ADផ្ទាំងផ្សព្វផ្សាយពាណិជ្ជកម្ម

Picture

សម្តេចតេជោ អំពាវនាវពលរដ្ឋឱ្យប្រើប្រាស់ភ្លើងដោយសន្សំសំចៃបំផុត នៅកាលៈទេសៈនេះ

1 ខែ មុន
  • ភ្នំពេញ

រាជធានី​ភ្នំពេញ ៖ ថ្លែង​ចេញពី​វិមាន​សន្តិភាព​ នា​ព្រឹក​ថ្ងៃ​ទី ៦ ខែកក្កដា ឆ្នាំ​២០២២​នេះ សម្តេច​តេ​ជោ ហ៊ុន សែន…

រាជធានី​ភ្នំពេញ ៖ ថ្លែង​ចេញពី​វិមាន​សន្តិភាព​ នា​ព្រឹក​ថ្ងៃ​ទី ៦ ខែកក្កដា ឆ្នាំ​២០២២​នេះ សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា​បាន​អំពាវនាវ​ឱ្យ​ប្រជាពលរដ្ឋ​ត្រូវ​ប្រើប្រាស់​អគ្គិសនី​ដោយ​សន្សំ​សំចៃ​បំផុត​នៅ​ពេល​នេះ ជា​ពេលវេលា​ដែល​តម្លៃ​ប្រេងឥន្ធនៈ​ ។

Picture

សម្តេច​តេ​ជោ បញ្ជាក់​ថា ការ​អំពាវនាវ​ឱ្យ​ពលរដ្ឋ​ចូលរួម​ប្រើប្រាស់​អគ្គិសនី​ដោយ​សន្សំ​សំចៃ​បំផុត​នេះ គឺ​មិនមែន​ដោយសារ​តែ​បញ្ហា​ខ្វះខាត​អគ្គិសនី​ទេ តែ​គឺ​ដោយសារ​តែ​បញ្ហា​តម្លៃ​ប្រេង​ឥ​ន្ធ​នះ​ឡើងថ្លៃ ដែល​ជា​ផល​ប៉ះពាល់​ជា​អវិជ្ជមាន​ដោយសារ​តែ​សង្គ្រាម​អ៊ុយ​ក្រែ​ន​-​រុ​ស្ស៊ី​។

«បញ្ហាប្រើប្រាស់ភ្លើងអគ្គិសនី ត្រូវឱ្យមានការសន្សំសំចៃខ្ពស់បំផុតជាងពេលណាៗទាំងអស់» នេះមិនមែនខ្វះអគ្គិសនីទេ អគ្គិសនីផលិតបាន ក៏ប៉ុន្តែវាថ្លៃ»។ នេះជាការបញ្ជាក់របស់សម្តេចតេជោ។

Picture

តម្លៃប្រេងសាំងធម្មតានៅខ្មែរគឺ ៥៨០០ រៀលក្នុងមួយលីត្រ ដោយសម្តេចបញ្ជាក់ថា អ្នកធម្មតាជិះឡានធម្មតា ចាក់សាំង ៥៨០០ រៀលក្នុងមួយលីត្រទៅ បើអ្នកមានប្រើឡានថ្លៃ គេចាក់ស៊ុបពែរដែលមានតម្លៃថ្លៃចុះ។ យ៉ាងណាមិញ សម្តេចស្នើសុំប្រជាពលរដ្ឋខ្មែរយោគយល់លើបញ្ហានេះ ក្នុងនោះសម្តេចអះអាងថា តម្លៃប្រេងឥន្ធនៈនៅខ្មែរ នៅតែមានតម្លៃធូរថ្លៃជាងនៅអឺរ៉ុប ដូចជានៅបារាំង មានតម្លៃជាង១ម៉ឺនរៀលក្នុងមួយលីត្រឯណោះ ខណៈនៅខ្មែរគឺតម្លៃ ៥៨០០រៀលក្នុងមួយលីត្រ សម្រាប់ប្រភេទសាំងធម្មតា។

