សារព័ត៌មានរដ្ឋរបស់ប្រទេសចិនព្រមានលោក Donald Trump
ប្រទេសចិន ៖ សារព័ត៌មានរដ្ឋរបស់ចិនបានព្រមានដល់ប្រធានាធិបតីជាប់ឆ្នោតរបស់សហរដ្ឋអាមេរិក លោក Donald Trump កាលពីថ្ងៃសៅរ៍ ទាក់ទិននឹងគំនិតលើកិច្ចព្រមព្រៀងពាណិជ្ជកម្មក្នុងអាស៊ី ។
ប្រទេសចិន ៖ សារព័ត៌មានរដ្ឋរបស់ចិនបានព្រមានដល់ប្រធានាធិបតីជាប់ឆ្នោតរបស់សហរដ្ឋអាមេរិក លោក Donald Trump កាលពីថ្ងៃសៅរ៍ ទាក់ទិននឹងគំនិតលើកិច្ចព្រមព្រៀងពាណិជ្ជកម្មក្នុងអាស៊ី ។
ប្រទេសចិន ៖ សារព័ត៌មានរដ្ឋរបស់ចិនបានព្រមានដល់ប្រធានាធិបតីជាប់ឆ្នោតរបស់សហរដ្ឋអាមេរិក លោក Donald Trump កាលពីថ្ងៃសៅរ៍ ទាក់ទិននឹងគំនិតលើកិច្ចព្រមព្រៀងពាណិជ្ជកម្មក្នុងអាស៊ី ។ អ្នកដឹកនាំក្នុងអាស៊ីប៉ាស៊ីហ្វិកបានជួបជុំក្នុងកិច្ចប្រជុំ និងភ័យខ្លាចថា គំនិតការពារនិយមនឹងប៉ះពាល់ដល់ការលូតលាស់នៃសេដ្ឋកិច្ចពិភពលោក ។
ក្នុងអំឡុងពេលយុទ្ធនាការបោះឆ្នោត លោក Trump បានបង្កើនការព្រួយបារម្ភរបស់មនុស្សជាច្រើនទាក់ទិននឹងដៃគូពាណិជ្ជកម្មរបស់សហរដ្ឋអាមេរិក និងសន្យាថា នឹងចរចាជាថ្មីលើកិច្ចព្រមព្រៀងពាណិជ្ជកម្មទាំងនោះរួមមាន កិច្ចព្រមព្រៀងពាណិជ្ជកម្មសេរីក្នុងអាមេរិកខាងជើង (NAFTA) ក៏ដូចជានឹងដាក់ពន្ធលើផលិតផលនាំចូលពីប្រទេសដទៃ ដូចជាចិនជាដើម ។
ភ្នាក់ងារសារព័ត៌មានចិន Xinhua បាននិយាយក្នុងការបញ្ចេញមតិកាលពីថ្ងៃសៅរ៍ថា ៖ « ការប្រែក្លាយពាក្យសន្យារបស់លោកក្នុងអំឡុងពេលធ្វើយុទ្ធនាការទៅជាគោលនយោបាយពិតប្រាកដនោះ អាចនឹងកម្ទេចក្តីសង្ឃឹមថា អាស៊ីប៉ាស៊ីហ្វិកនឹងមានកិច្ចព្រមព្រៀងពាណិជ្ជកម្មសេរីដែលពួកគេចង់បានយ៉ាងខ្លាំង » ។
សារព័ត៌មាននេះបន្ថែមថា ៖ « ជាងនេះទៀត វាអាចនឹងធ្វើឲ្យប្រទេសរបស់លោក និងប្រទេសដទៃលើពិភពលោកនេះធ្លាក់ចូលក្នុងភាពអន់ថយនៃសេដ្ឋកិច្ចកាន់តែខ្លាំងឡើង» ។
Xinhua ក៏បាននិយាយថា ការមិនមានប្រទេសចិនក្នុងកិច្ចព្រមព្រៀងដៃគូពាណិជ្ជកម្មឆ្លងសមុទ្រប៉ាស៊ីហ្វិក (TPP) មិនមែនដើម្បីជំរុញដល់ការធ្វើពាណិជ្ជកម្មទេ ប៉ុន្តែវាជាយុទ្ធសាស្ត្រមួយរបស់លោក Barack Obama ដើម្បីធ្វើឲ្យសហរដ្ឋអាមេរិកបន្តជាអ្នកដឹកនាំក្នុងតំបន់នោះ ។
បើទោះជាលោក Obama ប្រើប្រាស់ TPP ជាឧបករណ៍មួយដើម្បីទប់ទល់នឹងការងើបឡើងរបស់ប្រទេសចិនក្តី ក៏រដ្ឋាភិបាលរបស់លោកនាពេលបច្ចុប្បន្ននេះឈប់ព្យាយាមជំរុញឲ្យមានការអនុញ្ញាតពីសភាលើកិច្ចព្រមព្រៀងនេះ ។
លោក Xi ក៏កំពុងតែលើកតម្កើងកិច្ចព្រមព្រៀងជំនួស TPP គឺកិច្ចព្រមព្រៀងដៃគូសេដ្ឋកិច្ចយោគយល់ក្នុងតំបន់ (RCEP) ដែលគ្មានការចូលរួមពីសហរដ្ឋអាមេរិក ។
សារព័ត៌មានខាងលើ ក៏បានព្រមានដល់លោក Trump ទាក់ទិននឹងគំនិតឯកោនិយម និងគំនិតជ្រៀតជ្រែកនិយម ហើយបានស្នើឲ្យសហរដ្ឋអាមេរិកមកសហការយ៉ាងសកម្មជាមួយប្រទេសចិន ដើម្បីរក្សាស្ថានភាពអន្តរជាតិនាពេលបច្ចុប្បន្ន ។
Xinhua បន្ថែមថា ៖ « អាជីវករក្លាយជាអ្នកនយោបាយម្នាក់នេះត្រូវតែបង្ហាញថា លោកមិនមែនឈរឈ្មោះជាបេក្ខជនប្រធានាធិបតីសហរដ្ឋអាមេរិក ព្រោះតែលោកចង់ធ្វើឲ្យសេដ្ឋកិច្ចពិភពលោកខូចខាតនោះទេ » ៕
ចែករំលែកព័តមាននេះ