ខេត្តបាត់ដំបង ៖ យ៉ាងហោចណាស់ មនុស្សប្រុស-ស្រី ក្មេង ចាស់ ចំនួន០៤នាក់ ត្រូវរថយន្តបុកស្លា.ប់.ជាបន្តបន្ទាប់ ខណៈចំនួន០៣នាក់ទៀតរងរបួសធ្ងន់ នៅពេលពួកគាត់កំពុងនាំគ្នាបណ្ដើរម៉ូតូមួយគ្រឿង នៅលើចិញ្ចើមថ្នល់ កាលពីវេលាម៉ោង៨និង៣០នាទីយប់ថ្ងៃទី១៤ ឧសភា ត្រង់ចំណុចភូមិទូលទិល ឃុំតាក្រី ស្រុកកំរៀង ។
មន្រ្តីរដ្ឋបាលប៉ុស្តិ៍កំរៀងបានរាយការណ៏ថា សោកនាដកម្មដែលផ្ដើមចេញពីករណីគ្រោះថ្នាក់ចរាចរណ៏នេះ បង្កឡើងដោយរថយន្តម៉ាកនីស្សាន់មួយបាំងកន្លះ ប្រភេទដឹកទំនិញ បានបើកបុកអ្នកថ្មើរជើងចំនួន០៧នាក់ ដែលកំពុងដើរជុំគ្នាបណ្ដើរម៉ូតូមួយគ្រឿង ដែលមានកូនក្មេងតូចៗចំនួន០៣នាក់ជិះលើម៉ូតូផង ។ មន្រ្តីដដែលបានប្របាប់ថា រថយន្តនោះ បានបុ.ករះអ្នកថ្មើជើងពីក្រោយពេញទំហឹង ពេលកំពុងធ្វើដំណើរស្របទិសគ្នាពីកើតទីលិច។
ពេលនោះធ្វើឱ្យស្រ្តីម្នាក់ស្លា.ប់នៅកន្លែងកើតហេតុ តែនៅពេលបញ្ជុនអ្នករបួសទៅពេទ្យជនរងគ្រោះបានស្លា.ប់ជាបន្តបន្ទាប់ចំនួន០៣ទៀត ធ្វើឲ្យអ្នកស្លា.ប់កើនដល់ចំនួន០៤នាក់ រីឯ០៣នាក់ទៀតរងរបួសធ្ងន់ ។ បើតាមរបាយការណ៍ លោក ឆុន ឆាង នាយប៉ុស្តិ៍រដ្ឋបាល តាក្រី បានឲ្យដឹងថា ជនរងគ្រោះចំនួន០៤នាក់ដែលស្លា.ប់មាន ១-ឈ្មោះ កាំង សំណាង ស្រីអាយុ៥៩ឆ្នាំ ស្លា.ប់កន្លែងកើតហេតុ ២-ឈ្មោះ ឡី ស្រីម៉ៅ ស្រីអាយុ១៦ឆ្នាំ មានផ្ទៃពោះ០៣ខែ ស្លា.ប់នៅមន្ទីរពេទ្យ ៣-ឈ្មោះ ហឿន ធារ៉ា ប្រុសអាយុ០៦ឆ្នាំ ស្លា.ប់នៅមន្ទីរពេទ្យ និង៤-ឈ្មោះ ហឿន ភារម្យ ស្រីអាយុ០៥ឆ្នាំ ស្លា.ប់នៅមន្ទីរពេទ្យ។
ដោយឡែក ជនរងគ្រោះដែលរបួសធ្ងន់មាន ១-ឈ្មោះ ហុល ភឿន ប្រុសអាយុ៦០ឆ្នាំ ២-ឈ្មោះ អ៊ី សាឯម ស្រី អាយុ៣៦ឆ្នាំ និង៣-ឈ្មោះ ឡី ស្រីមុំ ស្រីអាយុ១៥ឆ្នាំ។ លោក ឆុង ឆាង បានប្រាប់កោះសន្តិភាពថា ក្រុមជនរងគ្រោះ បាននាំគ្មានដើរបណ្ដើរម៉ូតូមួយគ្រឿង ហើយមានកូនក្មេង០៣នាក់ជិះលើម៉ូតូ ។ ពេលបណ្ដើរដល់ចំណុចកើតហេតុ ដែលជាចំណុចផ្លូវកោងបន្តិចផង ស្រាប់តែត្រូវរថយន្តនីស្សាន់បើកក្នុងល្បឿនលឿនគួរសម ដែលកំពុងធ្វើដំណើរស្របទិសគ្នា បានបុករះអ្នកថ្មើជើងទាំងកំរោលយ៉ាងពេញទំហឹងពីក្រោយបណ្ដាលឲ្យខ្ទាត និង អូសមនុស្សទាំងថ្នល់។
លោកមេប៉ុស្ដិ៍បានបញ្ជាក់ថា ពេលនោះ មានជនរងគ្រោះម្នាក់ស្លាប់ភ្លាមៗ រីឯ០៦នាក់រងរបួសធ្ងន់ តែបានស្លាប់ជាបន្តបន្ទាប់ពេលបញ្ជូនទៅមន្ទីរពេទ្យ។ ប៉ុន្តែម៉ូតូជនរងគ្រោះ ត្រូវរថយន្តបុកអូសរហូតផ្ទុះឆេះយ៉ាងសន្ធោសន្ធៅខូចខាតគ្មានសល់។ លោកបានបន្ថែមថា សោកនាដកម្មនេះ បង្កឡើងដោយភាគីរថយន្ត ដែលបើកលឿន និង ខ្វះការប្រុងប្រយ័ត្នពេលដល់ចំណុចផ្លូវកោង ទើបបុកសម្លា.ប់មនុស្សទាំងកំរោល។ យ៉ាងណាក្ដី ពេលនេះមន្រ្តីជំនាញ បាននាំយករថយន្តទៅរក្សាទុកហើយ ដើម្បីស្រោះស្រាយបន្ត ខណៈជនរងគ្រោះបាត់បង់ជីវិត ត្រូវក្រុមគ្រួសារយកទៅធ្វើតាមប្រពៃណី៕
ចែករំលែកព័តមាននេះ