សន្តិសុខម្នាក់ថា កំពុងយាមសុខៗ ស្រាប់តែឃើញភ្លើងឆេះរោងចក្រ
- ភ្នំពេញ
រាជធានីភ្នំពេញ ៖ រោងចក្រកាត់ដេរសំលៀកបំពាក់មួយកន្លែងត្រូវបានអណ្តាតភ្លើងឆាបឆេះ
រាជធានីភ្នំពេញ ៖ រោងចក្រកាត់ដេរសំលៀកបំពាក់មួយកន្លែងត្រូវបានអណ្តាតភ្លើងឆាបឆេះ
រាជធានីភ្នំពេញ ៖ រោងចក្រកាត់ដេរសំលៀកបំពាក់មួយកន្លែងត្រូវបានអណ្តាតភ្លើងឆាបឆេះទ្រង់ទ្រាយធំ តែមិនបង្កឱ្យមានអ្នករងរបួសទេ ។
ហេតុការណ៍ខាងលើនេះ បានបង្កការភ្ញាក់ផ្អើលកើតឡើងកាលពីវេលាម៉ោង១១យប់ថ្ងៃទី២៧ ខែឧសភា ឆ្នាំ២០២២ នៅចំណុចរោងចក្រមួយកន្លែង ស្ថិតក្នុងបុរីប៊ុនហួរ ភូមិព្រៃព្រីងខាងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
រោងចក្រកាត់ដេរសំលៀកបំពាក់យីហោ ជូរី ហ្គាមេន ដោយមានថៅកែជាជនជាតិចិនឈ្មោះ យាន ជា ភេទប្រុស អាយុ៤៨ឆ្នាំ ។
តាមប្រភពព័ត៌មានពីសន្តិសុខម្នាក់ដែលយាមនៅក្នុងរោងចក្រខាងលើបានអោយដឹងថា នៅមុនពេលកើតហេតុ គាត់បានដើរល្បាតនៅក្នុងរោងចក្រ លុះនៅវេលាម៉ោងគាត់ស្គេនមេដៃ គាត់បានចូលទៅខាងក្នុងរោងចក្រ ក៏ស្រាប់តែឃើញនៅក្នុងឃ្លាំងស្តុកសំលៀកបំពាក់កាត់ដេរនិងទីតាំងស្តុកសំឡីអាវធំត្រូវភ្លើងឆាបឆេះនៅក្នុងរោងចក្រ ។
តាមប្រភពដដែលបានបន្តទៀតថា ខណៈពេលឃើញភ្លើងឆាបឆេះ គាត់បានហៅសន្តិសុខផ្សេងទៀត យកបំពង់ពន្លត់អគ្គិភ័យមកជួយបាញ់ពន្លត់ដែរ តែមិនរលត់ ទើបហៅថៅកែជនជាតិចិនដែលនៅក្នុងរោងចក្ររាយការណ៍ទៅអាជ្ញាធរក្នុងបុរីខាងលើភ្លាមៗ ។ បន្ទាប់មកសន្តិសុខយាមបុរីបានទាក់ទងទៅសាលាខណ្ឌពោធិ៍សែនជ័យភ្លាមៗដើម្បីហៅរថយន្តពន្លត់អគ្គិភ័យដែលប្រចាំការនៅសាលាខណ្ឌពោធិ៍សែនជ័យមកដល់ ឃើញភ្លើងឆាបឆេះទ្រង់ទ្រាយធំ ក៏បានទាក់ទងទៅកំលាំងជំនាញស្នងការរាជធានីភ្នំពេញបន្ថែមទៀត ។
ក្នុងហេតុការណ៍អគ្គីភ័យឆាបឆេះរោងចក្រខាងលើនេះ បានប្រើប្រាស់រថយន្តពន្លត់អគ្គីភ័យអស់ចំនួន១៧គ្រឿង និងប្រើរយៈពេលមួយម៉ោងកន្លះ ទើបភ្លើងរលត់ទាំងស្រុង ។ ចំណែកសំភារៈឆេះខូចខាតផ្នែកឃ្លាំងស្តុកសំលៀកបំពាក់នឹងឃ្លាំងផ្សេងៗទៀត គឺបានគ្រប់គ្រងទាន់ពេលវេលា។ ចំពោះមូលហេតុដែលបណ្តាលឱ្យមានការឆាបឆេះរោងចក្រខាងលើ សមត្ថកិច្ចកំពុងតែស្រាវជ្រាវបន្តទៀត ៕
ចែករំលែកព័តមាននេះ