ស្រុកព្រៃនប់ចាត់ទុកថាជាស្រុកជង្រុកស្រូវដ៏ធំនៅក្នុងខេត្តព្រះសីហនុ ដែលមានផ្ទៃដីធ្វើស្រែច្រើន ហើយនៅដើមដូវវស្សាឆ្នាំ២០២២នេះ ស្ថានភាពទឹកភ្លៀងធ្លាក់ច្រើន គ្រប់ទីកន្លែងគឺអំណោយផលល្អដល់ការធ្វើស្រែរដូវវស្សារបស់ប្រជាពលរដ្ឋជាកសិករ នៅស្រុកព្រៃនប់ ខេត្តព្រះសីហនុ នាបច្ចុប្បន្ន ។ មន្ត្រីជំនាញមន្ទីរកសិកម្មរុក្ខាប្រមាញ់…
ស្រុកព្រៃនប់ចាត់ទុកថាជាស្រុកជង្រុកស្រូវដ៏ធំនៅក្នុងខេត្តព្រះសីហនុ ដែលមានផ្ទៃដីធ្វើស្រែច្រើន ហើយនៅដើមដូវវស្សាឆ្នាំ២០២២នេះ ស្ថានភាពទឹកភ្លៀងធ្លាក់ច្រើន គ្រប់ទីកន្លែងគឺអំណោយផលល្អដល់ការធ្វើស្រែរដូវវស្សារបស់ប្រជាពលរដ្ឋជាកសិករ នៅស្រុកព្រៃនប់ ខេត្តព្រះសីហនុ នាបច្ចុប្បន្ន ។
មន្ត្រីជំនាញមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុឲ្យដឹងថា ដើមរដូវវស្សាឆ្នាំនេះ ដោយសារតែអំណោយផលពីទឹកភ្លៀង សកម្មភាពធ្វើស្រែរដូវវស្សារបស់ប្រជាពលរដ្ឋជាកសិករនៅខេត្តព្រះសីហនុកំពុងមមារញឹក ដូចជាការភ្ជួរ រាស់ និងសាបព្រោះជាដើម ។ ក្នុងនោះ ស្រូវពង្រោះរបស់កសិករតាមបណ្តាឃុំមួយចំនួនកំពុងលូតលាស់ និងថាការធ្វើស្រែរបស់ប្រជាពលរដ្ឋជាកសិករនៅស្រុកព្រៃនប់ បច្ចុប្បន្នគឺធ្វើស្រែពង្រោះ មិនធ្វើស្រែដោយការដកស្ទូងទៀតទេ ។
បើតាមមន្ត្រីជំនាញមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុឲ្យដឹងបន្ថែមថា បច្ចុប្បន្ននេះ ការភ្ជួររាស់ដីស្រែ ពលរដ្ឋបានប្រើប្រាស់ត្រាក់ទរ័និងគោយន្ត ដោយខ្លះជួលគេឲ្យភ្ជួររាស់ និងខ្លះទៀតប្រើប្រាស់គ្រឿងចក្រ័ផ្ទាល់ខ្លួនក្នុងគ្រួសារ ជំនួសការភ្ជួររាស់ដីស្រែដោយគោ ក្របី ដែលបង្កើនល្បឿនលើការភ្ជួររាស់ដីស្រែ និងសាបព្រោះស្រូវរដូវវស្សាបានលឿន ។
របាយការណ៍ពីមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុឲ្យដឹងថា ឆ្នាំ២០២២នេះ ខេត្តព្រះសីហនុគ្រោងធ្វើស្រែរដូវវស្សាលើផ្ទៃដីសរុប១៣,៣៩៥ហិកតា ហើយគិតមកត្រឹមដើមខែមិថុនាឆ្នាំ២០២២នេះ ការសាប ព្រោះស្រូវរដូវវស្សាសម្រេចបានជាង៤០ភាគរយហើយ ។ បើតាមរបាយការណ៏របស់មន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុដដែលបញ្ជាក់ថា ក្នុងចំណោមក្រុង ស្រុកទាំង៥នៅខេត្តព្រះសីហនុ មានតែស្រុកព្រៃនប់មួយប៉ុណ្ណោះ ដែលមានផ្ទៃដីធ្វើស្រែច្រើនជាងគេ រហូតដល់ជាងមួយម៉ឺនហិកតា បន្ទាប់មក គឺស្រុកកំពង់សិលា ចំណែកស្រុកស្ទឹងហាវ ក្រុងព្រះសីហនុនិងក្រុងកោះរ៉ុង មិនមានផ្ទៃដីធ្វើស្រែទេ ។
សូមបញ្ជាក់ថា តាមរយៈគោលនយោបាយរបស់រាជរដ្ឋាភិបាលកម្ពុជាបច្ចុប្បន្ន ដឹកនាំដោយសម្តេចអគ្គមហាសេនាបតីតេជោ ហ៊ុន សែន រាជរដ្ឋាភិបាលមិនយកពន្ធលើដីស្រែទេ ដែលជាគោលនយោបាយជួយដល់ពលរដ្ឋជាកសិករ គ្រប់មូលដ្ឋាន បង្កើនសេដ្ឋកិច្ចជីវភាពក្នុងគ្រួសារ ៕
ចែករំលែកព័តមាននេះ