ADផ្ទាំងផ្សព្វផ្សាយពាណិជ្ជកម្ម

Picture

ក្រសួងអប់រំ ​ហាមឃាត់ការប្រើប្រាស់ និងចែកចាយបារីអេឡិចត្រូនិច ​នៅតាមសាលារដ្ឋ និងឯកជន

1 ឆ្នាំ មុន
  • ភ្នំពេញ

ភ្នំពេញ៖ រដ្ឋមន្ត្រីក្រសួងអប់រំ យុវជន និងកីឡា លោក ហង់ជួន ណារ៉ុន បានចេញសេចក្តីណែនាំ ស្តីពីការទប់ស្កាត់ ការប្រើប្រាស់បារីអេឡិចត្រូនិក…

ភ្នំពេញ៖ រដ្ឋមន្ត្រីក្រសួងអប់រំ យុវជន និងកីឡា លោក ហង់ជួន ណារ៉ុន បានចេញសេចក្តីណែនាំ ស្តីពីការទប់ស្កាត់ ការប្រើប្រាស់បារីអេឡិចត្រូនិក (E-Cigarette/Vape) និងផលិតផល អេចន៍ ធី ភី (HTPs) នៅតាមគ្រឹះស្ថានសិក្សាសាធារណៈ និងឯកជន។

សេចក្តីណែនាំ លើកឡើងថា ក្នុងស្មារតីទប់ស្កាត់ការផ្សព្វផ្សាយអូសទាញយុវវ័យ ឱ្យប្រើប្រាស់បារីអេឡិចត្រូនិក (E-Cigarette/ Vape) និងផលិតផល អេចន៍ ធី ភី (HTFs-Heated Tobacco Products) ដែលបង្កគ្រោះថ្នាក់ធ្ងន់ធ្ងរដល់សុខភាព ដូចជា បង្កជំងឺមហារីក បង្កើនហានិភ័យជំងឺបេះដូង ជំងឺសួត ធ្វើឱ្យខួរក្បាលមានដំណើរការមិនប្រក្រតីក្នុងអំឡុង​ពេលប្រើប្រាស់ និងប៉ះពាល់យូរអង្វែងដល់ការលូតលាស់ខួរក្បាលរបស់កុមារនិងយុវវ័យ ព្រមទាំងបង្កអន្តរាយដល់រាងកាយ ក្រសួងអប់រំ យុវជន និងកីឡា សូមធ្វើការណែនាំដល់អង្គភាព​ចំណុះក្រសួង មន្ទីរអប់រំ យុវជន និងកីឡារាជធានី ខេត្ត ការិយាល័យអប់រំ យុវជន និងកីឡា​នៃរដ្ឋបាល​ក្រុង ស្រុក ខណ្ឌ និងគ្រឹះស្ថានសិក្សាសាធារណៈ និងឯកជនគ្រប់កម្រិត ដូចខាងក្រោម៖

១- សូមធ្វើការអប់រំផ្សព្វផ្សាយឱ្យបានទូលំទូលាយតាមគ្រប់រូបភាព អំពីផលប៉ះពាល់នៃការប្រើ​ប្រាស់​បារីអេឡិចត្រូនិក (E-Cigarette/Vape) និងផលិតផល អេចន៍ ធី ភី (HTPs-Heated Tobacco Products) ដល់បុគ្គលិកអប់រំ និងអ្នកសិក្សា។

២- សូមហាមឃាត់ការប្រើប្រាស់ ការចែកចាយ ការជួញដូរ ការផ្សព្វផ្សាយពាណិជ្ជកម្មគ្រប់រូបភាព​អំពីបារីអេឡិចត្រូនិក (E-Cigarette/Vape) និងផលិតផល អេចន៍ ធី ភី (HTPs-Heated Tobacco Products) ខាងក្នុង និងជុំវិញបរិវេណគ្រឹះស្ថានសិក្សា។

៣- សូមសហការជាមួយមាតាបិតា អ្នកអាណាព្យាបាល បុគ្គលិកអប់រំ និងអ្នកសិក្សា ក្នុងការកំណត់មុខសញ្ញា ទីតាំងចែកចាយ និងជួញដូរបារីអេឡិចត្រូនិក (E-Cigarette Vape) និងផលិតផល អេចន៍ ធី ភី (HTPS-Heated Tobacco Products) ដើម្បីរាយការណ៍​ជូនអាជ្ញាធរ​មានសមត្ថកិច្ចចាត់វិធានការតាមផ្លូវច្បាប់ជាធរមាន។

ចំពោះការប្រើប្រាស់បារីអេឡិចត្រូនិកនេះ ត្រូវបានលោកវេជ្ជបណ្ឌិត មុំ គង់ នាយកប្រតិបត្តិ​អង្គការ​ចលនា ដើម្បី​សុខភាពកម្ពុជា ឱ្យដឹងថា ការប្រើប្រាស់បារីអេឡិចត្រូនិក មិនគ្រាន់តែ​មិនអាចផ្តាច់បារីបានទេ វាថែមទាំងធ្វើឱ្យញៀន ឬ​គ្រោះថ្នាក់ទ្វេដងដល់សុខភាពថែមទៀត។

បារីអេឡិកត្រូនិច ត្រូវបាន​ប្រកាសលក់​បើកចំហរ ពិសេសតាមអនឡាញ ក្នុងហ្វេសប៊ុក។ សិស្ស​សាលាទាំងស្រីទាំងប្រុសជាច្រើន នៅថ្នាក់វិទ្យាល័យ បានទិញជក់ព្រោងព្រាត៕

អត្ថបទសរសេរ ដោយ

កែសម្រួលដោយ