អាមេរិកថា Putin ព្យាយាមលុបអត្តសញ្ញាណរបស់អ៊ុយក្រែន
អាមេរិក ៖ រដ្ឋមន្ត្រីការបរទេសអាមេរិក លោក Antony Blinken បាននិយាយថា ប្រធានាធិបតីរុស្ស៊ី
អាមេរិក ៖ រដ្ឋមន្ត្រីការបរទេសអាមេរិក លោក Antony Blinken បាននិយាយថា ប្រធានាធិបតីរុស្ស៊ី
អាមេរិក ៖ រដ្ឋមន្ត្រីការបរទេសអាមេរិក លោក Antony Blinken បាននិយាយថា ប្រធានាធិបតីរុស្ស៊ីព្យាយាមលុបបំបាត់អត្តសញ្ញា និងវប្បធម៌របស់អ៊ុយក្រែន។
«ផ្នែកមួយនៃសង្គ្រាមរបស់លោក Putin គឺជាការប៉ុនប៉ងដើម្បីលុបបំបាត់អត្តសញ្ញាណរបស់អ៊ុយក្រែន»។
លោកថ្លែងប្រាប់វិទ្យាស្ថានអ៊ុយក្រែនសម្រាប់អាមេរិកដូច្នេះថា អត្តសញ្ញាណរបស់អ៊ុយក្រែនគឺបង្ហាញយ៉ាងខ្លាំងតាមរយៈវប្បធម៌របស់ខ្លួន។
«ភាពរស់រវើកនៃវប្បធម៌នោះ ភាពខ្លាំងនៃអត្តសញ្ញាណនោះ បានធ្វើឲ្យវាច្បាស់នៅទីនោះ សង្គ្រាមរបស់ប្រធានាធិបតី Putin នឹងមិនជោគជ័យឡើយ»។ នេះជាការថ្លែងបញ្ជាប់របស់លោកនៅក្នុងវីដេអូបង្ហោះនៅលើបណ្តាញសង្គមហ្វេសបុក។
សូមបញ្ជាក់ថា គិតត្រឹមថ្ងៃអង្គារ ទី ២៤ ខែឧសភានេះ ការឈ្លានពានរបស់រុស្ស៊ីលើអ៊ុយក្រែនបានអូសបន្លាសអស់រយៈពេល៣ខែមកហើយ ប៉ុន្តែរុស្ស៊ីមិនទាន់សម្រេចផែនការបានគួរឲ្យកត់សម្គាល់នោះទេ ដោយសារតែមានការតស៊ូយ៉ាងស្ថិតស្វាញពីកងទ័ពអ៊ុយក្រែន។
បច្ចុប្បន្ន ប្រតិបត្តិការឈ្លានពានរបស់រុស្ស៊ីកំពុងផ្តោតលើភាគខាងកើតអ៊ុយក្រែន។ មេដឹកនាំអ៊ុយក្រែនបានប្រកាសនៅថ្ងៃច័ន្ទម្សិលមិញថា ទាហានអ៊ុយក្រែនអាចនឹងស្លា.ប់ចន្លោះពី ៥០នាក់ទៅ ១០០នាក់ ជារៀងរាល់ថ្ងៃនៅភាគខាងកើតប្រទេស ខណៈការប្រយុទ្ធគ្នាដ៏ខ្លាំងក្លាកំពុងបន្តកើតមាន៕ (យោងតាមប្រភព៖ Aljazeera)
ចែករំលែកព័តមាននេះ