ADផ្ទាំងផ្សព្វផ្សាយពាណិជ្ជកម្ម

Picture

ផ្ទុះអាវុធ​១០​គ្រាប់ ស្លា​.​ប់​អ្នកបើកបរ​រថយន្ត​ម្នាក់ ក្នុង​វីឡា​មួយ​នៅ​ខណ្ឌ​បឹង​កេងកង

1 ឆ្នាំ មុន

រាជធានី​ភ្នំពេញ ៖ ករណី​ផ្ទុះអាវុធ​ចំនួន​១០​គ្រាប់ នៅផ្ទះ​វីឡា​មួយ​កន្លែង​របស់​ឧកញ៉ា​មួយ​រូប បណ្ដាល​ឲ្យ​បុរស​ម្នាក់​ជា​អ្នកបើកបរ​រថយន្ត ស្លា​.​ប់​ភ្លាម​ៗ​នៅ​នឹង​កន្លែង ពេល​នេះ សមត្ថកិច្ច​ជំនាញ​កំពុង​ស្វែងរក​ចាប់ខ្លួន​ខ្មាន់កាំភ្លើង ក្រោយ​ពី​បាញ់ប្រហារ​រួច​ហើយ បាន​រត់គេច​ខ្លួន​បាត់​ស្រមោល…

រាជធានី​ភ្នំពេញ ៖ ករណី​ផ្ទុះអាវុធ​ចំនួន​១០​គ្រាប់ នៅផ្ទះ​វីឡា​មួយ​កន្លែង​របស់​ឧកញ៉ា​មួយ​រូប បណ្ដាល​ឲ្យ​បុរស​ម្នាក់​ជា​អ្នកបើកបរ​រថយន្ត ស្លា​.​ប់​ភ្លាម​ៗ​នៅ​នឹង​កន្លែង ពេល​នេះ សមត្ថកិច្ច​ជំនាញ​កំពុង​ស្វែងរក​ចាប់ខ្លួន​ខ្មាន់កាំភ្លើង ក្រោយ​ពី​បាញ់ប្រហារ​រួច​ហើយ បាន​រត់គេច​ខ្លួន​បាត់​ស្រមោល ។

ហេតុការណ៍​ផ្ទុះអាវុធ​នេះ បាន​កើតឡើង​នៅ​វេលា​ម៉ោង​០១​និង​៣៥​នាទី​រសៀល​ថ្ងៃ​ទី​៥ ខែកក្កដា ឆ្នាំ​២០២២​នេះ នៅ​ចំណុច​ផ្ទះ​លេខ​៣៨ ស្ថិត​នៅ​តាម​បណ្ដោយ ផ្លូវ​លេខ​៣២២ ក្នុង​មូលដ្ឋាន​សង្កាត់​បឹង​កេងកង​ទី​១ ខណ្ឌ​បឹង​កេងកង រាជធានី​ភ្នំពេញ ។

បើ​តាម​ការ​រៀបរាប់​របស់​ស្ត្រី​ម្នាក់ ដែល​អះអាង​ខ្លួន​ថា ជា​ភរិយា​នៃ​សព បាន​ធ្វើ​ដំណើរ​មក​ដល់ទី​តាំង​កើតហេតុ បាន​ប្រាប់​ឲ្យ​ដឹង​ថា ជន​រង​គ្រោះ​មានឈ្មោះ គង់ សុទ្ធ ភេទ​ប្រុស អាយុ​៤៤​ឆ្នាំ មានស្រុក​កំណើត​នៅ​ខេត្តព្រៃវែង មាន​ប្រពន្ធ និង​កូន​ចំនួន​០២​នាក់ ប្រុស​ម្នាក់​ស្រី​ម្នាក់​នៅ​ក្នុង​បន្ទុក មុខរបរ​ជា​អ្នកបើកបរ​រថយន្ត​ឲ្យ​លោក​ឧកញ៉ា​ម្នាក់ ដែល​មាន​អា​ស័​យ​ដ្ឋា​ន​នៅ​កន្លែង​កើតហេតុ ។

