រាជធានីភ្នំពេញ ៖ ក្រុមពលរដ្ឋដែលរស់នៅក្នុងសហគមន៍បុរីកីឡា សង្កាត់វាលវង់ ខណ្ឌ៧មករា ប្រមាណជា៣២គ្រួសារ ដែលអះអាងថា មិនទាន់បានទទួលលំនៅឋានពីសាលារាជធានីភ្នំពេញ ដែលប្រគល់សិទ្ធិឱ្យទៅក្រុមហ៊ុនផាន អ៊ីមិច វិនិយោគនៅកន្លែង កាលពីព្រឹកថ្ងៃទី២៩ វិច្ឆិកា បានប្រមូលផ្តុំគ្នានៅបុរីកីឡា ចង់យកញ្ញតិទៅជូនលោកទេសរដ្ឋមន្ត្រីលោកជា សុផារ៉ា រដ្ឋមន្ត្រីក្រសួង
រាជធានីភ្នំពេញ ៖ ក្រុមពលរដ្ឋដែលរស់នៅក្នុងសហគមន៍បុរីកីឡា សង្កាត់វាលវង់ ខណ្ឌ៧មករា ប្រមាណជា៣២គ្រួសារ ដែលអះអាងថា មិនទាន់បានទទួលលំនៅឋានពីសាលារាជធានីភ្នំពេញ ដែលប្រគល់សិទ្ធិឱ្យទៅក្រុមហ៊ុនផាន អ៊ីមិច វិនិយោគនៅកន្លែង កាលពីព្រឹកថ្ងៃទី២៩ វិច្ឆិកា បានប្រមូលផ្តុំគ្នានៅបុរីកីឡា ចង់យកញ្ញតិទៅជូនលោកទេសរដ្ឋមន្ត្រីលោកជា សុផារ៉ា រដ្ឋមន្ត្រីក្រសួងដែនដី នគរូបនីយ៍កម្ម និងសំណង់ ។
ញត្តិមានគោលបំណងដាក់ជូនមានខ្លឹមសារថា «យើងខ្ញុំជាប្រជាពលរដ្ឋស់នៅបុរីកីឡាបានរងគ្រោះផ្ទួនៗគ្នា ដោយសារក្រុមហ៊ុនផាន អ៊ីមិច រំលោភលើកិច្ចសន្យាសាងសង់អគារស្នាក់នៅ២បន្ថែមទៀត តាមកិច្ចសន្យាគឺសាងសង់១០អគារកាលពីឆ្នាំ២០០៣ កន្លងទៅ ។
ញត្តិបញ្ជាក់ទៀតថា នៅថ្ងៃទី០៣ មករា ២០១២ ក្រុមហ៊ុននេះ បានប្រើគ្រឿចក្រ និងកម្លាំងចម្រុះមករំលោភឈូសកម្ទេចលំនៅ
ឋានយើងខ្ញុំទាំងកំរោល ដោយគ្មានសេចក្តីជូនដំណឹង ឬសាលក្រតុលាការ ដោយអាងថាក្រុមហ៊ុនក្យ័យធន ហើយថែមទាំងបានរំលោភយកដីទំហំ៤៣០០ម៉ែត្រការ៉េ សម្រាប់សាងសង់អគារទី៩ និងទី១០របស់យើងខ្ញុំធ្វើជាកម្មសិទ្ធិថែមទៀត ។
យើងខ្ញុំត្រូវទទួលរងគ្រោះជាលើកទី២ បន្ទាប់ពីធ្វើការតវ៉ាអស់រយៈពេល៥ឆ្នាំ ក្រុមហ៊ុនបានផ្តល់សំណងតែ៣០០០ ទៅ៥០០០ដុល្លារអាមេរិក ក្នុងមួយគ្រួសារ និងគ្រួសារមួយចំនួនត្រូវបង្ខំចិត្តទទួលយកផ្ទះទំហំ៣,៧០គុណ៤,៧០ម៉ែត្រការ៉េ ស្ថិតនៅភូមិអណ្តូង ជាងរាជធានីភ្នំពេញ ដែលសំណងទាំងនោះ មិនស្មើនិងតម្លៃផ្ទះអភិវឌ្ឍន៍នៅនិងកន្លែង ព្រោះរាជរដ្ឋភិបាលតម្រូវឲ្យអភិវឌ្ឍន៍នៅបុរីកីឡា ។
គោលបំណងរបស់យើងខ្ញុំចង់ការឆ្លើយតបទៅសាលារាជធានីភ្នំពេញ និងក្រុមហ៊ុនផាន អ៊ីមិច ដែលបានភូតកុហកថាបានដោះ ស្រាយដល់យើងខ្ញុំរួចរាល់អស់ហើយ ការពិតពលរដ្ឋ ដែលបានដាក់ឯកសារតវ៉ានៅវេទិការចេនឡាមានចំនួន១៨០គ្រួសារ (មិនទាន់គិតដល់អ្នកដាក់ឯកសារមិនទាន់ផង)ក្រុមហ៊ុនផ្តល់សំណងខាងលើបានតែ១៣០គ្រួសារប៉ុណ្ណោះ ។
ចំណែកអ្នកនៅសល់ និងអ្នកមិនទាន់យល់ព្រមយកសំណងនោះ ត្រូវក្រុមហ៊ុន និងសាលារាជធានីភ្នំពេញ ចេះតែពន្យាពេលមិនព្រមដោះស្រាយដល់ពួកយើងខ្ញុំ រហូតមកដល់សព្វថ្ងៃនេះ ។
ហេតុនេះបានជាយើងខ្ញុំស្នើសុំលោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងដែនដី នគរូបនីយ៍កម្ម និងសំណង់ មេត្តាជួយពិនិត្យ និងអន្តរាគមន៍ក្នុងរឿងនេះដោយក្តីអនុគ្រោះ និងពិសេសជូនសម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋភិបាលកម្ពុជា ដែលជាម្លប់របស់ប្រជាពលរដ្ឋគ្រប់រូប សូមសម្តេចមេត្តាប្រគល់សិទ្ធិឲ្យក្រសួងដែនដីជួយពន្លឿន និងដោះស្រាយដល់យើង ខ្ញុំបានតម្លៃសមរម្យ អាចយកទៅទិញផ្ទះស្នាក់នៅបាន យើងខ្ញុំមិនអាចទទួលយកសំណងតិចតួចខាងលើនេះបានទេ នេះជារឿងអយុត្តិធម៍បំផុតសម្រាប់ពួកយើងខ្ញុំ ។
ចែករំលែកព័តមាននេះ