យ៉េន ឌីណា ក្លាយជាកីឡាករគុនខ្មែរទី២រកបានមេដាយមាសនៅស៊ីហ្គេម
- ភ្នំពេញ
រាជធានីភ្នំពេញ ៖ ទីបំផុតការរង់ចាំឈ្នះមេដាយមាសសម្រាប់គុនខ្មែរក្នុងព្រឹត្តិការណ៍ស៊ីហ្គេមអស់រយៈ
រាជធានីភ្នំពេញ ៖ ទីបំផុតការរង់ចាំឈ្នះមេដាយមាសសម្រាប់គុនខ្មែរក្នុងព្រឹត្តិការណ៍ស៊ីហ្គេមអស់រយៈពេល៥ឆ្នាំបានមកដល់ហើយក្រោយកីឡាករ ប៉ោ ភារិទ្ធ ឬយ៉េន ឌីណា បានយកឈ្នះកីឡាករម្ចាស់ផ្ទះវៀតណាម Cao Minh Phat Truong ដោយពិន្ទុ ៣ទឹកដាច់ ក្នុងវគ្គផ្ដាច់ព្រ័ត្រ នៃព្រឹត្តិការណ៍ស៊ីហ្គេម លើកទី៣១ នៅទីក្រុងហាណូយ កាលពីល្ងាចថ្ងៃទី២២ ខែឧសភា ឆ្នាំ២០២២ ។
យ៉េន ឌីណា បានក្លាយជាកីឡាករគុនខ្មែរទី២ ដែលដណ្ដើមបានមេដាយមាសស៊ីហ្គេម បន្ទាប់ពីឃុន ឌីម៉ា ធ្វើបានក្នុងឆ្នាំ២០១៧ សម្រាប់ប្រភេទទម្ងន់៦៣,៥គីឡូក្រាមដូចគ្នា ខណៈអ្នកផ្សេងៗទៀតបានត្រឹមមេដាយសំរឹទ្ធ។
ក្នុងការប្រកួតដណ្ដើមមេដាយមាសនេះដែរ សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC បានអញ្ជើញទស្សនា និងលើកទឹកចិត្តផ្ទាល់ដល់កីឡាករកម្ពុជា យ៉េន ឌីណា អមដំណើរដោយលោកបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា និងលោក វ៉ាត់ ចំរើន នាយបេសកកម្មស៊ីហ្គេមរបស់កម្ពុជាផងដែរ ៕
ចែករំលែកព័តមាននេះ