ដើមឆ្នាំ២០២២ កម្ពុជាមានអ្នកជំងឺគ្រុនឈាមជាង១ពាន់ករណី និងស្លា.ប់៣ករណី
- ភ្នំពេញ
រាជធានីភ្នំពេញ ៖ ក្រសួងសុខាភិបាល បានបញ្ជាក់ឲ្យដឹងថាជំងឺគ្រុនឈាមក្នុងអំឡុង ២២សប្ដាហ៍
រាជធានីភ្នំពេញ ៖ ក្រសួងសុខាភិបាល បានបញ្ជាក់ឲ្យដឹងថាជំងឺគ្រុនឈាមក្នុងអំឡុង ២២សប្ដាហ៍ដើមឆ្នាំ២០២២នេះ បានកំពុងតែវាយលុកជាក់ស្តែងមានចំនួន ១,៣៥៤ករណី ក្នុងនោះ ស្លា.ប់ចំនួន ៣ករណី។
យោងតាមសេចក្ដីជូនព័ត៌មានរបស់ក្រសួងសុខាភិបាលកាលពីថ្ងៃទី១០ មិថុនា បានបញ្ជាក់ថា ៖«ជំងឺគ្រុនឈាមក្នុងអំឡុង ២២សប្តាហ៍ដើមឆ្នាំ២០២២នេះ មានចំនួន ១,៣៥៤ករណី ក្នុងនោះស្លា.ប់ចំនួន ៣ករណី។ ករណីគ្រុនឈាមបានកើនឡើងជាង១០០% បើធៀបនឹងឆ្នាំ២០២១ក្នុងរយៈពេលដូចគ្នា»។
ចំនួនករណីជំងឺគ្រុនឈាមនេះដែរ ឯកឧត្តម ម៉ម ប៊ុនហេង រដ្ឋមន្ដ្រីក្រសួងសុខាភិបាល បានអំពាវនាវដល់ប្រជាពលរដ្ឋគ្រប់រូប និងអាជ្ញាធរមូលដ្ឋាន ត្រូវចូលរួមចលនាកាត់បន្ថយ និងទប់ស្កាត់ការកកើតសត្វ មូស ដោយប្រកាន់ខ្ជាប់នូវគោលជំហរជាប្រជាជនគម្រូមួយរូប ស្របនឹងពាក្យស្លោក «ខ្ញុំ និងគ្រួសារ ជាគ្រួសារគំរូ ព្រោះផ្ទះខ្ញុំ និងលំនៅដ្ឋានរបស់ខ្ញុំ គ្មានដង្កូវទឹក»។
ឯកឧត្តមរដ្ឋមន្ដ្រី ក៏បានណែនាំអាជ្ញាធរមូលដ្ឋាន ក្រសួង មន្ទីរ ឬអង្គភាពពាក់ព័ន្ធ អង្គការសុ ខភាពពិភពលោក អង្គការមិនមែនរដ្ឋាភិបាល សហគមន៍ជាតិ និងអន្តរជាតិទាំងអស់ បន្តចូលរួ មជួយអន្តរាគមន៍ និងសហការពេញលេញ ព្រមទាំងបន្តជួយឧបត្ថម្ភគាំទ្រ ក្នុងការចូលរួមជា មួយកម្មវិធីជាតិប្រយុទ្ធនឹងជំងឺគ្រុនឈាម នៃមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ របស់ក្រសួងសុខាភិបាល ក៏ដូច ជាជួយដល់មន្ទីរសុខាភិ បាលរាជធានី-ខេត្ត ដើម្បីទប់ស្កាត់ការចម្លងជំងឺគ្រុនឈាមនៅតាមសហគមន៍ ឲ្យកាន់តែ មានប្រសិទ្ធភាពខ្ពស់ដើម្បីចៀសផុតពីជំងឺគ្រុនឈាមដែលអាចនឹងផ្ទុះឡើងបានគ្រប់ពេលនេះផងដែរ។
ឯកឧត្តម រដ្ឋមន្ត្រីក៏បានលើកឡើងពីវិធានការចំពោះជំងឺគ្រុនឈាមមួយចំនួនដូចជា៖វិធានការទី១ ៖ អាណាព្យាបាល មាតាបិតា កុមារា កុមារី គ្រប់រូប រួមទាំងអាជ្ញាធរមូលដ្ឋាន ត្រូវសកម្ម ចូលរួមកម្ចាត់ដង្កូវទឹកនៅតាមទីកន្លែងដែលមានទឹកដក់ ដូចជា ពាង អាងទឹក ថូផ្កា ចានទ្រជើងតុទូ ក្រឡ ធុង ខាប់ ជាដើម ដោយការផ្លាស់ប្ដូរទឹក និងលាងសម្អាតជាប្រ ចាំឲ្យបានយ៉ាងតិចមួយដង ក្នុងមួយអាទិត្យ ឬត្រូវគ្របគម្រប ឲ្យបានជិតល្អ និងត្រូវសហការ ជាមួយបណ្តា ញសុខាភិបាលនៅតាមមូលដ្ឋាន ដើម្បីដាក់ថ្នាំបាណកឃាដសម្លាប់ ដង្កូវទឹក នៅក្នុងអាងទឹក ពាងទឹក កន្លែងដែលស្តុកទឹក ឬចិញ្ចឹមកូនត្រីប្រាំពីរពណ៌ នៅកន្លែងដែលអាចចិញ្ចឹមបាន។ ចំពោះសម្ភារៈដក់ទឹកផ្សេងទៀត ដែលទុកចោលមិនប្រើប្រាស់ ដូចជាសំបក កង់ឡាន ម៉ូតូ សំបកដប កំប៉ុង ត្រឡោកដូង ចានបាយសម្លរ កំប៉ុងកាហ្វេទ័រ ត្រូវកប់ ដុត កំទេចចោល ឬ ទុកដាក់ឲ្យមានរបៀប ដើម្បីកុំឲ្យមាន ទឹកដក់។