​ស្ត្រីដដែល បាន​បញ្ជាក់​ថា រូប​គាត់​និង​កូន ស្នាក់​នៅ​បន្ទប់​ជួល ក្នុងភូមិ​ទួល​ពង្រ សង្កាត់់​ត្រពាំង​ក្រឡឹង ខណ្ឌ​ពោធិ៍​សែន​ជ័យ នៅ​ឆ្ងាយ​ពី​គ្នា ហើយ​ប្តី​តែង​មក​ប្រចាំការ​នៅផ្ទះ​វីឡា ។ ប្តី​របស់​គាត់ គឺជា​មនុស្ស​ស្លូត​ណាស់ ពុំដែល​មាន​គំនុំ​ជាមួយ​អ្នក​ណា​ទេ ។ អ្នក​ស្ត្រី​ក៏​បាន​សំណូមពរ​ដល់​សមត្ថកិច្ច​មេត្តា​បើក​ការ​ស្រាវ​លើ​ករណី​នេះ ដើម្បី​រក​យុត្តិធម៌​ជូន​ដល់​ប្តី​របស់​គាត់​ផង ។

ប្រភព​ព័ត៌មាន​ពី​ប្រជាពលរដ្ឋ​វិញ បាន​ប្រាប់​អ្នក​សារព័ត៌មាន​ថា មុន​កើតហេតុ ពួក​គាត់​ឭ​សូរ​សំឡេង​ផ្ទុះអាវុធ ចំនួន ៧​គ្រាប់ លុះដល់​មួយសន្ទុះ ក៏​ឭ​សូរ​ផ្ទុះអាវុធ​ចំនួន ៣​គ្រាប់​ទៀត ទើប​បង្ក​ការ​ភ្ញាក់ផ្អើល​ដល់​ប្រជាពលរដ្ឋ និង​សមត្ថកិច្ច​ចម្រុះ​ចុះ​ដល់ទី​តាំង​កើតហេតុ ។

ក្រោយ​ពេល​កើតហេតុ គេ​ឃើញ​មាន សមត្ថកិច្ច​មូលដ្ឋាន សមត្ថកិច្ច​ជំនាញ​នាយកដ្ឋាន​ព្រហ្មទណ្ឌ​កម្រិត​ធ្ងន់ នៃ​ក្រសួងមហាផ្ទៃ កម្លាំង​ការិយាល័យ​ព្រហ្មទណ្ឌ​កម្រិត​ធ្ងន់ នៃ​ស្នងការដ្ឋាន​នគ​បាល​រាជធានី​ភ្នំពេញ កម្លាំង​ការិយាល័យ​បង្ក្រាប់​បទល្មើស​ព្រហ្មទណ្ឌ​កម្រិត​ធ្ងន់​រាជ​អាវុធហត្ថ​រាជធានី​ភ្នំពេញ បាន​ចុះ​មក​ដល់ទី​តាំង​កើតហេតុ ធ្វើការ​បិទ​ជុំវិញ​ទីតាំង​កើតហេតុ ដើម្បី​ត្រួតពិនិត្យ និង​ស្រាវជ្រាវ​ផង​ដែរ ។

ករណី​ខាងលើ​នេះ សមត្ថកិច្ច​ជំនាញ នៅ​មិន​ទាន់​អាច​ផ្តល់​ព័ត៌មាន​លម្អិត​នៅឡើយ​ទេ ។ យ៉ាងណា នា​ពេល​នេះ​កម្លាំង​ជំនាញ​ពាក់ព័ន្ធ បាន​និង​កំពុង​តែ​ធ្វើការ​ស្រាវជ្រាវ​រួម​គ្នា ដើម្បី​តាម​ស្វែងរក​ចាប់ខ្លួន​ខ្មាន់កាំភ្លើង​ហើយ ៕

អត្ថបទសរសេរ ដោយ