កីឡាករសង្ហារ១រូបជួបគ្រោះដ៏រន្ធ.ត់ អំឡុងប្រកួតជើងឯកពិភពលោក F1
អង់គ្លេស ៖ កីឡាករចិន Zhou Guanyu ជួបគ្រោះថ្នាក់ដ៏រន្ធត់ អំឡុងការប្រកួតព្រឹត្តិការណ៍ប្រណាំង
អង់គ្លេស ៖ កីឡាករចិន Zhou Guanyu ជួបគ្រោះថ្នាក់ដ៏រន្ធត់ អំឡុងការប្រកួតព្រឹត្តិការណ៍ប្រណាំង
អង់គ្លេស ៖ កីឡាករចិន Zhou Guanyu ជួបគ្រោះថ្នាក់ដ៏រន្ធ.ត់ អំឡុងការប្រកួតព្រឹត្តិការណ៍ប្រណាំងរថយន្ត F1 ជើងឯកពិភពលោក (Formula One World Championship) ប្រចាំឆ្នាំ ២០២២។
ហេតុការណ៍ដ៏ភ្ញាក់ផ្អើលខាងលើនេះ បានកើតឡើងអំឡុងការប្រកួតជុំទី១ កាលពីថ្ងៃទី៣ ខែកក្កដា កន្លងទៅ នៅឯកម្មវិធី British Grand Prix នៅលើទីលាន Silverstone Circuit របស់ចក្រភពអង់គ្លេស ដែលជាទីលានទី១០ រដូវកាលនេះ។ ដោយកីឡាករ Zhou Guanyu ដែលបើកឱ្យក្រុម Alfa Romeo-Ferrari បានជួបគ្រោះថ្នាក់ដ៏រន្ធ.ត់ ក្រោយប៉ះទង្គិចជាមួយរថយន្តគូប្រជែង។ ដែលបណ្តាលឱ្យរថយន្តកីឡាករចិនវ័យ២៣ឆ្នាំរូបនេះ ក្រឡា.ប់អូសឆ្លងកាត់ផ្លូវ បុ.ករបាំងសំបកកង់ មុនពេលធ្លាក់ចូលក្នុងរនាំងទល់នៃរបង។
ទោះយ៉ាងណា គ្រោះថ្នាក់ដ៏រន្ធ.ត់នេះ មិនបានបណ្តាលឱ្យ Zhou និងនរណាម្នាក់ រងរបួសឡើយ។ ហើយគេក៏បានបង្ហោះសារលើគណនី Twitter ដែលបង្ហាញថា គេហាក់ដូចជាមិនមានការភ័.យខ្លា.ច រួមជាមួយនឹងស្នាមញញឹមបញ្ជាក់ថា គ្មានបញ្ហាអ្វីទាំងអស់។ Zhou បានអះអាងថា «Halo» ដែលជារបារកោងដាក់លើរថយន្ត ដើម្បីការពារក្បាលអ្នកបើកបរ បានសង្គ្រោះជីវិតគេពីសេចក្តីស្លា.ប់។
Zhou Guanyu បានក្លាយជាកីឡាករអាជីពនៅឆ្នាំ ២០១៤ ក្នុងនាមជាអ្នកបើកបររថយន្ត Formula 4។ មុនក្លាយជាអ្នកបើកបរ Formula 3 នៅឆ្នាំ ២០១៦។ រហូតដល់ឆ្នាំ ២០១៩ រូបគេបានវិវត្តន៍ខ្លួនក្លាយជាបើកបរ Formula 2។ មុនក្លាយជាអ្នកបើកបរ Formula 1 នៅមួយឆ្នាំបន្ទាប់។ ខណៈការប្រកួតរដូវកាល ២០២២ គឺជាការបង្ហាញខ្លួនលើកដំបូងសម្រាប់ព្រឹត្តិការណ៍ Formula One World Championship របស់កីឡាករូបនេះ។
ការប្រកួតកម្មវិធី British Grand Prix បានបញ្ចប់ទៅដោយកីឡាករអេស្ប៉ាញ Carlos Sainz Jr. ជាអ្នកឈ្នះ។ ហើយគិតរហូតមកដល់ពេលនេះ កីឡាករហូឡង់ Max Verstappen ក្នុងនាមជាអ្នកការពារតំណែងជើងឯក កំពុងឈរកំពូលតារាង ក្រោយឆ្លងកាត់ការប្រកួត១០ទីលានកន្លងមក មាន១៨១ពិន្ទុ ឈរពីលើកីឡាករម៉ិកស៊ិក Sergio Pérez ដែលមាន១៤៧ពិន្ទុ។ ខណៈកំពូលកីឡាករ Lewis Hamilton របស់ចក្រភពអង់គ្លេស កំពុងឈរនៅចំណាត់ថ្នាក់ទី៦ ដោយមានត្រឹម៩៣ពិន្ទុ។ ដោយឡែកកីឡាករចិន Zhou Guanyu នៅចំណាត់ថ្នាក់ទី១៦ មានតែ៥ពិន្ទុប៉ុណ្ណោះ៕ (ដកស្រង់ចេញពី USA Today)
ចែករំលែកព័តមាននេះ