សហរដ្ឋអាមេរិក ៖ លោកស្រី JANET YELLEN បានទម្លាក់កំហុសលើសង្គ្រាមដែលរុស្សុីធ្វើនៅ
អ៊ុយក្រែនថា «ជាមូលហេតុមួយដែលនាំឲ្យទំនិញ ពិសេសស្បៀងនិងប្រេងឡើងថៃ្លកាន់តែ
ខ្ពស់» ។
រដ្ឋមន្ត្រីរតនាគារអាមេរិក លោកស្រីJANET YELLEN បានអះអាងនៅថ្ងៃទី១៩ មិថុនា ថា ការស្រុតចុះនៃសេដ្ឋកិច្ច ពិតជាចៀសមិនផុតនៅសហរដ្ឋអាមេរិក ដោយលោកស្រីពោលបែបនេះ ប៉ុន្មានថ្ងៃក្រោយការបង្កើនខ្ពស់ថ្មីនៃ TAUX DIRECTEURS របស់ធនាគារកណ្ដាលអាមេរិក ដែលនាំឲ្យមានការភ័យខ្លាចលើទស្សនវិស័យ នៃការស្រុតចុះនៃសេដ្ឋកិច្ច ។
តាមទូរទស្សន៍ABC NEWS លោកស្រីJANET YELLENថ្លែងថា ខ្ញុំគិតថា ការស្រុតចុះមួយនៃសេដ្ឋកិច្ចពិតជាចៀសមិនរួច តែលោកស្រីគិតថា សេដ្ឋកិច្ចធ្លាក់ចុះយឺតក្នុងក្របខណ្ឌនៃការឆ្លងកាត់ ឆ្ពោះទៅរកកំណើនយឺតតែមានលំនឹង ។
ការគិតពីការស្រុតចុះនៃសេដ្ឋកិច្ចនៅសហរដ្ឋអាមេរិកកើនខ្ពស់ បន្ទាប់ពីការសម្រេចជាប្រវត្តិសាស្ត្រ កាលពីថ្ងៃទី១៥ មិថុនា របស់ធានាគារកណ្ដាលអាមេរិក ដំឡើងអត្រាTAUX DIRECTEURS ៣ភាគ៤ ក្នុងគោលបំណងទប់អតិផរណាដែលកាន់តែមានខ្ពស់។ ប្រធានធនាគារកណ្ដាលលោក JEROME POWELLថ្លែងថា គោលបំណងរបស់លោកគឺកាត់បន្ថយអតិផរណាដោយរក្សាទីផ្សារការងារខ្លាំងមួយ។
លោកស្រីJANET YELLEN បានទម្លាក់កំហុសលើសង្គ្រាមដែលរុស្សុីធ្វើនៅអ៊ុយក្រែនថា ជាមូលហេតុមួយក្នុងចំណោមមូលហេតុ ដែលនាំឲ្យទំនិញពិសេសស្បៀង និងប្រេងឡើងថៃ្លកាន់តែ
ខ្ពស់ ។
ចំណែកពលរដ្ឋអាមេរិកច្រើនពាន់នាក់ មកពីគ្រប់ទិសទីនៃប្រទេស បានប្រមូលផ្ដុំគ្នាកាលពីថ្ងៃទី១៨មិថុនា នៅកណ្ដាលក្រុងវ៉ាស៊ីនតោន ដើម្បីទាក់ទាញការចាប់អារម្មណ៍ លើលក្ខខណ្ឌជីវភាពរបស់បណ្ដាមនុស្សមានចំណូលទាប និងដោយទាមទារដល់បណ្ដាអ្នកសម្រេចចិត្តខាងនយោបាយ ឲ្យមានសកម្មភាពថែមទៀតដើម្បីជួយពួកគេ។
ការប្រមូលផ្ដុំគ្នាធ្វើបាតុកម្មនោះ គឺនៅក្រុងវ៉ាស៊ីនតោន ជិតវិមានកាពីតូលជាមួយពួកបាតុករដែលលើកពាក្យស្លោកដូចជា ចូរទុកប្រាក់សម្រាប់អ្នកក្រជំនួសការជះប្រាក់ធ្វើសង្គ្រាម ចូរបញ្ឈប់បន្ទាន់ការប្រកាន់ពូជសាសន៍ និងអយុត្តិធម៌ ៕
ចែករំលែកព័តមាននេះ