ប្រហែលជារូបភាពអវិជ្ជមានទាំងឡាយរបស់លោកដូណាល់ ត្រាំ ដែលបណ្តាសារព័ត៌មានអាមេរិកប៉ុនប៉ងបង្កើតឡើងពេលឃោស នាបោះឆ្នោតប្រធានាធិបតីពុំត្រូវតាមការពិតនោះ ការស្ទាបស្ទង់មតិឯករាជ្យមួយត្រូវបានចេញផ្សាយកាលពីថ្ងៃទី២១ វិច្ឆិកា។
ប្រហែលជារូបភាពអវិជ្ជមានទាំងឡាយរបស់លោកដូណាល់ ត្រាំ ដែលបណ្តាសារព័ត៌មានអាមេរិកប៉ុនប៉ងបង្កើតឡើងពេលឃោស នាបោះឆ្នោតប្រធានាធិបតីពុំត្រូវតាមការពិតនោះ ការស្ទាបស្ទង់មតិឯករាជ្យមួយត្រូវបានចេញផ្សាយកាលពីថ្ងៃទី២១ វិច្ឆិកា។
យោងតាមលទ្ធផលនៃការស្ទាបស្ទង់មតិមួយរបស់ក្រុមហ៊ុន MORNING CONSULT សម្រាប់ទស្សនាវដ្តី POLITICO ថា ចំនួនពលរដ្ឋអាមេរិកដែលសម្តែងឥរិយាបថវិជ្ជមានចំពោះប្រធានាធិបតីជាប់ឆ្នោតអាមេរិកលោកដូណាល់ ត្រាំ មានការកើនឡើង៩% ចាប់តាំងពីថ្ងៃបោះឆ្នោតមក ។
ពិសេសលទ្ធផលនៃការសិក្សានោះបង្ហាញថាមិនដល់២សប្តាហ៍ផងក្រោយថ្ងៃបោះឆ្នោត អ្នក បោះឆ្នោត៤០%សម្តែងឥរិយាបថវិជ្ជមានចំពោះលោកត្រាំ ខណៈភ្លាមៗក្រោយការបោះឆ្នោតអ្នកត្រូវសាកសួរតែ៣៧%ប៉ុណ្ណោះនិយាយថា គាំទ្រលោកត្រាំ ។ ផ្ទុយទៅវិញចំនួនអ្នកប្រឆាំងមានការថយចុះ។ ក្រោយការបោះឆ្នោតអ្នកត្រូវសាកសួរដល់ទៅ៦១% សម្តែងឥរិយាបថអវិជ្ជមានចំពោះលោកត្រាំតែពេលនេះតាមការស្ទាបស្ទង់មតិថ្មីនៅសល់មនុស្សតែ៤៦%ប៉ុណ្ណោះ ដែលនៅនិយាយថាមិនស្រឡាញ់លោកត្រាំ ។
ទោះបីការស្ទាបស្ទង់និងការព្យាករណ៍ជាច្រើននិយាយពីជ័យជម្នះរបស់លោកស្រីហុីលឡារី គ្លីនតុន តែលោកដូណាល់ ត្រាំ បែរជាដណ្តើមបានជ័យជម្នះគួរឱ្យភ្ញាក់ផ្អើលក្នុងការបោះឆ្នោតប្រធានាធិបតីអាមេរិកកាលពីថ្ងៃទី៨ វិច្ឆិកា ដោយទទួលបានសំឡេងមហាអ្នកបោះឆ្នោតដល់ទៅ២៧៩ទល់នឹង២២៨សំឡេង សម្រាប់គូប្រជែងនៃគណបក្សប្រជាធិបតេយ្យ។ លោកត្រាំនឹងឡើងកាន់តំណែងនាថ្ងៃទី២០ មករា ឆ្នាំ២០១៧ ។
ប្រធានាធិបតីជាប់ឆ្នោតលោកដូណាល់ ត្រាំ អះអាងកាលពីថ្ងៃទី២១ វិច្ឆិកាថា តាំងពីថ្ងៃដំបូងដែលលោកចូលឡើងកាន់តំណែង លោកសន្យាដកសហរដ្ឋអាមេរិកចេញពីសន្ធិសញ្ញាពាណិជ្ជកម្មឆ្លងមហាសមុទ្រប៉ាស៊ីហ្វិក TPP ។ សន្ធិសញ្ញា TPP ត្រូវបានចុះហត្ថលេខាកាលពីឆ្នាំ២០១៥ ដោយប្រទេស១២ក្នុងតំបន់លើកលែងតែចិន ។
លោកពន្យល់ថាភាពជាដៃគូពាណិជ្ជកម្មនោះផ្តួចផ្តើមឡើងដោយលោកអួបាម៉ា ជាគ្រោះមហន្តរាយធំមួយសម្រាប់ប្រទេសយើង។ លោកបន្តថា ជំនួសវិញយើងនឹងចរចាពីសន្ធិសញ្ញាពាណិជ្ជកម្មទ្វេភាគីនិងត្រឹមត្រូវទាំងឡាយដែលនឹងផ្តល់ការងារច្រើននិងនាំឧស្សាហកម្មមកលើដែនដីអាមេរិក ៕
ចែករំលែកព័តមាននេះ