វិធានការទី២ ៖ សូមឲ្យម្ចាស់ការដ្ឋានសំណង់ រួមទាំងកម្មករ និងកម្មការនីទាំងអស់ ដែលកំពុង បំពេញការងារនៅតាមការដ្ឋានសំណង់ទាំងអស់ ត្រូវធ្វើអនាម័យបរិស្ថាន ឲ្យបានស្អាតនៅក្នុ ងបរិវេណការដ្ឋាន សំណង់របស់ខ្លួន ជាពិសេសត្រូវលុបបំបាត់វត្ថុដក់ទឹក និងថ្លុកដក់ទឹក ដោយរៀបចំទុកដាក់សម្ភារសំណង់ដែល អាចដក់ទឹកនៅក្នុងទីកន្លែងដែលមានដំបូលត្រឹមត្រូវ ដើម្បីការពារកុំឲ្យដក់ទឹក លុបបំបាត់ប្រភព និងជម្រកមូសខ្លា ដែលជាភ្នាក់ងារចម្លងជំងឺ គ្រុនឈាម ហើយអាចរាតត្បាតដល់ប្រជាជនទាំងអស់ ដែលរស់នៅចម្ងាយ១៥០ម៉ែត ជុំវិញការដ្ឋានសំណង់នោះ។
ទន្ទឹមគ្នានេះដែរ មន្ទីរសុខាភិបាលរាជធានី-ខេត្តទាំង២៥ ត្រូវសហការជាមួយ អាជ្ញាធរពាក់ព័ន្ធ ដើម្បីចុះត្រួតពិនិត្យនៅតាមការដ្ឋានសំណង់ ជំរុញអនុវត្តការងារនេះឲ្យមានប្រសិទ្ធភាព ដើម្បី ចូលរួមកាត់បន្ថយអត្រាឈឺ និងស្លាប់ដោយសារជំងឺគ្រុនឈាម។
វិធានការទី៣ ៖ អាជីវករ និងម្ចាស់អាជីវកម្មទាំងឡាយ ដែលប្រកបរបរពាក់ព័ ន្ធនឹងសំបកកង់ឡានម៉ូតូ «សូមធ្វើការគ្រប់គ្រងសំបកកង់ទាំងនោះ ឲ្យមានសុវត្ថិភាព ជៀសផុតពីការដក់ទឹក» ដោយមិនត្រូវទុកចោលពាស វាលពាសកាល បង្កើតបានជាប្រភពក កើត និងជម្រកមូសខ្លាដ៏គ្រោះថ្នាក់បំផុត ដែលអំណោយផលដល់ការចម្លង ជំងឺគ្រុនឈាមកើនឡើង និងអាចឈានទៅរកការរាតត្បាតគ្រប់ពេលវេលា។ វិធីសាស្ត្រក្នុងការគ្រប់គ្រងសំបកកង់ ដោយសុវត្ថិភាពគ្មានសត្វមូសកកើត គឺត្រូវ៖ ដាក់គរត្រួតលើគ្នា គ្របដោយបន្ទះស្កាជិត ឬស្បៃមុង ឬចាក់ប្រេង ម៉ាស៊ីនដែលខូ ចឈប់ប្រើប្រាស់ចូល ឬចាក់ដីបំពេញ ជាពិសេសដាក់នៅក្រោមដំបូល ដើម្បីការពារកុំឲ្យមានដក់ ទឹក ដែលបង្កទៅជាប្រភពកកើត និងជាជម្រកមូសខ្លា។
វិធានការទី៤ ៖ ត្រូវប្រកាន់ខ្ជាប់នូវទម្លាប់រស់នៅស្អាត ធ្វើអនាម័យផ្ទះសម្បែង ផ្ទះមានពន្លឺ ចេញចូល ទុកដាក់របស់របរ សំលៀកបំពាក់ក្នុងក្រៅផ្ទះឲ្យមានសណ្តាប់ធ្នាប់ លុបបំបាត់ព្រៃស៊ុបទ្រុបជុំវិញផ្ទះ ដើម្បីកាត់ បន្ថយជម្រកសត្វមូសមកតោងជ្រូកទុំជិតខ្លួនយើង ហើយដែលអាចងាយនឹងខាំយើង។
អំឡុងពេលថ្ងៃ គឺចាំបាច់ ត្រូវស្លៀកសំ លៀកបំ ពាក់មានដៃវែងជើងវែង សម្រាន្តក្នុងមុងជាប្រចាំ ទាំងថ្ងៃ ទាំងយប់ និងមិនត្រូវអង្គុយលេងនៅ ជិតទីកន្លែងងងឹតៗនោះទេ៕
ចែករំលែកព័តមាននេះ