មិនឃើញទៅធ្វើការ មេការទៅដាស់ទើបដឹង
រាជធានីភ្នំពេញ ៖ បុរសម្នាក់មិនឃើញក្រោយទៅធ្វើការដូចសព្វមួយដង ត្រូវបានមេការរបស់ខ្លួនចូលទៅដាស់ដល់ក្នុងបន្ទប់ ទើបដឹងថា …
រាជធានីភ្នំពេញ ៖ បុរសម្នាក់មិនឃើញក្រោយទៅធ្វើការដូចសព្វមួយដង ត្រូវបានមេការរបស់ខ្លួនចូលទៅដាស់ដល់ក្នុងបន្ទប់ ទើបដឹងថា …
រាជធានីភ្នំពេញ ៖ បុរសម្នាក់មិនឃើញក្រោយទៅធ្វើការដូចសព្វមួយដង ត្រូវបានមេការរបស់ខ្លួនចូលទៅដាស់ដល់ក្នុងបន្ទប់ ទើបដឹងថាបុរសរូបនោះបានស្លាប់ទាំងដៃកាន់ទូរស័ព្ទបង្កឲ្យមានការភ្ញាក់ផ្អើលកាលពីវេលាម៉ោង៧ព្រឹក ថ្ងៃទី២ ខែធ្នូ ឆ្នាំ២០១៦ នៅក្នុងបន្ទប់ផ្ទះមេការរបស់ខ្លួន នៅភូមិថ្មគោល សង្កាត់ចោមចៅ ខណ្ឌពោធិ៍ សែនជ័យ រាជធានីភ្នំពេញ ។
បុរសរងគ្រោះឈ្មោះ ពុំ វ៉ិត អាយុប្រហែល២៥ឆ្នាំ ជាកម្មករសំណង់ ស្នាក់នៅកន្លែងកើតហេតុ និងមានទីលំនៅក្នុងភូមិសុក្រម ឃុំអូសារាយ ស្រុកត្រាំកក់ ខេត្តតាកែវ មានប្រពន្ធធ្វើជាពលការិនីនៅប្រទេសកូរ៉េ ។
ប្រភពព័ត៌មានបានឲ្យដឹងថា កាលពីល្ងាចថ្ងៃទី១ ខែធ្នូ ជនរងគ្រោះបានទៅផឹកស៊ីជាមួយមិត្តភក្ដិនៅក្រៅផ្ទះ លុះយប់ជ្រៅទើបត្រឡប់ចូលផ្ទះវិញ ហើយបានចូលដេក និងនិយាយទូរស័ព្ទទៅកាន់សាច់ញាតិ ។ បន្ទាប់មកគ្មាននរណាបានដឹងថា មានរឿងអ្វីកើតឡើងនោះទេ ស្រាប់តែព្រឹកឡើងមិនឃើញក្រោកសោះ មេការក៏ទៅដាស់ ទើបដឹងថាស្លាប់ ដោយនៅក្នុងដៃមានកាន់ទូរស័ព្ទផងដែរ ។
ក្រោយពេលកើតហេតុ សមត្ថកិច្ចនគរបាលបានចុះទៅពិនិត្យ និងកោសល្យវិច័យរួចសន្និដ្ឋានថា ជនរងគ្រោះស្លាប់ដោយសារខ្យល់គរ បន្ទាប់មកប្រគល់សពទៅឲ្យសាច់ញាតិយកទៅធ្វើបុណ្យនៅស្រុកកំណើតតាមប្រពៃណី ៕
ចែករំលែកព័តមាននេះ