ទំនាស់ពាក្យសម្តីរវាងបុរស២នាក់ បានឈានដល់ការវា.យតប់គ្នា ហើយបានយកកាំបិតប៉័ងតោ២ដើមគំរា.មរកកា.ប់ ត្រូវបានភាគីម្ខាងប្តឹងឱ្យចាប់ខ្លួន ។ ជនជាប់ចោទដែលត្រូវឃាត់ខ្លួន ក៏ត្រូវ
ខេត្តបន្ទាយមានជ័យ ៖ ទំនាស់ពាក្យសម្តីរវាងបុរស២នាក់ បានឈានដល់ការវា.យតប់គ្នា ហើយបានយកកាំបិតប៉័ងតោ២ដើមគំរា.មរកកា.ប់ ត្រូវបានភាគីម្ខាងប្តឹងឱ្យចាប់ខ្លួន ។ ជនជាប់ចោទដែលត្រូវឃាត់ខ្លួន ក៏ត្រូវបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២១ ខែមិថុនា ឆ្នាំ២០២២ ផងដែរ ។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថខេត្តបន្ទាយមានជ័យ បានប្រាប់ថា ជនសង្ស័យដែលត្រូវឃាត់ខ្លួនឈ្មោះ ម៉ុក សុផានិត ភេទប្រុស អាយុ២៧ឆ្នាំ រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ។
លោកបានបញ្ជាក់ថា ក្រោយពីទទួលពាក្យបណ្តឹងពីជនរងគ្រោះឈ្មោះ នូវ សុធាន ភេទប្រុស អាយុ៣០ឆ្នាំ (ត្រូវឪពុកមា) រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត បានប្តឹងឈ្មោះ ម៉ុក សុផានិត ដែលបានឈ្លោះប្រកែករហូតឈានដល់ការវា.យតប់គ្នា ។
លោកថា ជនដែលលាក់កាំបិតប៉័ងតោក្នុងកែបម៉ូតូបានយកមកគំរា.មកា.ប់សម្លា.ប់ទៅលើគូបដិបក្ខនៅវេលាម៉ោង១០និង៣០នាទី ថ្ងៃទី១៩ ខែមិថុនា ឆ្នាំ២០២២ នៅចំណុចភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ។
លោកវសេនីយ៍ត្រី នួន នីណារ៉ូ បានបញ្ជាក់ថា នៅពេលដែលឃាត់ខ្លួនជនសង្ស័យហើយបាន បញ្ជូនទៅទីបញ្ជាការកងរាជអាវុធហត្ថក្រុងប៉ោយប៉ែត ដើម្បីសាកសួរ ដែលតាមចម្លើយសារភាពថា មូលហេតុដែលគេយកកាំប៉ិតប៉័ងតោ២ដើម គំរា.មសម្លា.ប់ នៅពេលមានការឈ្លោះប្រកែកគ្នា ត្រូវបានឃាត់ខ្លួនថ្ងៃទី២០ ខែមិថុនា ឆ្នាំ២០២២ និងបានរៀបចំសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់ ៕
ចែករំលែកព័តមាននេះ