ខេត្តពោធិសាត់ ៖ បុរសម្នាក់ត្រូវមែកឈើវាត់ត្រូវក្បាលបណ្ដាលឲ្យប្រេះលលាដ៍ស្លា.ប់ភ្លាមៗនៅនឹងកន្លែងកើតហេតុខណៈដែលកា.ប់រំលំដើមឈើមួយដើមដ៏ធំ២នាក់កូន។
ខេត្តពោធិសាត់ ៖ បុរសម្នាក់ត្រូវមែកឈើវាត់ត្រូវក្បាលបណ្ដាលឲ្យប្រេះលលាដ៍ស្លាប់ភ្លាមៗនៅនឹងកន្លែងកើតហេតុខណៈដែលកាប់រំលំដើមឈើមួយដើមដ៏ធំ២នាក់កូន។ ករណីនេះបានកើតឡើងកាលពីថ្ងៃទី០៧ ខែវិច្ឆិកា ឆ្នាំ២០១៦ វេលាម៉ោង០៦និង៣០នាទីព្រឹក នៅក្នុងព្រៃចំណុចស្ទឹងខៀវ ស្ថិតក្នុងភូមិចម្ការជ្រៃខាងជើង ឃុំអន្លង់រាប ស្រុកវាលវែង ខេត្តពោធិ៍សាត់។ សមត្ថកិច្ចឲ្យដឹងថា ជនរងគ្រោះឈ្មោះ សោម ច្រឹក ភេទប្រុស អាយុ៤៣ឆ្នាំ មានស្រុកកំណើត នៅមោងឫស្សី ខេត្តបាត់ដំបង ប៉ុន្តែបច្ចុប្បន្នមកស្នាក់នៅបណ្ដោះអាសន្ននៅចំណុចស្ទឹងខៀវ ភូមិចម្ការជ្រៃខាងជើង ឃុំអន្លង់រាប ស្រុកវាលវែង ខេត្តពោធិសាត់ ដើម្បីកាប់រានដីធ្វើចម្ការ។
នៅព្រឹកព្រលឹមនោះ២នាក់ឪពុក និងកូនបាននាំគ្នាកាប់ឆ្ការព្រៃដើម្បីវាទយកកន្លែងដាំដំណាំផ្សេងៗ សម្រាប់ដោះស្រាយជីវភាពគ្រួសារ។ ជនរងគ្រោះ និងកូនបានព្យាយាមកាប់ដើមឈើមួយដើមធំ លុះពេលរលំរត់គេចទៅណាមិនរួចក៏ត្រូវមែកឈើវាត់ចំក្បាលឪពុកបណ្ដាលឲ្យប្រេះលលាដ៍ស្លាប់ភ្លាមៗមួយរំពេច។ សមត្ថកិច្ចបានចុះទៅពិនិត្យសាសសពនៅកន្លែងកើតហេតុបញ្ជាក់ថា ជនរងគ្រោះពិតជាស្លាប់ដោយដើមឈើរលំសង្កត់មែន៕
ចែករំលែកព័តមាននេះ