បុរសរូបនេះថា ធ្លាប់ប្រាប់ឱ្យចាប់ខ្ញុំទៅ តិចទៀតខ្ញុំដុតហើយ ប៉ូលិសមិនចាប់ ដុតមែន
- ភ្នំពេញ
លោក ឃុន សូណា ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី២៥ ខែមិថុនា ឆ្នាំ២០២២នេះ បានសម្រេចឃុំខ្លួនបុរសម្នាក់ដែល
រាជធានីភ្នំពេញ ៖ លោក ឃុន សូណា ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី២៥ ខែមិថុនា ឆ្នាំ២០២២នេះ បានសម្រេចឃុំខ្លួនបុរសម្នាក់ដែលញៀ.នថ្នាំ (ង៉ាង) ហើយនិយាយលែងដឹងខុសត្រូវ ដែលបានដុតបំផ្លិចបំផ្លាញផ្ទះធ្វើឱ្យឆាបឆេះអស់ចំនួន៣៧ខ្នង នៅខណ្ឌច្បារអំពៅនោះ បានដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទ .ធ្វើឲ្យខូចខាតដោយចេតនា (ដោយសារការប្រើប្រាស់ពិធីគ្រោះថ្នាក់ដល់បុគ្គល) ។
ជនសង្ស័យខាងលើនេះ មានឈ្មោះ លឹម ភារម្យ ហៅ តឿ ភេទប្រុស អាយុ៤២ឆ្មាំ ស្នាក់នៅផ្ទះជួលគ្មានលេខ ផ្លូវលំ ស្ថិតក្នុងភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។ ហើយមុនពេលនាំយកទៅឃុំខ្លួននោះ ជនសង្ស័យនៅតែញញឹម និងបានពោលពាក្យទាំងនៅមុខសមត្ថកិច្ច ក៏ដូចជាស្ថាប័នសាលាដំបូងថា «ប្រាប់ប៉ូលិសមុនហើយ ឲ្យចាប់ខ្ញុំទៅ តិចទៀតខ្ញុំដុតផ្ទះ ប៉ូលិសមិនជឿ និងមិនចាប់គេទេ ដូច្នេះគេដុតតែម្តងទៅ» នេះជាសម្ដីពិតរបស់ជនញៀ.នថ្នាំ ។
សូបជម្រាបថា កាលពីរសៀលថ្ងៃទី២០ ខែមិថុនា ឆ្នាំ២០២២ មានករណីអគ្គិភ័យបានឆាបឆេះផ្ទះរបស់ប្រជាពលរដ្ឋអស់ចំនួន៣៧ខ្នង និងបានបំផ្លាញសម្ភារៈក្នុងផ្ទះអស់ទាំងស្រុង ដែលហេតុការណ៍នោះបានកើតឡើងនៅម្តុំច្រាំងបាក់ ផ្លូវលំ ស្ថិតក្នុងភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។ បន្ទាប់ពីមានអគ្គិភ័យនេះកើតឡើង សមត្ថកិច្ចបានធ្វើការឃាត់ខ្លួនជនញៀ.នថ្នាំហួសកម្រិតនោះ នាំយកមកកសាងសំណុំរឿងបញ្ជូនកាន់សាលាដំបូងរាជធានីភ្នំពេញ តាមនីតិវិធី ។
គួររំលឹកទៀតថា ៖ ដឹងមូលហេតុហើយ! ករណីអគ្គិភ័យឆេះផ្ទះប្រជាពលរដ្ឋក្នុងខណ្ឌច្បារអំពៅអស់ជិត៤០ខ្នង ៕
ចែករំលែកព័តមាននេះ