ត្រឹម២ថ្ងៃ! បង្ក្រាបមេខ្លោង និងអ្នកប្រើប្រាស់ជាបន្តបន្ទាប់រហូតដល់៩នាក់
- មណ្ឌលគិរី
នគរបាលខេត្តមណ្ឌលគិរី បានបើកប្រតិបត្តិការបង្ក្រាបមេខ្លោងជួញដូរថ្នាំញៀ.នម្នាក់ និងអ្នកប្រើប្រាស់ចំនួន៩នាក់ផ្សេងទៀត
ខេត្តមណ្ឌលគិរី ៖ នគរបាលខេត្តមណ្ឌលគិរី បានបើកប្រតិបត្តិការបង្ក្រាបមេខ្លោងជួញដូរថ្នាំញៀ.នម្នាក់ និងអ្នកប្រើប្រាស់ចំនួន៩នាក់ផ្សេងទៀត នាថ្ងៃទី១០ និងថ្ងៃទី១១ ខែកក្កដា ឆ្នាំ២០២២ ស្ថិតនៅភូមិសាស្ត្រក្រុងសែនមនោរម្យ និងស្រុកអូររាំង ដោយរឹបអូសបានវត្ថុតាងជាច្រើន ។
លោកឧត្តមសេនីយ៍ត្រី ស៊ុម សោភ័ណ្ឌ ស្នងការរងនគរបាលខេត្តមណ្ឌលគិរី បានឲ្យដឹងថា ដោយមានបទបញ្ជាពីលោកឧត្តមសេនីយ៍ទោ ឡោ សុខា ស្នងការនគរបាលខេត្ត ក្នុងការបង្ការ និងបង្ក្រាបនៅរាល់បទល្មើសគ្រឿងញៀ.នទូទាំងខេត្តមណ្ឌលគិរី សមត្ថកិច្ចជំនាញការិយាល័យប្រឆាំងគ្រឿងញៀ.ន បានសហការជាមួយកម្លាំងក្រុងសែនមនោរម្យ និងស្រុកអូររាំង នៅវេលាម៉ោង២០និង១០នាទីយប់ ថ្ងៃទី១០ ខែកក្កដា បានបង្ក្រាបករណីជួញដូរ រក្សាទុក ដោយខុសច្បាប់នូវសារធាតុញៀ.នមួយកន្លែងនៅផ្ទះរបស់ឈ្មោះ សាំង ឈី ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ស្ថិតនៅភូមិពូត្រែង ឃុំដាក់ដាំ ស្រុកអូររាំង ខេត្តមណ្ឌលគិរី។
លោកស្នងការរងបន្តថា ក្រោយឃាត់ខ្លួនជនសង្ស័យខាងលើ រហូតដល់ថ្ងៃទី១១ ខែកក្កដា ឆ្នាំ២០២២ វេលាម៉ោង០៩និង០០នាទីព្រឹក កម្លាំងសមត្ថកិច្ចក៏បន្តឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀ.នជាបន្តបន្ទាប់ ចំនួន០៩នាក់បន្ថែមទៀត រួមមាន ៖
១- ឈ្មោះ កែវ រ៉ាម៉ន ភេទប្រុស អាយុ២៦ឆ្នាំ ជនជាតិខ្មែរ មុខរបរកសិករ មានទីលំនៅភូមិដោះក្រមុំ សង្កត់សុខដុម ក្រុងសែនមនោរម្យ ។
២- ឈ្មោះ ផេង ផាន់យុទ្ធ ហៅខ្ចិប ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាក មានទីលំនៅភូមិពូតាំង សង្កត់រមនា ក្រុងសែនមនោរម្យ ។
៣- ឈ្មោះ ហៀង សុផាន់ ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករ ។
៤- ឈ្មោះ អាន ម៉ាប់ ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មករ ។
៥- ឈ្មោះ ទឺម ណយ ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មករ ។ ទាំង៣នាក់នេះ មានទីលំនៅភូមិឆ្នាប់ ឃុំអំបិលក្រៅ ស្រុកស៊ីធរកណ្ដាល ខេត្តព្រៃវែង ។
៦- ឈ្មោះ ឃី រស្មី ភេទប្រុស អាយុ៣៨ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកចង្ក្រាន ឃុំល្វា ស្រុកកោះសូទិន ខេត្តកំពង់ចាម ។
៧- ឈ្មោះ ឆាង តុល ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មករ មានទីលំនៅភូមិត្រពាំងរាំង ឃុំមេមត់ ស្រុកមេមត់ ខេត្តត្បូងឃ្មុំ ។
៨- ឈ្មោះ ប៉ុច ទូ ភេទប្រុស អាយុ២២ឆ្នាំ ជនជាតិខ្មែរ មុខរបរកសិករ មានទីលំនៅភូមិអូស្ពាន សង្កាត់ស្ពានមានជ័យ ក្រុងសែនមនោរម្យ។
៩- ឈ្មោះ អ៊ិន វិចិត្រ ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឡៅកា សង្កាត់សុខដុម ក្រុងសែនមនោរម្យ ។
ពាក់ព័ន្ធនឹងករណីខាងលើនេះ សមត្ថកិច្ចក៏បានដកហូតសម្ភារៈវត្ថុតាងរួមមាន ៖ សារធាតុសង្ស័យជាសារធាតុញៀ.នមានសណ្ឋានជាក្រាមពណ៌ស ថ្លា ចំនួន០២កញ្ចប់ធំល្មម (ទម្ងន់ ៤,២៥ក្រាម សាច់ថ្នាំសុទ្ធ )។ រថយន្តចំនួន០២គ្រឿង ដោយ១គ្រឿងម៉ាក Toyota Camry ស៊េរីឆ្នាំ១៩៩៧ ពណ៌ប្រផេះ ពាក់ផ្លាកលេខ ត្បូងឃ្មុំ 2A-0272 2 និងរថយន្ត០១គ្រឿងទៀត ម៉ាក NISSAN ពណ៌ប្រផះ ពាក់ផ្លាកលេខ ភ្នំពេញ 2B-0331 ។ ទូរសព្ទដៃចំនួន៦គ្រឿង។ ប្រាក់រៀលចំនួន ៣លានរៀល ។ ប័ណ្ណសម្គាល់យានយន្តចំនួន១សន្លឹក។ កាបូបដាក់ថ្នាំញៀ.ន ចំនួន០១។ ថង់សំរាប់វេចខ្ចប់ថ្នាំញៀ.នមួយចំនួន រួមទាំងម៉ូតូកង់បី០១គ្រឿង ម៉ាក PIAGGIO APE CITY ពណ៌ស ពាក់ផ្លាកលេខ ភ្នំពេញ 1HP-3735. ទៀតផង។
ករណីខាងលើនេះ ត្រូវបានកម្លាំងសមត្ថកិច្ចជំនាញ កំពុងកសាងសំណុំរឿង និងបញ្ជូនខ្លួនទៅកាន់តុលាការ ដើម្បីចាត់ការទៅតាមនីតិវិធីច្បាប់ហើយ៕
ចែករំលែកព័តមាននេះ