ដកហូតទំនិញផុតកាលបរិច្ឆេទ និងខូចគុណភាពមួយចំនួននៅផ្សារកំពង់ពពិល
ខេត្តព្រៃវែង ៖ ទំនិញហួសការកំណត់ និងខូចគុណភាពជាច្រើនមុខ នៅផ្សាកំពង់ពពិល ស្ថិតនៅឃុំកំពង់ពពិល ស្រុកពារាំង ខេត្តព្រៃវែង ត្រូវបានមន្ត្រីកាំកុងត្រូលខេត្តព្រៃវែង
ខេត្តព្រៃវែង ៖ ទំនិញហួសការកំណត់ និងខូចគុណភាពជាច្រើនមុខ នៅផ្សាកំពង់ពពិល ស្ថិតនៅឃុំកំពង់ពពិល ស្រុកពារាំង ខេត្តព្រៃវែង ត្រូវបានមន្ត្រីកាំកុងត្រូលខេត្តព្រៃវែង
ខេត្តព្រៃវែង ៖ ទំនិញហួសការកំណត់ និងខូចគុណភាពជាច្រើនមុខ នៅផ្សាកំពង់ពពិល ស្ថិតនៅឃុំកំពង់ពពិល ស្រុកពារាំង ខេត្តព្រៃវែង ត្រូវបានមន្ត្រីកាំកុងត្រូលខេត្តព្រៃវែង សហការណ៍ជាមួយ នគរបាលសេដ្ឋកិច្ច និងសមត្ថកិច្ចមូលដ្ឋាន ដកហូតបានកាលពីព្រឹកថ្ងៃទី២២ ខែវិច្ឆិកា ឆ្នាំ២០១៦ ខណៈក្រុមអាជីវករនៅតែបន្តដាក់លក់ទំនិញទាំងនោះដល់ប្រជាពលរដ្ឋ។
លោក តូច ចៅកុយ អនុប្រធានសាខាកាំកុងត្រូលខេត្តបានឲ្យដឹងថា ការចុះពិនិត្យទំនិញនៅផ្សារកំពង់ពពិល ទំនិញផុតកំណត់ និងខូចគុណភាពដែលដកហូតបានទាំងនោះមានដូចជា ទឹកក្រូច៥៨ដប ទឹកស្ទីង៩ដប ទឹកប៉េងប៉ោះ៣០កំប៉ុង ស្រាបៀរ១៤កំប៉ុង រួមនឹងសម្ភារមួយចំនួនទៀត។
លោក តូច ចៅកុយ បានបន្តថា ក្រៅពីការពិនិត្យទំនិញដែលផុតការកំណត់ និងទំនិញខូចគុណភាព ក្រុមការងារទាំងអស់ក៏បានស្រាវជ្រាវរកអង្ករគីមី និងអង្ករប្លាស្ទិកផងដែរ ព្រោះកន្លងមកបងប្អូនដែលប្រើប្រាស់បណ្ដាញសង្គម តែងតែនិយាយថាមានអង្ករប្លាស្ទិក លក់នៅលើទីផ្សារ ហើយជាលទ្ធផលនៅក្នុងផ្សារកំពង់ពពិលមិនមានរកឃើញនូវអង្ករទាំងនោះឡើយ។
ជាមួយគ្នានេះដែរ មន្ត្រីកាំកុងត្រូល បានធ្វើការណែនាំដល់អាជីវករលក់ដូរជុំវិញផ្សារកំពង់ពពិល ឲ្យលក់តែទំនិញណា ដែលមានគុណភាពខ្ពស់ជូនអតិថិជន ហើយរាល់មុខទំនិញដែលមិនមានស្លាកយីហោត្រឹមត្រូវ ឬកាលបរិច្ឆេទច្បាស់លាស់ទេ សូមបងប្អូនកុំទទួលយកមកលក់ ព្រោះខ្លាចប៉ះពាល់ដល់សុខភាពប្រជាពលរដ្ឋ ជាពិសេសគឺគ្រឿងបរិភោគតែម្ដង៕
ចែករំលែកព័តមាននេះ