-អាជ្ញាធរកូឡុំប៊ីរាយការណ៍កាលពីថ្ងៃទី២៩ វិច្ឆិកាថា មនុស្ស៧១នាក់ស្លាប់ ក្នុងគ្រោះថ្នាក់ធ្លាក់យន្តហោះដែលដឹកក្រុមបាល់ទាត់ប្រេស៊ីល CHAPECONSE ហើយមនុស្ស៦នាក់នៅរស់រានមានជីវិត ។
-តុល្យការលើកមុនរៀបរាប់ពីមនុស្សស្លាប់៧៥នាក់ ខណៈមនុស្ស៤នាក់ក្នុងបញ្ជីអ្នកដំណើរពុំបានឡើងយន្តហោះឡើយក្នុងនោះមានកូនប្រុសគ្រូបង្វឹកក្រុម CHAPFCOENS ផងព្រោះគេភ្លេចលិខិតឆ្លងដែន ។
-ប្រអប់ខ្មៅទាំង២របស់យន្តហោះដែលធ្លាក់កាលពីយប់ថ្ងៃទី២៨ វិច្ឆិកា នៅកូឡុំប៊ីនោះត្រូវបានរកឃើញ ។ មុនពេលធ្លាក់មានការប្រកាសអាសន្នមួយនាវេលាម៉ោង៣ម៉ោងសាកល យប់ថ្ងៃទី២៨ មក២៩ វិច្ឆិកា ដោយអ្នកបើកប្រាប់ពីការខូចខាតផ្នែកអគ្គិសនី។ យន្តហោះនោះជារបស់ក្រុមហ៊ុនបូលីវី LAMIA ជាយន្តហោះធុន BRITISH AEROSPACE 146 ដែលដាក់ឱ្យប្រើប្រាស់ក្នុងឆ្នាំ១៩៩៩ ។
-លោក MATHEUS SAROLI កូនប្រុសរបស់គ្រូបង្វឹកក្រុមបាល់ទាត់ CHAPECOENSE លោក CAIO JUNIOR ដែលស្លាប់ជាមួយសមាជិកក្រុមភាគច្រើនដោយសារការធ្លាក់យន្តហោះមានសំណាងអស្ចារ្យនៅរស់ព្រោះតែភ្លេចលិខិតឆ្លងដែន ។
-ក្រុមបាល់ទាត់ប្រេស៊ីលនោះទៅកាន់ក្រុង MEDILLIN ជួបជាមួយក្រុម ATLETICO NACIONAL ក្នុងការប្រកួតផ្តាច់់ព្រ័ត្រដណ្តើមពាន COPA SUDAMERICANA ដែលជាការប្រកួតធំមួយនៃបណ្តាក្លឹបបាល់ទាត់អាមេរិកឡាទីន ។
-នេះជាលើកដំបូងហើយដែលក្លឹប CHAPECOENSE អាចឈានដល់ការប្រកួតផ្តាច់ព្រ័ត្របន្ទាប់ពីបំបាក់នាការប្រកួតវគ្គពាក់កណ្តាលផ្តាច់ព្រ័ត្រក្រុមខ្លាំងអាហ្សង់ទីន SAN LORENZO ។ ក្នុងចំណោមអ្នកនៅរស់រានមានជីវិតទាំង៦នាក់ មានកីឡាករបាល់ទាត់៣នាក់ ។
-ក្លិបកូឡុំប៊ី Atletico Nacional បានស្នើទៅសហព័ន្ធកីឡាបាល់ទាត់ប្រចាំតំបន់ CONMEBOL ឲ្យផ្តល់តំណែងជើងឯក CopaSudamericana ទៅក្លិបប្រេស៊ីល Chapecoense ។ ការសម្រេចចិត្តដ៏គួរឲ្យកោតសរសើរមួយនេះ ដោយសារតែថ្នាក់ដឹកនាំក្លិបប្រេស៊ីល កីឡាករ និងក្រុមគ្រូបង្វឹក បានបាត់បង់ជីវិតដោយគ្រោះថ្នាក់យន្តហោះ ក្នុងដំណើរទៅកាន់ក្រុម Medellin ក្នុងប្រទេសកូឡុំប៊ី ដើម្បីប្រកួតវគ្គផ្តាច់ព្រ័ត្រ ។
-បណ្តាក្លិបបាល់ទាត់នៅប្រេស៊ីលដែលផ្តួចផ្តើមយុទ្ធនាការ Luto ForçaChape ក្នុងការជួយសង្គ្រោះក្លិប Chapecoense ។ ក្លិបទាំងអស់បានរួបរួមគ្នាថា ពួកគេត្រៀមផ្តល់ជំនួយហិរញ្ញវត្ថុ បច្ចេកទេស ក៏ដូចជាការផ្តល់កីឡាករកម្ចីដោយឥតគិតថ្លៃដល់ Chapecoense ហើយស្នើឲ្យក្លិបនេះ មានសិទ្ធិពិសេសដោយមិនត្រូវធ្លាក់ចេញពីក្របខណ្ឌកំពូលរយៈពេល៣ឆ្នាំ ។
