ខេត្តព្រះសីហនុ ៖ យ៉ាងហោចណាស់ ផ្ទះប្រជាពលរដ្ឋចំនួន៣៧ខ្នងផ្ទះក្នុងចំណោម៤២ខ្នងបានរងគ្រោះដោយជំនន់ទឹកភ្លៀងលិច ខណៈកំពស់ទឹកឡើងជិតប្រកាសអាសន្នហើយ នៅភូមិក្រាំងអាត់ចាស់ ឃុំកំពង់សីលា ស្រុកកំពង់សីលា ខេត្តព្រះសីហនុ ។…
ខេត្តព្រះសីហនុ ៖ យ៉ាងហោចណាស់ ផ្ទះប្រជាពលរដ្ឋចំនួន៣៧ខ្នងផ្ទះក្នុងចំណោម៤២ខ្នងបានរងគ្រោះដោយជំនន់ទឹកភ្លៀងលិច ខណៈកំពស់ទឹកឡើងជិតប្រកាសអាសន្នហើយ នៅភូមិក្រាំងអាត់ចាស់ ឃុំកំពង់សីលា ស្រុកកំពង់សីលា ខេត្តព្រះសីហនុ ។
នេះបើយោងតាមទូរទស្សន៍ជាតិកម្ពុជាបានប្រកាស ស្ថានភាពកំពស់ទឹក នៅស្ពានស្ទឹងសំរោង ចំណុចចន្លោះគីឡូម៉ែត្រលេខ ១១៥-១១៦ ក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ ទឹកឡើងមានកំពស់ ៥,២០ម៉ែត្រពីបាតស្ទឹង គិតត្រឹមវេលាម៉ោង១១និង៣០នាទី ថ្ងៃទី១២ ខែកក្កដានេះ ។
តាមការសន្និដ្ឋាន សភាពទឹកឡើងដល់កំពស់៥,៦០ម៉ែត្រ ទៅ៥,៧០ម៉ែត្រ និងត្រូវប្រកាសអាសន្ន ។
ប្រជាពលរដ្ឋរស់នៅភូមិក្រាំងអាត់ចាស់ ឃុំកំពង់សីលា ស្រុកកំពង់សីលា ចំនួន៤២ខ្នងផ្ទះ ក្នុងនោះបានរងគ្រោះដោយជំនន់ទឹកភ្លៀងចំនួន៣៧ ខ្នងផ្ទះហើយ ។
ក្នុងប្រតិបត្តិការណ៍នេះកម្លាំងកងរាជអាវុធហត្ថ ស្រុកកំពង់សីលា ចំនួន០៤នាក់ ដឹកនាំដោយលោកអនុសេនីយ៍ឯក សួន ធា មេបញ្ជាការរងស្រុក សហការជាមួយកម្លាំងគណៈបញ្ជាការឯកភាពរដ្ឋបាលស្រុកកំពង់សីលា ដឹកនាំដោយលោក សៅ បុរីវឌ្ឍនៈ អភិបាលស្រុកកំពង់ សីលា ចុះពិនិត្យស្ថានភាពទឹកជំនន់ដោយទឹកភ្លៀងចំណុចភូមិក្រាំងអាត់ចាស់ ឃុំកំពង់សីលា ស្រុកកំពង់សីលា ខេត្តព្រះសីហនុ ដែលមានប្រជាពលរដ្ឋរស់នៅចំនួន៤២ខ្នងផ្ទះ ក្នុងនោះរង គ្រោះដោយជំនន់ទឹកភ្លៀងចំនួន ៣៧ ខ្នងផ្ទះ (ពុំមានរងគ្រោះដល់អាយុជីវិតមនុស្ស រឺសត្វពាហនៈឡើយ )។
សូមបញ្ជាក់ថា ៖ ក្រសួងធនធានទឹក និងឧតុនិយមបានប្រកាសនៅព្រឹកនេះថា ចាប់ពីថ្ងៃទី១៣ដល់១៩ កក្កដា ខាងមុខនឹងនេះមានភ្លៀងធ្លាក់ពីតិចទៅបង្គួរលាយឡំដោយផ្គរ រន្ទះ និងខ្យល់កន្ត្រាក់ ។
នៅថ្ងៃទី១២ កក្កដា ឆ្នាំ២០២២ បានលើកឡើងថា ក្នុងអំឡុងមួយសប្តាហ៍ខាងមុខនេះកម្ពុជានឹងទទួលឥទ្ធិពលជាបន្តបន្ទាប់ គឺចាប់ពីថ្ងៃទី១៣-១៤ ខែកក្កដា ឥទ្ធិពលពីប្រព័ន្ធសម្ពាធទាប ITCZ ភ្ជាប់ទៅនឹងសម្ពាធទាបសកម្មនៅលើសមុទ្រចិនខាងត្បូង និងខ្យល់មូសុងនិរតីក្នុងកម្រិតពីមធ្យមទៅខ្លាំង ៕
ចែករំលែកព័តមាននេះ