ទិន្នផលប្រេងឆៅរបស់ចិនបានធ្លាក់ចុះជាថ្មីទៀតក្នុងខែតុលា

ថ្ងៃទី ២១ ខែ វិច្ឆិកា ឆ្នាំ ២០១៦

ម៉ោង ១២:៤៥

ប្រទេសចិន ៖ ទិន្នផលប្រេងឆៅរបស់ចិនបានធ្លាក់ចុះសាជាថ្មីម្តងទៀតនៅក្នុងខែតុលា ខណៈរោងចក្រចម្រាញ់ប្រេងបានបន្តកាត់បន្ថយទិន្នផល ដោយសារតម្លៃប្រេងថោក ។
ទិន្នផលប្រេងឆៅរបស់ក្រុមហ៊ុនផលិតប្រេងជាមួយនឹងប្រាក់ចំណូលអាជីវកម្មស្នូលប្រចាំឆ្នាំរបស់ខ្លួនជាង២០លានយន់ (២,៩លានដុល្លារអាមេរិក) បានធ្លាក់ចុះ១១,៣% បើធៀបនឹងឆ្នាំមុន មកនៅត្រឹម១៦,១លានតោនក្នុងខែតុលា។ នេះបើតាមការិយាល័យស្ថិតិជាតិ ។

វាបានធ្លាក់ចុះខ្លាំងរហូតដល់៩,៨% ច្រើនជាងតួលេខក្នុងខែកញ្ញា ។ ផ្ទុយទៅវិញ ការនាំចូលបានកើនឡើងដោយសាររោងចក្រចម្រាញ់ប្រេងឯកជនទទួលការអនុញ្ញាតឱ្យនាំចូលប្រេងឆៅកាលពីឆ្នាំមុន ។

ក្នុងរយៈពេល១០ខែដំបូងឆ្នាំនេះ ការនាំចូលបានកើនឡើង១៣,៦% បើធៀបនឹងរយៈពេលដូចគ្នាកាលពីឆ្នាំមុន ឬស្មើនឹង៣១២លានតោន ខណៈទិន្នផលប្រេងចម្រាញ់បានកើនឡើង២,៥% ។

Sinopec ជាក្រុមហ៊ុនចម្រាញ់ប្រេងធំបំផុតនៅក្នុងប្រទេសចិន និង Petro China ជាក្រុមហ៊ុនផលិតប្រេងនិងឧស្ម័នធំជាងគេ ដែលក្រុមហ៊ុនទាំងពីរបានបន្ថយគោលដៅផលិតប្រេងរបស់ខ្លួននៅឆ្នាំ២០១៦ ។

កាលពីថ្ងៃពុធ គណៈកម្មការអភិវឌ្ឍន៍ និងកំណែទម្រង់ជាតិបានប្រកាសពីការកាត់បន្ថយតម្លៃលក់រាយប្រេងសាំង និងប្រេងម៉ាស៊ូតធំបំផុតក្នុងឆ្នាំនេះ ខណៈតម្លៃប្រេងឆៅអន្តរជាតិបានធ្លាក់ចុះខ្លាំង ដោយសារការធ្លាក់ចុះនៃប្រាក់ដុល្លារអាមេរិក ក៏ដូចជាប្រេងឆៅបម្រុងកើនឡើងនៅសហរដ្ឋអាមេរិក ៕