Picture

សម្តេចពន្យល់ថា ជាគោលការណ៍សេដ្ឋកិច្ចទីផ្សារសេរី គឺមិនអាចត្រួតត្រាកំណត់ថ្លៃទេ តែនេះជាការចាំបាច់ដើម្បីរដ្ឋធ្វើការត្រួតពិនិត្យទៅលើតម្លៃ។ «ហើយបើសិនជាយកគោលការណ៍សេដ្ឋកិច្ចផ្សារ យកមកដាក់ពិតប្រាកដ (តម្លៃ) ភ្លើងឡើងមួយជាពីរ»។ ឧទាហរណ៍ឥឡូវថាក្នុងមួយគីឡូវ៉ាត់ម៉ោងតម្លៃ ៧២០រៀល អ៊ីចឹងវាត្រូវឡើងដល់១៥០០រៀលក្នុងមួយគីឡូវ៉ាត់ម៉ោង «តែយើងសុខចិត្តធ្វើការខាតបង់» ដូច្នេះការចូលរួមសន្សំសំចៃភ្លើង គឺត្រូវចាប់ផ្តើមពីស្ថាប័នរដ្ឋមុនគេ ដែលប្រើប្រាស់ពីថវិកាជាតិ។

សម្តេចតេជោ នាយករដ្ឋមន្ត្រីបានពន្យល់ថា «រឿងភ្លើងហ្នឹងមានការឡើងថ្លៃ ម្តងឬ២ដងហើយ ប្រសិនបើយើងមិនគិតគូរដល់ប្រជាពលរដ្ឋ ខណៈប្រទេសផ្សេងឡើងថ្លៃអគ្គិសនីហើយ ពេលនេះកម្ពុជា គឺខាត ជួបកូវីដប្រេងចុះថ្លៃ ដល់ពេលកូវីដថមថយសេដ្ឋកិច្ចចាប់ផ្តើមឡើង ប្រេងឡើងថ្លៃវិញ ជាពិសេសសង្គ្រាមនៅអ៊ុយក្រែនធ្វើឱ្យមានវិបត្តិប្រេងជាសកល»។

សម្តេចតេជោ មានប្រសាសន៍បន្តថា ឥលូវនេះ បញ្ហាកម្មវិធីការប្រែប្រួលអាកាសធាតុ គឺគ្មានន័យតទៅទៀតទេ ព្រោះកាលប្រជុំឆ្នាំ ២០២១នៅអង់គ្លេស ប្រទេសនីមួយៗនំាគ្នាប្រកាសថាប្រើធ្យូងថ្ម ក្នុងនោះអាល្លឺម៉ង់ថាប្រើមុនគេ ព្រោះរុស្ស៉ីកាត់បន្ថយឧស្ម័ន វាធ្វើឱ្យខូចកម្មវិធីសកលនៃការប្រែប្រួលអាកាសធាតុឥលូវប្រេងនិងធ្យូងថ្មីឡើងថ្លៃ ដូច្នេះអឺរ៉ុបអាចនឹងកាប់ព្រៃឈើយកអូសដាំបាយក៏អាចថាបាន តែយ៉ាងណាមិញនោះគឺប្រទេសគេនឹងចេះដោះស្រាយរឿងរបស់គេទៅចុះ។

យ៉ាងណាមិញ សម្តេចបញ្ជាក់ថា សម្រាប់កម្ពុជា ពេលនេះទេវតាជួយកម្ពុជា ដោយសារតែវារីអគ្គិសនីក៏បានដើរ ថាមពលអគ្គិសនីក៏ដើរ អំពាវនាវឱ្យសន្សំសំចៃភ្លើងចាប់ផ្តើមពីស្ថាប័នរដ្ឋ ដែលប្រើប្រាស់ពីថវិការជាតិ៕

Picture
Picture
Picture