ក្រោយរង់ចាំ១០ឆ្នាំ គ្រូជម្រើសជាតិចំបាប់កម្ពុជា ទទួលបានមេដាយមាសអូឡាំពិក ឆ្នាំ២០១២
- ភ្នំពេញ
រាជធានីភ្នំពេញ ៖ គ្រូបង្វឹកជម្រើសជាតិចំបាប់កម្ពុជា លោក Komeil Ghasemi ទីបំផុតបានទទួល
រាជធានីភ្នំពេញ ៖ គ្រូបង្វឹកជម្រើសជាតិចំបាប់កម្ពុជា លោក Komeil Ghasemi ទីបំផុតបានទទួល
រាជធានីភ្នំពេញ ៖ គ្រូបង្វឹកជម្រើសជាតិចំបាប់កម្ពុជា លោក Komeil Ghasemi ទីបំផុតបានទទួលមេដាយមាសកីឡាអូឡាំពិកទីក្រុងឡុងដ៍ ឆ្នាំ២០១២ (2012 London Summer Olympic) លើប្រភេទកីឡាចំបាប់ជាផ្លូវការ បន្ទាប់ពីរង់ចាំអស់រយៈពេល១០ឆ្នាំ។
លោក Seyed Reza Salehi Amiri ប្រធានគណៈកម្មាធិការជាតិអូឡាំពិកនៃសាធារណរដ្ឋអ៊ី
ស្លាមអ៊ីរ៉ង់ បានទទួលមេដាយមាសកីឡាចំបាប់ អូឡាំពិកទីក្រុងឡុងដ៍ ឆ្នាំ២០១២ ជំនួសអត្តពលិក
ជនជាតិអ៊ីរ៉ង់ លោក Komeil Ghasemi នៅទីក្រុង Lausanne កាលពីសប្តាហ៍មុន ។ ការទទួលបានមេដាយមាសនេះគឺចំពេលដែលប្រធាន NOC របស់អ៊ីរ៉ង់ លោក Salehi Amiri និងរដ្ឋមន្ត្រីក្រសួងកីឡា និងយុវជន នៃប្រទេសនេះ លោក Dr. Seyed Hamid Sajjadi បានទៅបំពេញទស្សនកិច្ចនៅទីក្រុង Lausanne ប្រទេសស្វ៊ីស សម្រាប់កិច្ចប្រជុំជាច្រើនជាមួយសហព័ន្ធកីឡាអន្តរជាតិ និងគណៈកម្មាធិការអូឡាំពិកអន្តរជាតិ (IOC)។
នៅក្រៅកិច្ចប្រជុំ IOC ប្រធាន NOC អ៊ីរ៉ង់បានទទួលមេដាយមាស ដែលទន្ទឹងរង់ចាំជាយូរមកហើយ ក្នុងវិញ្ញាសាសេរី បុរស ប្រភេទទម្ងន់ ១២០គីឡូក្រាម ប្រគល់ជូនលោក Ghasemi ដែលដើមឡើយបានឈ្នះមេដាយសំរឹទ្ធប៉ុណ្ណោះ និងទើបតែសម្រេចលទ្ធផលចុងក្រោយ កាលពីឆ្នាំទៅ។
អ៊ីរ៉ង់ត្រូវបានជូនដំណឹងកាលពីឆ្នាំមុនថា គណៈកម្មាធិការអូឡាំពិកអន្តរជាតិ (IOC) បានបញ្ចប់ការស៊ើបអង្កេតសារធាតុហាមឃាត់របស់ពួកគេ លើកីឡាករចំបាប់អូឡាំពិក ២នាក់ គឺកីឡាករ Arthur Taymazov មកពីអ៊ូសបេគីស្ថាន ដែលជាម្ចាស់មេដាយមាស និងកីឡាករ Davit Modzamanashvili មកពីហ្ស៊កហ្ស៊ី ម្ចាស់មេដាយប្រាក់។ កីឡាករ ទាំង ២ ត្រូវបានដកហូតមេដាយរបស់ពួកគេ បន្ទាប់ពីធ្វើតេស្តវិជ្ជមាន និងក្រោយពីធ្វើតេស្តគំរូរបស់ពួកគេឡើងវិញម្ដងទៀត ។
ជាមួយនឹងការកើនឡើងដល់មេដាយមាសអូឡាំពិក លោក Ghasemi បានក្លាយជាកីឡាករចំបាប់ដែលជោគជ័យជាងគេក្នុងប្រវត្តិសាស្ត្រអ៊ីរ៉ង់ ។ ស្នាដៃរបស់លោកក្នុងក្បាច់ចំបាប់សេរី (freestyle wrestling) មានដូចជា៖
១-លំដាប់ពិភពលោក ៖
-ឈ្នះមេដាយមាសអូឡាំពិក២០១២ នៅទីក្រុង London ចក្រភពអង់គ្លេស ក្នុងប្រភេទទម្ងន់ ១២០គីឡូក្រាម
-ឈ្នះមេដាយសំរឹទ្ធ ជើងឯកពិភពលោក ឆ្នាំ២០១៤ នៅទីក្រុង Tashkent ប្រទេសអ៊ូសបេគីស្ថាន ក្នុងប្រភេទទំងន់ ១២៥គីឡូក្រាម
-ឈ្នះមេដាយសំរឹទ្ធ អូឡាំពិក២០១៦ នៅទីក្រុង Rio ប្រទេសប្រេស៊ីល ក្នុងប្រភេទទម្ងន់់ ១២៥គីឡូក្រាម
២-លំដាប់ទ្វីបអាស៊ី ៖
-ឈ្នះមេដាយប្រាក់ជើងឯកអាស៊ី ក្នុងទីក្រុង Tashkent ប្រទេសអ៊ូសបេគីស្ថាន ឆ្នាំ២០១១ ក្នុងប្រភេទទម្ងន់ ១២០គីឡូក្រាម
-ឈ្នះមេដាយមាស ជើងឯកអាស៊ីនៅទីក្រុង Astana ប្រទេសកាហ្សាក់ស្ថាន ឆ្នាំ២០១៤ ក្នុងប្រភេទទម្ងន់់ ១២៥គីឡូក្រាម
-ឈ្នះមេដាយប្រាក់ ជើងឯកអាស៊ី នៅទីក្រុង Doha ប្រទេសកាតា ក្នុងឆ្នាំ២០១៥ ក្នុងប្រភេទទម្ងន់ ១២៥គីឡូក្រាម
លោក Komeil Ghasemi បានក្លាយជាគ្រូបង្វឹកនៃក្រុមជម្រើសជាតិចំបាប់កម្ពុជា កាលពីខែសីហា ឆ្នាំ២០២១។ ស្នាដៃចាប់តាំងពីលោកចូលមកដឹកនាំក្រុមជម្រើសជាតិចំបាប់ គឺបានជួយឲ្យកម្ពុជា ឈ្នះមេដាយ ៦គ្រឿង នៅស៊ីហ្គេម លើកទី៣១ នៅប្រទេសវៀតណាម ក្នុងនោះមេដាយមាស១ ប្រាក់១ និងសំរឹទ្ធ៤ ឈរនៅលេខ២ ក្នុងតារាងមេដាយសរុបដែលមាន ៧ប្រទេស ចូលរួមប្រកួតលើប្រភេទកីឡានេះ ៕
ចែករំលែកព័តមាននេះ