រាជធានីភ្នំពេញ ៖ព័ត៌មានបឋម នៅវេលាម៉ោងជាង១២និង៤០នាទីថ្ងៃទី០៧ ខែកក្កដានេះ ក្រុមឡានបែនដឹកដីដែលកែចង្កូតរួច ព្រមបើកផ្លូវវិញហើយ ដោយអាជ្ញាធរស្រុកអង្គស្នូលបានទទួលយកសំណើរបស់ម្ចាស់ឡាន ដើម្បីរាយការណ៍ជូនទៅថ្នាក់ដឹកនាំខាងលើ ។ ក្រុមថៅកុងឡានខាងលើ…
រាជធានីភ្នំពេញ ៖ព័ត៌មានបឋម នៅវេលាម៉ោងជាង១២និង៤០នាទីថ្ងៃទី០៧ ខែកក្កដានេះ ក្រុមឡានបែនដឹកដីដែលកែចង្កូតរួច ព្រមបើកផ្លូវវិញហើយ ដោយអាជ្ញាធរស្រុកអង្គស្នូលបានទទួលយកសំណើរបស់ម្ចាស់ឡាន ដើម្បីរាយការណ៍ជូនទៅថ្នាក់ដឹកនាំខាងលើ ។
ក្រុមថៅកុងឡានខាងលើ បានយល់ព្រមរំសាយ និងបើកផ្លូវបើកឡានចេញ ដោយឲ្យចរាចរណ៍ដំណើរការធម្មតាវិញហើយ ដោយពួកគាត់រងចាំដំណោះស្រាយ ។
អាជ្ញាធរស្រុកអង្គស្នូលបានសន្យាថា ដំណោះស្រាយត្រូវរងចាំមើលស្អែកពេលល្ងាច ព្រោះត្រូវចាំមើលគោលការណ៍ពីថ្នាក់លើយ៉ាងម៉េចយ៉ាងណាបន្តទៀត ។
សូមបញ្ជាក់ថា ៖ ក្រុមថៅកុងឡានបែនដឹកដី អ្នកដែលបានកែចង្កូតហើយបាននាំគ្នាធ្វើការតវ៉ាបិតផ្លូវជាតិលេខ៤ ត្រង់ចំណុចភ្លើងស្តុបថ្នល់ទទឹង ស្ថិតនៅឃុំដំណាក់អំពិល ស្រុកអង្គស្នូល ខេត្តកណ្តាល ដោយតវ៉ាយកឡានចតបិតផ្លូវតែម្តង ។
ទាក់ទិនករណីថៅកុងឡាននាំគ្នាមកតវ៉ានេះដែរ គឺពួកគាត់ស្នើសុំឲ្យអ្នកមិនទាន់កែចង្កូតពីស្តាំមកឆ្វេង កែចង្កូតមកឆ្វេង និងបង់ពន្ធជូនរដ្ឋដូចគ្នា ។ ដោយពួកគាត់បានលើកឡើងថា ការធ្វើបែបនេះគឺមិនស្មើភាពចំពោះពួកគាត់ឡើយ ពួកស្នើសុំឲ្យរថយន្តធ្វើការបង់ពន្ធ និងកែចង្កូតឲ្យដូចគ្នា ទើបពួកគាត់ព្រម ។
រំលឹក ៖ ម្ចាស់ឡានកែចង្កូតហើយ មិនសុខចិត្តតវ៉ាបិតផ្លូវជាតិលេខ៤ ឲ្យកែចង្កូតមកឆ្វេងទាំងអស់គ្នា
ចែករំលែកព័តមាននេះ