ADផ្ទាំងផ្សព្វផ្សាយពាណិជ្ជកម្ម

Picture

ទោះមានតែអ្នកជំងឺកូវីដ​ ៨នាក់ កំពុង​សម្រាក​ព្យាបាល​នៅមន្ទីរពេទ្យ តែកម្ពុជា ត្រូវផលិត​វ៉ាក់សាំង និងសាងសង់មន្ទីរ​ពេទ្យកូវីដធំមួយ

1 ខែ មុន
  • ភ្នំពេញ

ប្រទេសស្វីស៖ នៅម៉ោងប្រមាណ ៦ល្ងាច ម៉ោងនៅទីក្រុង សូរិក ប្រទេសស្វីស ត្រូវនឹងម៉ោង​ប្រមាណ ១១យប់ ម៉ោងនៅកម្ពុជា សម្តេចអគ្គមហាសេនាបតីតេជោ…

ប្រទេសស្វីស៖ នៅម៉ោងប្រមាណ ៦ល្ងាច ម៉ោងនៅទីក្រុង សូរិក ប្រទេសស្វីស ត្រូវនឹងម៉ោង​ប្រមាណ ១១យប់ ម៉ោងនៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​នៃព្រះរាជាណាចក្រកម្ពុជា បានអញ្ជើញជួបសំណេះសំណាល ជាមួយ​បងប្អូនសហគមន៍ខ្មែរ នៅទ្វីបអឺរ៉ុប ប្រមាណជា ២១០០នាក់។ ពិធីជួបជុំនេះ បានធ្វើឡើង ក្នុងឱកាសដែល​សម្តេចតេជោនាយករដ្ឋមន្ត្រី បាន​អញ្ជើញចូលរួមកិច្ចប្រជុំវេទិកាសេដ្ឋកិច្ចពិភពលោក  នៅទីក្រុងដាវ៉ូស ប្រទេសស្វីស នៅថ្ងៃទី២២-២៦ ខែឧសភា ឆ្នាំ២០២២។

ក្នុងពិធីជួបសំណេះសំណាលជាមួយបងប្អូនសហគមន៍ខ្មែរយើង នៅទ្វីបអឺរ៉ុប នៅពេលសម្តេច ទើបតែចុះពីយន្តហោះ នាល្ងាចថ្ងៃទី២១ ខែឧសភានេះ សម្តេចតេជោ ហ៊ុន សែន បានប្រកាសថា គិតមកដល់ថ្ងៃនេះ នៅកម្ពុជា នៅសល់អ្នកជំងឺកូវីដ១៩ តែ ៨នាក់ប៉ុណ្ណោះ គឺនៅភ្នំពេញ ៤នាក់ និងនៅខេត្តបាត់ដំបង ៤នាក់។ ក្នុងនោះ មានម្នាក់ នៅបន្ទប់សង្គ្រោះបន្ទាន់។

សម្តេចតេជោ ហ៊ុន សែន បានបញ្ជាក់ថា ទោះជាកម្ពុជា មានតែអ្នកជំងឺកូវីដតែ ៨នាក់ ដែល​កំពុងសម្រាកព្យាបាលនៅមន្ទីរពេទ្យ តែកម្ពុជា ត្រូវ​ផលិតថ្នាំវ៉ាក់សាំងបង្ការជំងឺកូវីដ១៩ និងត្រូវ​សាងសង់មន្ទីរពេទ្យកូវីដធំមួយ នៅភ្នំពេញ ដែលអាច​ផ្ទុកអ្នកជំងឺ​ដល់ទៅ ១ម៉ឺននាក់​។

សម្តេចតេជោ ហ៊ុន សែន បានបន្ថែមថា ការបង្កើតរោងចក្រផលិតវ៉ាក់សាំង នៅកម្ពុជា និងការ​សាងសង់​មន្ទីរពេទ្យ សម្រាប់កូវីដ គឺជាការត្រៀមបម្រុងរបស់យើង ព្រោះ​ពិភពលោក មិនដឹងថា កូវីដ បញ្ចប់នៅពេលណានោះទេ​៕

Picture
Picture
Picture
Picture
Picture
Picture
Picture
Picture
Picture
Picture