើម្ចាស់ផ្ទះស៊ីហ្គេមឱ្យទទួលបានជោគជ័យខ្ពស់
- ភ្នំពេញ
រាជធានីភ្នំពេញ ៖ ថ្លែងក្នុងពិធីបើកកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ា និងក្រុមប្រឹក្សា
រាជធានីភ្នំពេញ ៖ ថ្លែងក្នុងពិធីបើកកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ា និងក្រុមប្រឹក្សា
រាជធានីភ្នំពេញ ៖ ថ្លែងក្នុងពិធីបើកកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ា និងក្រុមប្រឹក្សាសហព័ន្ធកីឡាអាស៊ីអាគ្នេយ៍ កាលពីថ្ងៃទី១១ ខែកក្ដដា ឆ្នាំ២០២២ នៅសណ្ឋាគារសុខា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវគោលការណ៍ និងអនុសាសន៍សំខាន់៤ចំណុចដើម្បីឲ្យទទួលបានជោគជ័យក្នុងនាមកម្ពុជាទទួលរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣។
គោលការណ៍ និងអនុសាសន៍សំខាន់៤ចំណុចដែលសម្តេចតេជោ ហ៊ុន សែន បានដាក់ចេញមាន៖
១-គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ ត្រូវយកចិត្តទុកដាក់លើគ្រប់មុខសញ្ញា ។ គ្រប់គ្រងព្រឹត្តិការណ៍សំខាន់ៗឲ្យបានរួចរាល់ និងទាន់ពេលវេលា ពិសេសការងារ ដែលត្រូវការពេលយូរ ត្រូវចាប់ផ្ដើមពីពេលនេះតទៅ ដូចជាការជួសជុលកែលម្អទីលានប្រកួត ។ រៀបចំប្រព័ន្ធគ្រប់គ្រងបច្ចេកវិទ្យា JMS។ ការរៀបចំពិធីបើក និងពិធីបិទ ព្រមទាំងការរៀបចំកន្លែងស្នាក់នៅ ហូបចុក និងដឹកជញ្ជូនជាដើម ។
ជាមួយនេះត្រូវជំរុញឲ្យបានខ្លាំងថែមទៀតក្នុងការអភិរក្សកម្រិតបច្ចេកទេសកីឡា រួមទាំងកីឡាល្បុក្កតោខ្មែរ និងកីឡាយុទ្ធគុន ឥណ្ឌូណេស៊ី ដែលមានឈ្មោះថា ស៊ីឡា ដែលទទួលបានការឯកភាពជួយពីឯកឧត្ដមរដ្ឋមន្ត្រីការពារជាតិនៃប្រទេស ឥណ្ឌូណេស៊ី និងកីឡា យូដូ ពីអតីតឯកឧត្ដមអគ្គរាជទូតជប៉ុន។
២-អំពាវនាវសាជាថ្មីដល់ប្រព័ន្ធផ្សព្វផ្សាយរដ្ឋនិងឯកជន ចូលរួមយុទ្ធនាការផ្សព្វផ្សាយ និងយុទ្ធនាការលាងសម្អាតផ្ទះ និងសង្គមយើង តាមរយៈយុទ្ធនាការប្រជាជនម្នាក់ លេងកីឡាមួយមុខយ៉ាងតិចប្រចាំជីវិត ។ កម្ពុជាស្អាត បដិសណ្ឋារកិច្ចល្អ សេវាល្អ កម្ពុជាកាត់បន្ថយគ្រោះថ្នាក់ចរាចរណ៍ និងកាត់បន្ថយឥទ្ធិពលគ្រឿងញៀ.ន និងកីឡារស់ក្នុងសន្តិភាព ឲ្យបានផុលផុសទាំងក្នុង និងក្រៅប្រទេស។
៣-ស្នើដល់ក្រសួងអប់រំ យុវជន និងកីឡា ពិនិត្យលទ្ធភាព ពន្យារពេលវិស្សមកាលតូចក្នុងអំឡុងពេលចូលឆ្នាំខ្មែរប្រពៃណីជាតិ រហូតដល់ថ្ងៃទី១៨ ខែឧសភា ឆ្នាំ២០២៣ ដើម្បីផ្ដល់ឱកាសឲ្យសិស្ស និស្សិត ចូលរួមបម្រើការងារស្ម័គ្រចិត្ត និងចូលរួមអបអរសាទរ លើកទឹកចិត្តកីឡាករ កីឡាការិនីជាតិ និងអន្តរជាតិ។
៤-អំពាវនាវបណ្ដាប្រទេសសមាជិកស៊ីហ្គេម និងអាស៊ានប៉ារ៉ាហ្គេម មេត្តាផ្ដល់នូវការគាំទ្រលើគ្រប់ទម្រង់តាមដែលអាចធ្វើទៅបាន ដើម្បីការរៀបចំការប្រកួតកីឡាស៊ីហ្គេម និង អាស៊ានប៉ារ៉ាហ្គេម ឲ្យទទួលបានជោគជ័យខ្ពស់ ៕
ចែករំលែកព័តមាននេះ