សូហ្វតិន្នីស បង្ហាញពីការរីកចម្រើនខ្លាំងតាមរយៈការប្រកួតជ្រើសរើសជើងឯកថ្នាក់ជាតិឆ្នាំនេះ
- ភ្នំពេញ
រាជធានីភ្នំពេញ ៖ លោកឧត្តមសេនីយ៍ឯកជា ប៊ុនហេង ប្រធានសហព័ន្ធកីឡាសូហ្វតិន្នីសកម្ពុជា បាន
រាជធានីភ្នំពេញ ៖ លោកឧត្តមសេនីយ៍ឯកជា ប៊ុនហេង ប្រធានសហព័ន្ធកីឡាសូហ្វតិន្នីសកម្ពុជា បាន
រាជធានីភ្នំពេញ ៖ លោកឧត្តមសេនីយ៍ឯកជា ប៊ុនហេង ប្រធានសហព័ន្ធកីឡាសូហ្វតិន្នីសកម្ពុជា បានកោតសរសើរដល់កីឡាករ-កីឡាការិនីជម្រើសជាតិរបស់ខ្លួនសម្រាប់ការប្រកួតជ្រើសរើសជើងឯកថ្នាក់ជាតិ និងការប្រកួតដណ្ដើមពានរង្វាន់សម្ដេចក្រឡាហោម ស ខេង លើកទី៩ ឆ្នាំ២០២១ថា មានការរីកចម្រើនខ្លាំង។
លោកប្រធានសហព័ន្ធកីឡាសូហ្វតិន្នីសរូបនេះបានឲ្យដឹងទៀតថា លោកមានការចាប់អារម្មណ៍ទៅលើបច្ចេកទេស និងថ្វីដៃប្រកួតរបស់កីឡាករ កីឡាការិនីជម្រើសជាតិថា មានការអភិវឌ្ឍពីមួយឆ្នាំទៅមួយឆ្នាំគួឲ្យកត់សម្គាល់ ជាពិសេសការប្រកួតជ្រើសរើសជើងឯកថ្នាក់ជាតិដែលបានបិទបញ្ចប់កាលពីល្ងាចថ្ងៃទី១១ កក្កដា ឆ្នាំ២០២២នេះតែម្ដង គឺមានការប្រកួតប្រជែងគ្នាខាំ្លង ដោយ
កីឡាករម្នាក់ៗប្រឹងប្រែងប្រកួតអស់ពីសមត្ថភាពរៀងៗខ្លួន។
អ្វីដែលកាន់តែធ្វើឲ្យមានការចាប់អារម្មណ៍ខ្លាំងនោះ គឺការប្រកួតរវាងសមាគមកីឡាក្រសួងមហាផ្ទៃ និងសមាគមកីឡាក្រសួងការពារជាតិ ដែលឆ្នាំណាក៏ប្រជែងគ្នាដណ្ដើមលេខ១ដែរ ។ ប៉ុន្តែឆ្នាំនេះ សមាគមកីឡាសូហ្វតិន្នីសក្រសួងមហាផ្ទៃនាំមុខវិញម្ដង ដោយដណ្តើមបានមេដាយមាស ៦គ្រឿង ប្រាក់៣គ្រឿង និងសំរឹទ្ធ១គ្រឿង ឈរនៅចំណាត់ថ្នាក់លេខ១សមាគមកីឡាសូហ្វតិន្នីស អគ្គស្នងការដ្ឋាននគរបាលជាតិដណ្តើមបានមេដាយមាស ២ គ្រឿង ប្រាក់៤គ្រឿង និងសំរឹទ្ធ ៤ គ្រឿង ។
សមាគមកីឡាសូហ្វតិន្នីសក្រសួងការពារជាតិ ដណ្តើមបានមេដាយមាស១គ្រឿង ប្រាក់១គ្រឿង និងសំរឹទ្ធ ១គ្រឿង ។ សមាគមកីឡាសូហ្វតិន្នី ខេត្តកំពង់ឆ្នាំងដណ្តើមបានមេដាយប្រាក់១គ្រឿង និងសំរឹទ្ធ១ គ្រឿង និងសមាគមកីឡាសូហ្វតិន្នី ខេត្តកំពង់ស្ពឺដណ្តើមបានមេដាយសំរឹទ្ធ ១ គ្រឿង។
គួរឱ្យដឹងផងដែរថា ការប្រកួតជ្រើសរើសជើងឯកថ្នាក់ជាតិកីឡាសូហ្វតិន្នីសខាងលើនេះប្រើប្រាស់ថវិកាគាំទ្រពីក្រសួងអប់រំ យុវជន និងកីឡា ដោយធ្វើឡើងរយៈពេល៥ថ្ងៃចាប់ពីថ្ងៃទី៧ដល់ថ្ងៃទី១១ ខែកក្កដា ឆ្នាំ២០២១ ។
ក្នុងនោះសមាសភាពចូលរួមប្រកួតមានដូចជា សមាគមកីឡាក្រសួងមហាផ្ទៃ សមាគមកីឡា អគ្គស្នងការដ្ឋាននគរបាលជាតិ សមាគមកីឡា ក្រសួងការពារជាតិ សមាគមកីឡាខេត្តកំពង់ស្ពឺ សមា គមកីឡាខេត្តកំពង់ឆ្នាំង សមាគមកីឡាខេត្តត្បូងឃ្មុំ និងសមាគមកីឡាអូឡាំពិក និងមាន ប្រតិភូ គ្រូបង្វឹក កីឡាករ-កីឡាការិនីទាំងអស់ចំនួន ៧៤នាក់ ក្នុងនោះប្រតិភូ-គ្រូបង្វឹកចំនួន១២នាក់ កីឡាករចំនួន៣៨នាក់និងកីឡាការិនីចំនួន២៤នាក់ ប្រកួតលើវិញ្ញាសាចំនួន៩ ៕
ចែករំលែកព័តមាននេះ