អាហារទាំង៤មុខដែលជួយធ្វើឱ្យឈាមរាវ
នៅពេលដែលបេះដូង និងជីវិតរបស់យើងមានបញ្ហា អាហារដែលជួយឲ្យឈាមរាវដើរតួនាទីយ៉ាងសំខាន់ក្នុងការដោះស្រាយបញ្ហាមួយនេះ ។ ប្រសិនបើអ្នកមានបញ្ហាបេះដូង …
នៅពេលដែលបេះដូង និងជីវិតរបស់យើងមានបញ្ហា អាហារដែលជួយឲ្យឈាមរាវដើរតួនាទីយ៉ាងសំខាន់ក្នុងការដោះស្រាយបញ្ហាមួយនេះ ។ ប្រសិនបើអ្នកមានបញ្ហាបេះដូង …
នៅពេលដែលបេះដូង និងជីវិតរបស់យើងមានបញ្ហា អាហារដែលជួយឲ្យឈាមរាវដើរតួនាទីយ៉ាងសំខាន់ក្នុងការដោះស្រាយបញ្ហាមួយនេះ ។ ប្រសិនបើអ្នកមានបញ្ហាបេះដូង និង ផលវិបាកដទៃទៀត អ្នកគួរតែចាប់ផ្តើមបរិភោគអាហារដែលមានគុណសម្បត្តិជួយធ្វើឲ្យឈាមរាវពីធម្មជាតិ ។ អាហារដែលធ្វើឲ្យឈាមរាវត្រូវបានណែនាំដល់អ្នកដែលមានការកកឈាមនៅក្នុងសរសៃឈាមវ៉ែន និងសរសៃឈាមអារទែ ។ ទោះជាយ៉ាងណាក៏ដោយ ការបរិភោគអាហារដែលធ្វើឱ្យឈាមរាវ អាចជួយបង្កើនចរាចរឈាមនៅក្នុងរាងកាយ និងការពារហានិភ័យនៃជំងឺគាំងបេះដូង និងជំងឺដាច់សរសៃឈាមក្នុងខួរក្បល។ ខាងក្រោមនេះគឺជាអាហារជួយធ្វើឲ្យឈាមរាវ ៖
១-ខ្ញី ៖ ខ្ញីត្រូវបានគេប្រើជាញឹកញាប់ដើម្បីបន្ថែមរសជាតិទៅក្នុងអាហារ ប៉ុន្តែវាគឺជាឱសថដ៏អស្ចារ្យក្នុងការជួយឱ្យឈាមរាវផងដែរ ។ ខ្ញីត្រូវបានគេប្រើដើម្បីបន្ថែមគុណសម្បត្តិរបស់វាទៅក្នុងអាហាររបស់អ្នក ដោយសារតែវាមានគុណសម្បត្តិដ៏អស្ចារ្យក្នុងការកាត់បន្ថយបញ្ហាដែលទាក់ទងនឹងសុខភាពជាច្រើន ។ នៅពេលដែលនិយាយពីការធ្វើឲ្យឈាមរាវ ខ្ញីជួយកាត់បន្ថយការរលាកក្នុងរាងកាយ និងធ្វើឲ្យប្រព័ន្ធសរសៃប្រសាទមានភាពស្រាកស្រាន្ត ។ ដូច្នេះ ប្រសិនបើអ្នកចង់ជួយបង្ការជំងឺស្ទះសរសៃឈាមបេះដូង ចូរអ្នកទទួលទានតែខ្ញីឱ្យបានមួយពែងក្នុងមួយថ្ងៃ ។
២-ម្ទេសក្រហម ៖ ម្ទេសក្រហមមានប្រសិទ្ធភាពយ៉ាងខ្លាំងក្នុងការជួយឱ្យឈាមរាវ ដែលវាអាចជួយយើងក្នុងការទប់ស្កាត់ការកកឈាមនៅក្នុងសរសៃឈាមអាកទែ និងសរសៃឈាមវ៉ែន ។ ដោយសារតែវាមានសារធាតុ Salicylates យ៉ាងច្រើនទើបវាអាចជួយក្នុងការជំរុញចរាចរឈាមក្នុងខ្លួន និងកាត់បន្ថយសម្ពាធឈាមផងដែរ ។ ទោះបីជាម្ទេសមានរសជាតិហឹរខ្លាំង តែពួកវាអាចជួយការពារហានិភ័យនៃជំងឺដាច់សរសៃឈាមខួរក្បាល និងបេះដូងបាន ។
៣-អាហារសម្បូរជាតិខ្លាញ់អាស៊ីដខ្លាញ់អូមេហ្គា៣ ៖ ការទទួលទានអាហារដែលសម្បូរសារជាតិអាស៊ីតខ្លាញ់អូមេហ្គា៣ អាចធ្វើឲ្យឈាមអ្នករាវបាន ។ វាធ្វើឲ្យឈាមរត់បានដោយសេរីដោយគ្មានការស្ទះរវាងសរសៃអាកទែ និងសរសៃវែ៉ន ។ អាស៊ីតខ្លាញ់អូមេហ្គា ៣ ក៏មានមុខងារក្នុងការបន្ថយកម្រិតកូឡេស្តេរ៉ុល និងទប់ស្កាត់មិនឲ្យឈាមកក ។ អ្នកគួរតែបរិភោគអាហារដូចជា គ្រាប់ល្ពៅ ត្រីសាល់ម៉ុង គ្រាប់ Walnut ប្រេងអូលីវ និងគ្រាប់ Flax ឲ្យបានច្រើន ។ ទោះជាយ៉ាងណា ការបរិភោគត្រីគឺល្អចំពោះសុខភាព ប៉ុន្តែរឿងមួយដែលអ្នកគួរពិចារណាគឺថា ត្រីមានជាតិបារតខ្អស់ដែលអាចប៉ះពាល់ដល់រាងកាយរបស់មនុស្សបាន ។ ដូច្នេះសូមប្រាកដថា អ្នកបរិភោគត្រីសមុទ្រនៅក្នុងដែនកំណត់មួយឱ្យបានត្រឹមត្រូវ ។
៤-ប្រេងអូលីវ ៖ ប្រេងអូលីវអាចជួយក្នុងការព្យាបាលបញ្ហានៃការកកឈាមបានយ៉ាងងាយស្រួល ។ ប្រេងអូលីវអាចជួយបង្កើនចរាចរឈាមក្នុងរាងកាយ និងទប់ស្កាត់មិនឲ្យមានការកកឈាមរវាងសរសៃឈាមវ៉ែន និងសរសៃឈាមអាកទែ ។ វាសម្របសម្រួលដំណើរការរលូននៃសរីរាង្គកាយ និងផ្តល់អត្ថប្រយោជន៍ជាច្រើនដល់សុខភាពរបស់អ្នក ។ ប្រេងអូលីវមានផ្ទុកភ្នាក់ងារប្រឆាំងនឹងការរលាក ដែលល្អសម្រាប់ការធ្វើឲ្យឈាមរាវ ៕
ចែករំលែកព័តមាននេះ