-Cristiano Ronaldo ត្រូវគេរាយការណ៍មកថា បានបរិច្ចាគប្រាក់ផ្ទាល់ខ្លួនចំនួន ៣លានអឺរ៉ូ ដល់ Chapecoense ក្រោយពេលក្លឹបរបស់ប្រេស៊ីលមួយនេះជួបហេតុការណ៍ធ្លាក់យន្តហោះបណ្ដាលឲ្យគ្រូបង្វឹក និងកីឡាករសឹងមួយក្រុមបាត់បង់ជីវិត។
-ខ្សែប្រយុទ្ធវ័យ២៤ឆ្នាំ (Neymar) តារាឆ្នើមក្រុម FC Barcelona និងជា Super Star របស់ក្រុមជម្រើសជាតិប្រេស៊ីល បានបញ្ចេញអារម្មណ៍សោកសៅជាពន់ពេក ដល់ក្លឹបនៅប្រទេសកំណើតរបស់ខ្លួន Chapecoense ថា ” មិនអាចជឿសោកនាដកម្មយន្តហោះធ្លាក់ មិនអាចជឿថា មានកីឡាករ និងមនុស្សលើយន្តហោះ ហើយក៏មិនជឿថា មនុស្សទាំងអស់នេះ ចាកចេញពីគ្រួសាររបស់គេ ។ ថ្ងៃនេះពិភពលោកយំ ប៉ុន្តែឋានសួគ៌ នឹងរីករាយទទួលក្រុមជើងឯក។ អារម្មណ៍របស់ខ្ញុំ នៅជាមួយគ្រួសារ និងមិត្តភ័ក្ដិជនរងគ្រោះទាំងអស់គ្នា” ។
– លោក Pele អតីតកីឡាបាល់ទាត់ប្រេស៊ីល បានថ្លែងថា «ដោយតក់ស្លុតតាមរយៈការសោកនាដកម្មដែលបានកើតឡើង Chapecoense ពិតប្រាកដ។ សាមគ្គីភាពជាមួយក្រុមគ្រួសារ និងមិត្តភក្តិរបស់ជនរងគ្រោះទាំងអស់។ ការឱបសម្រាប់ក្លិប និងសម្រាប់ការប្រកួតបាល់ទាត់ប្រេស៊ីលទាំងអស់» ។
– កីឡាករ Lionel Messi របស់អាហ្សង់ទីន និងជាខ្សែប្រយុទ្ធក្លឹប Barcelona បាននិយាយថា «គួរឱ្យស្តាយកីឡាករទាំងនោះ ដើម្បីក្លាយជាកម្លាំងក្នុងកីឡាបាល់ទាត់មួយ ដែលមាននៅលើផ្លូវនេះ គឺយកយន្តហោះខុស» ។
– លោក Diego Maradona អាហ្សង់ទីន ក៏ថ្លែងដែរថា «ថ្ងៃនេះគឺជាថ្ងៃសោកស្តាយខ្លាំងណាស់សម្រាប់ការប្រកួតបាល់ទាត់។ នៅពេលមានការលំបាកជាមួយក្រុមគ្រួសារជនរងគ្រោះ និងមិត្តភក្តិរបស់ពួកគេ ។ ចង់រំលែកទុក្ខយ៉ាងស្មោះអស់ពីចិត្ដដល់ក្រុម Chapecoense ក្នុងប្រទេសប្រេស៊ីល” ។
-ក្រុមមន្ត្រីបាននិយាយកាលពីថ្ងៃអង្គារ៍ អ្នកកាសែត២០នាក់ស្ថិតក្នុងចំណោមអ្នកស្លាប់ នៃការធ្លាក់យន្តហោះរបស់ក្រុមហ៊ុនអាកាសចរណ៍ដែលបានដឹកក្រុមកីឡាបាល់ទាត់ប្រេស៊ីល។ មានអ្នកកាសែតម្នាក់ គឺស្ថិតក្នុងចំណោមអ្នកនៅរស់រានមានជីវិតចំនួន៦នាក់ ។
-អាជីវកម្មខ្នាតតូច និងសាលារៀន ត្រូវបានបិទទ្វារ នៅ Chapeco នៅភាគខាងត្បូងប្រទេសប្រេស៊ីល ដើម្បីជាការកាន់ទុក្ខនៅថ្ងៃអង្គារ៍ លើការបាត់បង់នៃក្រុមកីឡាបាល់ទាត់របស់ Chapecoense, នៅក្នុងការធ្លាក់យន្តហោះមួយនៅប្រទេសកូឡុំប៊ី ។
ចែករំលែកព័តមាននេះ