អង់គ្លេស ៖ លោក Jürgen Klopp អ្នកចាត់ការ​ទូទៅ​ក្រុម​ហ្ស​ង​ក្រហម Liverpool បាន​បង្ហាញ​អារម្មណ៍​រំជួលចិត្ត​។ ក្រោយ​ការ​ចាកចេញ​របស់​ខ្សែប្រយុទ្ធ Sadio Mane ដោយ​ផ្លាស់​ទៅ​ចូលរួម​ក្រុម​យក្ស​អា​ល្លឺ​ម៉​ង់ Bayern Munich​។ នេះ​បើ​យោង​តាម​ប្រភព​ពី ចេញផ្សាយ​កាលពី​ថ្ងៃ​ទី​២២ ខែមិថុនា ឆ្នាំ​២០២២​។

ខ្សែប្រយុទ្ធ​សេ​ណេ​ហ្គា​ល់ Sadio Mane វ័យ​៣០​ឆ្នាំ បាន​បំពេញ​ចប់​សព្វ​គ្រប់ការ​ផ្ទេរ​ជា​ផ្លូវការ ដើម្បី​ក្លាយជា​សមាជិក​ថ្មី​ក្រុម Bayern Munich កាលពី​ថ្ងៃ​ទី​២២ ខែមិថុនា កន្លង​ទៅ​។ នៅ​ក្នុង​តម្លៃ​៣៥​លាន​ផោន (៤៣​លាន​ដុល្លារ​) ជាមួយ​ក្នុង​ត្រា​រយៈពេល​៣​ឆ្នាំ នៅ​លើ​ទឹកដី Allianz Arena​។

លោក Jürgen Klopp បង្ហាញ​អារម្មណ៍​រំជួលចិត្ត​ពោល​ពាក្យ​លា ទៅ​កាន់​អតីត​កូនក្រុម​ដ៏​ល្អ​១​រូប​របស់​លោក​យ៉ាង​ដូច្នេះ​ថា «​វា​ជា​ពេលវេលា​ដ៏​រំជួលចិត្ត​។ បន្ទាប់​ពី​កីឡាករ​ម្នាក់​ក្នុង​ចំណោម​កីឡាករ​ដ៏​អស្ចារ្យ​បំផុត​របស់ Liverpool ចាកចេញ​។ ហើយ​យើង​ត្រូវ​តែ​ទទួលស្គាល់​ថា តើ​នេះ​មាន​សារៈសំខាន់​យ៉ាងណា​»​។

អ្នកចាត់ការ​សញ្ជាតិ​អា​ល្លឺ​ម៉​ង់​វ័យ​៥៥​ឆ្នាំ​រូប​នេះ បាន​បន្ថែម​ថា «​គេ​ចាកចេញ​ដោយ​ទទួល​បានការ​ដឹងគុណ និង​សេចក្តី​ស្រឡាញ់​ពី​យើង​។ ហើយ​គេ​ចាកចេញ​ក្នុង​នាម​ជា​កីឡាករ​ល្អ​បំផុត​ម្នាក់​នៅ​ក្នុង​បាល់ទាត់​ពិភពលោក​។ ប៉ុន្តែ​យើង​មិន​ត្រូវ​រស់នៅ​លើ​អ្វី​ដែល​យើង​បាត់បង់​នោះ​ទេ​។ គ្រាប់​បាល់​គេ​ស៊ុត​បញ្ចូល​ទី ពានរង្វាន់​គេ​បាន​ឈ្នះ ជា​រឿង​ដែល​ត្រូវ​ចង់​ចាំ​ប្រាកដ​ណាស់​។ ហើយ​ក៏​ជា​តំណាង​ឱ្យ Liverpool ក្នុង​បាល់ទាត់​សម័យ​ទំនើប​ផង​ដែរ​»​។

Sadio Mane បាន​ឈ្នះ​គ្រប់យ៉ាង​ដែល​គេ​អាច​ធ្វើ​បាន​នៅ Liverpool ចាប់តាំងពី​ផ្លាស់​ពី​ក្រុម Southampton មក​កាន់​ទឹកដី Anfield កាលពី​ឆ្នាំ ២០១៦​។ ក្នុង​នោះ​រួម​មាន​ពានរង្វាន់ Premier League, Champions League, EFL Cup, FA Cup, UEFA Super Cup និង FIFA Club World Cup៕