ខេត្តតាកែវ ៖ អាជ្ញាធស្រុកបាទីចុះកិច្ចព្រមព្រៀង ជាមួយសេវាករប្រមូលសំរាម នៅពេលដែលស្រុកមានការអភិវឌ្ឍន៍ខ្លាំង ខណៈពេលដែលទីតាំងស្រុកបាទី ខេត្តតាកែវ មានការអភិវឌ្ឍន៍រីកចម្រើនខ្លាំង ដោយសារមានរោងចក្រសហគ្រាសប្រមាណ៣០បានបោះទីតាំងនៅក្នុងស្រុកនេះ រួមទាំងមានផ្សារចំនួន៤នៅទីប្រជុំជននៅលើផ្លូវជាតិលេខ២ ដែលនាំឲ្យមានការពិបាកក្នុងការគ្រប់គ្រងសំរាម ប្រភេទកាកសំណល់រឹង និងរាវ អាជ្ញាធស្រុកបាទីនៅព្រឹកថ្ងៃទី១៣ មិថុនា ឆ្នាំ ២០២២នេះ បានចុះកិច្ចព្រមព្រៀងជាមួយសេវាករប្រមូលសំរាម ដើម្បីធ្វើយ៉ាងណាឲ្យការប្រមូលសំរាមនៅក្នុងស្រុកបានទាន់ពេលវេលា និងបង្កើនសោភ័ណភាពរបស់ស្រុក ។
លោក ភួន ឈីម អភិបាលស្រុកបាទីបានឲ្យដឹងថា ការគ្រប់សំរាមរបស់រដ្ឋបាលស្រុកពីមុនមកគឺធ្វើឡើងមិនមានភាពច្បាស់លាស់ ដោយដោះស្រាយបញ្ហាអោយរួចមួយគ្រាៗសិន ក៏ប៉ុន្តែដោយសារស្ថានភាពស្រុកមានការរីកចម្រើនខ្លាំង ព្រោះមានរោងចក្រសហគ្រាសចំនួនជាង៣០បានបោះទីតាំងវិនិយោគនៅក្នុងស្រុកបាទី មានផ្សារនៅទីប្រជុំជនចំនួន៤ រួមនិងកំណើនប្រជាពលរដ្ឋកើនឡើង ដែលនាំឲ្យការពិបាកក្នុងការប្រមូលសំរាម និងដុតសំរាម ។ ដូច្នោះ ក្រសួងបរិស្ថានបានផ្ដល់ឡដុតសំរាមមួយមករដ្ឋបាលស្រុក ហើយបានរដ្ឋបាលស្រុកបានស្វែងរកសេវាករ ដើម្បីសហការប្រមូលសំរាមយកទៅដុតឲ្យបានទានពេលវេលា និងការគ្រប់គ្រងសំរាមឲ្យបានល្អប្រសើរ ។
លោក ភួន ឈីម អភិបាលស្រុកបាទីបានបន្តទៀតថា ក្នុងមួយថ្ងៃៗស្រុកបាទីមានសំរាម
ប្រមាណ២០តោន ដែលទាមទារឲ្យអាជ្ញាធរួមនិងសេវាករប្រមូលសំរាមសហការគ្រប់គ្រងបញ្ហាសំរាមនៅក្នុងស្រុកឲ្យបានល្អប្រសើរ។ លោក ភួន ឈីម អភិបាលស្រុកបាទីបានធ្វើការអំពាវនាវដល់បងប្អូនប្រជាពលរដ្ឋនិងអាជីវករនៅតាមផ្សារ និងរោងចក្រសហគ្រាស សូមរក្សាទុកដាក់ វេចខ្ចប់សំរាមអោយបានល្អ កុំបោះចោលពាសវាលពាសកាលដែលនាំឲ្យប៉ះពាល់ដល់បរិស្ថាននិងសោភ័ណភាពស្រុក ដោយរង់ចាំសេវាករប្រមូលសំរាមទៅដឹកជញ្ជូនដល់កន្លែងដើម្បីយកទៅដុតបំផ្លាញចោល ។
លោក ឡោ ជំនិត សេវាករប្រមូលសំរាមបានថ្លែងឲ្យដឹងថា ការប្រមូលសំរាមនឹងចាប់ផ្ដើមពីខែ
កក្កដា ឆ្នាំ២០២២ទៅ ហើយទីតាំងដុតសំរាមមានទំហ៊ំផ្ទៃដីប្រមាណ២ហិកតា ដោយដុតសំរាមប្រមាណ៧តោនក្នុងមួយថ្ងៃ ហើយនៅពេលខាងមុខលោក និងបង្កើនទំហ៊ំផ្ទៃដីនិងទិញឡដុតសំរាមបន្ថែមទៀតដើម្បីឲ្យការដុតសំរាមបានទាន់ពេលវេលា ។
លោក ឡោ ជំនិត ជាទីសដៅនៅក្នុងការប្រមូលសំរាមដំបូង គឺលោកនឹងចាប់ផ្ដើមធ្វើការប្រមូលសំរាមនៅតាមទីប្រជុំជននិងនៅតាមផ្លូវជាតិនិងទីសាធារណៈ មុននឹងចាប់ផ្ដើមប្រមូលសំរាមតាមរោងចក្រសហគ្រាសនិងផ្ទះរបស់បងប្អូនប្រជាពលរដ្ឋ ហើយក្នុងនាមសេវាករ លោកនឹងប្រឹងប្រែងធ្វើកិច្ចការនេះឲ្យបានល្អប្រសើរ ដើម្បីធ្វើយ៉ាងណាឲ្យស្រុកបាទី ជាស្រុកមួយដែលគ្រប់គ្រងសំរាមបានល្អ ។
សុំកែចុះកិច្ចព្រមព្រៀងទៅជាកិច្ចសន្យាជាមួយសេវាករប្រមូលសម្រាម មិនមែនសេវាប្រមូលសម្រាមទេ ខណ:ពេលស្រុកមានការរីកចំរើនខ្លាំង។ សេង សុធា
ចែករំលែកព័តមាននេះ