World Cup 2022 ៖ ការរួមសង្វា.សមុនរៀបការប្រឈមជាប់ពន្ធនាគារជាង១០ឆ្នាំ
កាតា ៖ ជារឿងដ៏ភ្ញាក់ផ្អើលមួយ បន្ទាប់ពីអាជ្ញាធរប្រទេសកាតាបានបញ្ជាក់ថា សម្រាប់ដៃគូរួម
កាតា ៖ ជារឿងដ៏ភ្ញាក់ផ្អើលមួយ បន្ទាប់ពីអាជ្ញាធរប្រទេសកាតាបានបញ្ជាក់ថា សម្រាប់ដៃគូរួមសង្វា.សមុនរៀបការ ដែលកើតឡើងអំឡុងព្រឹត្តិការណ៍ World Cup 2022 អាចនឹងត្រូវកាត់ទោសដាក់ពន្ធនាគាររយៈពេល៧ឆ្នាំ។ នេះបើយោងតាមប្រភពពី Marca ចេញផ្សាយកាលពីថ្ងៃទី២១ ខែមិថុនា ឆ្នាំ២០២២។
វាជាលើកទី១ហើយ ដែលការប្រកួតបាល់ទាត់ពិភពលោក ត្រូវបានប្រារព្ធឡើងនៅក្នុងរដ្ឋឈូងសមុទ្រ។ ដែលមានន័យថា វាមានភាពខុសប្លែកគ្នានៃវប្បធម៌ ហើយសម្រាប់អ្នកទស្សនាបរទេសជាច្រើនប្រហែលជាពិបាកនឹងសម្របខ្លួនតាម។
ជាក់ស្តែងគណៈកម្មាធិការកំពូលរបស់កាតា បានបញ្ជាក់នៅក្នុងសេចក្តីថ្លែងការណ៍មួយថា «កាតា គឺជាប្រទេសអភិរក្សនិយម ហើយការបង្ហាញជាសាធារណៈនៃការស្រលាញ់ត្រូវបានបិទបាំងដោយមិនគិតពីនិន្នាការផ្លូវភេ.ទ។
ប្រភពពីសមត្ថកិច្ចបានប្រាប់កាសែត Daily Star ថា ការរួមសង្វា.សត្រូវបានអនុញ្ញាត លុះត្រាតែដៃគូនោះជាប្តីប្រពន្ធនឹងគ្នាតែប៉ុណ្ណោះ។ ដូច្នេះមិនមានការសប្បាយ១ពេល (one-night stand) អំឡុងការប្រកួត World Cup នោះទេ។ ហើយវានឹងមិនមានការជប់លៀងអ្វីទាំងអស់។ គ្រប់គ្នាត្រូវតែគោរពតាមយ៉ាងខ្ជាប់ខ្ជួន ប្រសិនបើមិនចង់ប្រថុយនឹងការជាប់ពន្ធនាគារ។ ខណៈវាបានក្លាយជាលើកដំបូងបំផុតក្នុងប្រវត្តិសាស្ត្រ ដែលប្រទេសជាផ្ទះម្ចាស់ World Cup ហាមប្រាមពាក់ព័ន្ធនឹងការរួមភេទ។ ដូច្នេះអ្នកគាំទ្រត្រូវតែត្រៀមខ្លួន។
លោក Nasser Al-Khater ប្រធានគណៈកម្មាធិការរៀបចំ World Cup 2022 កាលពីខែធ្នូ ឆ្នាំ២០២១ បានបញ្ជាក់ថា ការស្រឡាញ់ភេទដូចគ្នា (LGTBIQ+) មិនត្រូវបានអនុញ្ញាតនៅក្នុងប្រទេសនៃសហព័ន្ធអេមីរ៉ាត។ ទោះយ៉ាងណា លោកបានសន្យាថា ពួកគេនឹងមានសិទ្ធិធ្វើដំណើរមកកាន់កាតា ដើម្បីចូលរួមព្រឹត្តិការណ៍កីឡាដ៏អស្ចារ្យរបស់ពិភពលោកមួយនេះ។ ប៉ុន្តែដោយសារកាតាមានលក្ខណៈអភិរក្សច្រើន ដូច្នេះលោកសុំឱ្យអ្នកគាំទ្រត្រូវតែគោរពតាម៕
ចែករំលែកព័តមាននេះ