ក្រុងកាប៊ុល ៖ មន្ត្រីគ្រប់គ្រងគ្រោះមហន្តរាយ បាននិយាយថា គ្រោះរញ្ជួយដីកម្រិត ៦.១រ៉ិចទ័រ បានវាយប្រហារក្នុងប្រទេសអាហ្វហ្គានីស្ថាន នាព្រឹកថ្ងៃពុធ ទី២២ ខែមិថុនា ឆ្នាំ២០២២នេះ បានសម្លាប់មនុស្សយ៉ាងហោចណាស់ ៩២០នាក់ និងជាង ៦០០នាក់ទៀតរងរបួស ហើយចំនួនអ្នកស្លាប់រំពឹងថា នឹងកើនឡើង ខណៈដែលតួលេខអ្នកស្លាប់បានពីភូមិដាច់ស្រយាលនៅលើភ្នំ នេះបើយោងតាមទីភ្នាក់ងារសារព័ត៌មាន រ៉យទ័រ ។
រូបថតនៅលើប្រព័ន្ធផ្សព្វផ្សាយអាហ្វហ្គានីស្ថាន បានបង្ហាញផ្ទះជាច្រើនខ្នង ក្លាយជាគំនរបាក់បែក ដោយមានសាកសព ត្រូវអ្នកភូមិជួយរុំក្នុងភួយដាក់នៅលើដី ។
មន្ត្រីក្រសួងមហាផ្ទៃម្នាក់ឈ្មោះ Salahuddin Ayubi បាននិយាយថា ឧទ្ធម្ភាគចក្រ ត្រូវបានដាក់ពង្រាយ ក្នុងកិច្ចខិតខំប្រឹងប្រែងជួយសង្គ្រោះដល់អ្នករងរបួស និងការផ្គត់ផ្គង់ផ្នែកវេជ្ជសាស្ត្រ និងអាហារ ។
លោក Ayubi បន្តថា “ចំនួនអ្នកស្លាប់អាចនឹងកើនឡើងទៀត ដោយសារភូមិមួយចំនួនស្ថិតនៅតំបន់ដាច់ស្រយាលនៅលើភ្នំ ហើយនឹងចំណាយពេលខ្លះ ដើម្បីប្រមូលព័ត៌មានលម្អិត” ។
ការរញ្ជួយដីនេះ បានវាយប្រហារប្រហែល ៤៤គីឡូម៉ែត្រ ចាប់ពីទីក្រុង Khost ភាគអាគ្នេយ៍ ជិតព្រំដែនជាមួយប្រទេសប៉ាគីស្ថាន ។
លោក Ayubi បានបន្ថែមថា ភាគច្រើន នៃអ្នកស្លាប់ដែលបានបញ្ជាក់ គឺនៅក្នុងខេត្ត Paktika មានចំនួន ២៥៥នាក់ និងជាង ២០០នាក់ទៀតរងរបួស ។ នៅក្នុងខេត្ត Khost មនុស្ស ២៥នាក់បានស្លាប់ និង ៩០នាក់ទៀត ត្រូវបានបញ្ជូនទៅមន្ទីរពេទ្យ ។
ដោយឡែក លោក Haibatullah Akhundzada មេដឹកនាំកំពូល នៃក្រុមតាលីបង់ កំពុងកាន់អំណាច បានចេញសេចក្តីថ្លែងការណ៍ រំលែកទុក្ខ ផងដែរ ។
សូមរម្លឹកថា «គ្រោះរញ្ជួយដីវា.យប្រហារអាហ្វហ្គានីស្ថាន ឆក់យកជីវិតមនុស្សជិត៣០០នាក់» ៕
ចែករំលែកព័តមាននេះ