អ្នកស្ម័គ្រប្រយុទ្ធនៅអ៊ុយក្រែនវិលមកព្យាបាលរបួសនៅកូរ៉េ តែប្រកាសត្រឡប់ទៅវិញ
អ៊ុយក្រែន ៖ អ្នកប្រយុទ្ធស្ម័គ្រចិត្តម្នាក់របស់កូរ៉េខាងត្បូងបានវិលត្រឡប់មកពីប្រទេសអ៊ុយក្រែនវិញ
អ៊ុយក្រែន ៖ អ្នកប្រយុទ្ធស្ម័គ្រចិត្តម្នាក់របស់កូរ៉េខាងត្បូងបានវិលត្រឡប់មកពីប្រទេសអ៊ុយក្រែនវិញ
អ៊ុយក្រែន ៖ អ្នកប្រយុទ្ធស្ម័គ្រចិត្តម្នាក់របស់កូរ៉េខាងត្បូងបានវិលត្រឡប់មកពីប្រទេសអ៊ុយក្រែនវិញនៅថ្ងៃសុក្រ ទី២៧ ឧសភានេះ ដោយគាត់បាននិយាយថាត្រូវព្យាបាលរបួសឲ្យជាសិន ដើម្បីត្រឡប់ទៅវិញ និងបានត្រៀមខ្លួនរួចរាល់ដើម្បីប្រឈមនឹងការស៊ើបអង្កេតរបស់ប៉ូលីសពីបទសង្ស័យបំពា.នច្បាប់រដ្ឋាភិបាលដែលហាមឃាត់ការធ្វើដំណើរទៅអ៊ុយក្រែន។
ទាហានស្ម័គ្រចិត្តជាច្រើនជុំវិញពិភពលោកបានធ្វើដំណើរទៅកាន់ប្រទេសអ៊ុយក្រែនដើម្បីជួយប្រយុទ្ធប្រឆាំងនឹងកងទ័ពរុស្ស៊ីដែលបានធ្វើប្រតិបត្តិការឈ្លានពានអ៊ុយក្រែនកាលពីថ្ងៃទី ២៤ ខែកុម្ភៈ។
លោក Rhee Keun អតីតសមាជិកកងកម្លាំងពិសេសជើងទឹករបស់កូរ៉េខាងត្បូងបានធ្វើដំណើរតាមយន្តហោះត្រឡប់មកកូរ៉េខាងត្បូងវិញ ដោយប្រព័ន្ធផ្សព្វផ្សាយបានធ្វើការឡាយផ្ទាល់តាមកញ្ចក់ទូរទស្សន៍ពីដំណើរត្រឡប់មកវិញរបស់គាត់។
លោកបាននិយាយនៅព្រលានយន្តហោះដូច្នេះថា «ខ្ញុំមិនបានចាកចេញពីសមរភូមិទាំងស្រុងនោះទេ ប៉ុន្តែខ្ញុំវិលមកវិញដើម្បីឲ្យជាសះស្បើយពីរបួស។ ខ្ញុំចង់ត្រឡប់ទៅវិញ ពីព្រោះសង្គ្រាមមិនទាន់ចប់ទេ នៅមានរឿងជាច្រើនដែលត្រូវធ្វើ»។
លោកមានរបួសសរសៃពួរនៅជើងទាំងពីរ ប៉ុន្តែលោកអាចនៅដើរបាន។
លោកនិយាយថា ប៉ូលសីប្រហែល ១០នាក់កំពុងរងចាំគាត់នៅពេលគាត់ចេញពីយន្តហោះ ហើយប៉ូលីសប្រាប់គាត់ឲ្យធ្វើចត្តាឡីស័ក្ររយៈពេល ១សប្តាហ៍ និងក្រោយមកនឹងត្រូវកោះហៅទៅសាកសួរ។
«ខ្ញុំនឹងសហការក្នុងការស៊ើបអង្កេត»។
សូមបញ្ជាក់ថា លោក Rhee Keun បានធ្វើការបង្ហោះរូបភាព និងវីដេអូពីបទពិសោធន៍ប្រយុទ្ធរបស់គាត់នៅក្នុងប្រទេសអ៊ុយក្រែននៅលើបណ្តាញសង្គម។
ក្រសួងការបរទេសកូរ៉េខាងត្បូងបានដាក់ពាក្យបណ្តឹងប្រឆាំងរូបលោកនៅពាក់កណ្តាលខែមីនា ដែលពាក្យបណ្តឹងនោះត្រូវបានធ្វើឡើងភ្លាមៗក្រោយលោកបានធ្វើដំណើរទៅកាន់ប្រទេសអ៊ុយក្រែន។ បណ្តឹងនោះចោទប្រកាន់លោកពីបទរំលោ.ភបំពា.នច្បាប់លិខិតឆ្លងដែន។
កូរ៉េខាងត្បូងបានហាមប្រាមពលរដ្ឋរបស់ខ្លួនទាំងអស់មិនឲ្យធ្វើដំណើរទៅកាន់ប្រទេសអ៊ុយក្រែននោះទេនៅខែកុម្ភៈដើម្បីសុវត្ថិភាព។ បើតាមច្បាប់នេះ ជនណាដែលល្មើសនឹងបម្រាមអាចប្រឈមនឹងការជាប់ទោសរយៈពេល ១ឆ្នាំ ឬពិន័យជាប្រាក់ ៨.០០០ដុល្លារ។
លោក Rhee Keun និយាយថា អ៊ុយក្រែនបានផ្តល់សញ្ញាតិ និងដីធ្លីដល់លោក ប៉ុន្តែលោកបដិសេធ។
លោកថ្លែងបញ្ជាក់ថា «ខ្ញុំមិនគិតថាវាជារឿងត្រឹមត្រូវនោះទេក្នុងការទទួលយកសញ្ញាតិដើម្បីចៀសវាងការពិន័យឬកាត់ទោស»៕ (យោងតាមប្រភព៖ Reuters)
ចែករំលែកព័តមាននេះ