ល្ហុងមានរសជាតិផ្អែម និងអាចរកបានយ៉ាងងាយនៅក្នុងទីផ្សារក្នុងរយៈពេលពេញមួយឆ្នាំ។ ផ្លែល្ហុងសម្បូរទៅដោយជីវជាតិមានអត្ថប្រយោជន៍ចំពោះសុខភាពជាច្រើន។ ខាងក្រោមនេះជាមូលហេតុដែលអ្នកត្រូវរួមបញ្ចូល
ល្ហុងមានរសជាតិផ្អែម និងអាចរកបានយ៉ាងងាយនៅក្នុងទីផ្សារក្នុងរយៈពេលពេញមួយឆ្នាំ។ ផ្លែល្ហុងសម្បូរទៅដោយជីវជាតិមានអត្ថប្រយោជន៍ចំពោះសុខភាពជាច្រើន។ ខាងក្រោមនេះជាមូលហេតុដែលអ្នកត្រូវរួមបញ្ចូលផ្លែឈើនេះទៅក្នុងរបបអាហាររបស់អ្នក ។
១-បន្ថយជាតិកូឡេស្តេរ៉ុល៖ ផ្លែល្ហុងសម្បូរទៅដោយជាតិកាកសរសៃ វីតាមីន C និងសារធាតុប្រឆាំងអុកស៊ីតកម្មដែលរារាំងការកើនឡើងជាតិកូឡេស្តេរ៉ុលក្នុងសរសៃឈាម។ កូឡេស្តេរ៉ុលច្រើនពេកអាចធ្វើឲ្យស្ទះសរសៃឈាមទាំងស្រុង និងបណ្តាលឱ្យមានជំងឺគាំងបេះដូង។ សារធាតុដែលចម្រាញ់ចេញពីផ្លែល្ហុងអាចកាត់បន្ថយជាតិខ្លាញ់ និងទ្រីគ្លីសេរីរបស់សត្វកណ្តុរមានជំងឺទឹកនោមផ្អែម។
២-ជួយសម្រកទម្ងន់៖ ផ្លែល្ហុងមានទំហំមធ្យមមួយមានកាឡូរីត្រឹមតែ១២០កាឡូរីប៉ុណ្ណោះ ។ ដូច្នេះប្រសិនបើអ្នកកំពុងមានគម្រោងសម្រកទម្ងន់ សូមកុំភ្លេចបន្ថែមផ្លែឈើនេះទៅក្នុងរបបអាហាររបស់អ្នក ។ ក្រៅពីនេះ វាក៏មានជាតិកាកសរសៃជាច្រើនដែលអាចជួយសម្រកទម្ងន់ដោយធ្វើឲ្យអ្នកមានអារម្មណ៍ឆ្អែតបានយូរ និងគ្រប់គ្រងការឃ្លាន ។
៣-ពង្រឹងប្រព័ន្ធភាពស៊ាំ៖ ប្រព័ន្ធភាពស៊ាំរបស់អ្នកដើរតួនាទីជាខែលប្រឆាំងនឹងការឆ្លងមេរោគជាច្រើនដែលអាចធ្វើឱ្យអ្នកឈឺ ។ ផ្លែល្ហុងមួយផ្លែអាចបំពេញតម្រូវការវីតាមីន C ប្រចាំថ្ងៃបានជាង ២០០% ដែលធ្វើឲ្យវាល្អក្នុងការពង្រឹងប្រព័ន្ធការពាររាងកាយ ។
៤-ល្អសម្រាប់អ្នកជំងឺទឹកនោមផ្អែម៖ ទោះបីជាល្ហុងមានជាតិផ្អែមពីធម្មជាតិ តែវាមានកម្រិតជាតិស្ករទាប (៨,៣ក្រាមសម្រាប់ចំណិតល្ហុងមួយពែង) ។ លក្ខណៈសម្បត្តិនេះធ្វើឱ្យល្ហុងមានភាពល្អប្រសើរចំពោះអ្នកជំងឺទឹកនោមផ្អែម ។ វីតាមីន និងជីវជាតិរុក្ខជាតិដែលមានវត្តមាននៅក្នុងផ្លែល្ហុងអាចរារាំងការអភិវឌ្ឍនៃជំងឺបេះដូង ចំពោះអ្នកជំងឺទឹកនោមផ្អែម ។ ស្របគ្នានេះផងដែរ អ្នកដែលមិនមានជំងឺទឹកនោមផ្អែមអាចបរិភោគផ្លែល្ហុងដើម្បីការពារមិនឲ្យកើតជំងឺនេះ។
៥-ល្អចំពោះភ្នែករបស់អ្នក៖ ផ្លែល្ហុងសម្បូរទៅដោយវីតាមីន A និងសារជាតិ flavonoids ដូចជា Beta-carotene zeaxanthin cyptoxanthin និងសារធាតុ lutein ជួយការពារភ្នាសទឹករំអិលក្នុងភ្នែក និងការពារពួកវាពីការខូចខាត។ វីតាមីន A រារាំងការអភិវឌ្ឍនៃឱនភាពនៃការមើលឃើញដែលទាក់ទងទៅនឹងអាយុ ៕
ចែករំលែកព័តមាននេះ