អង្គការសុខភាពពិភពលោក (WHO) បានបើកកិច្ចប្រជុំជាបន្ទាន់មួយកាលពីថ្ងៃសុក្រដើម្បីពិភាក្សាអំពីការផ្ទុះជំងឺអ៊ុតស្វា (monkeypox) កាលពីពេលថ្មីៗនេះ ក្រោយពេលជំងឺនេះជាង ១០០ករណីត្រូវបានរកឃើញ និងសង្ស័យនៅតំបន់អ៊ឺរ៉ុប។ គិតត្រឹមថ្ងៃសៅរ៍ ទី…
អង្គការសុខភាពពិភពលោក (WHO) បានបើកកិច្ចប្រជុំជាបន្ទាន់មួយកាលពីថ្ងៃសុក្រដើម្បីពិភាក្សាអំពីការផ្ទុះជំងឺអ៊ុតស្វា (monkeypox) កាលពីពេលថ្មីៗនេះ ក្រោយពេលជំងឺនេះជាង ១០០ករណីត្រូវបានរកឃើញ និងសង្ស័យនៅតំបន់អ៊ឺរ៉ុប។
គិតត្រឹមថ្ងៃសៅរ៍ ទី ២១ ខែឧសភានេះ ប្រទេសជាង ១០បានរកឃើញករណីជំងឺអ៊ុតស្វានេះ មានដូចជាបែលហ្សិក បារាំង អាឡឺម៉ង អ៊ីតាលី ហូឡង់ ព័រទុយហ្គាល់ អេស្ប៉ាញ់ ស៊ុយអែត អង់គ្លេស អាមេរិក កាណាដា និងអូស្ត្រាលីជាដើម។
គិតត្រឹមថ្ងៃសុក្រ អេស្បាញរាយការណ៍ពីការរកឃើញជំងឺប្រភេទនេះចំនួន ២៤ករណី ដែលភាគច្រើនកើតឡើងនៅក្នុងតំបន់ Madrid ខណៈមន្ទីរពេទ្យអ៊ីស្រាអែលកំពុងព្យាបាលបុរសវ័យជាង ៣០ឆ្នាំម្នាក់ដែលមានរោគសញ្ញាដូចទៅនឹងជំងឺអ៊ុតស្វា ក្រោយពេលទើបធ្វើដំណើរត្រឡប់ពីអ៊ឺរ៉ុបវិញ។
ជំងឺនេះត្រូវបានរកឃើញលើកដំបូងនៅក្នុងសត្វស្វា ហើយជាធម្មតាវាអាចឆ្លងតាមរយៈការមានទំនាក់ទំនងជិតស្និទជាមួយអ្នកជំងឺ។ ប៉ុន្តែអ្នកវិទ្យាសាស្ត្រមិនរំពឹងថា ការផ្ទុះជំងឺនេះនឹងវិវឌ្ឍន៍រករកការឆ្លងរាតត្បាតដូចកូវីដ ១៩នោះទេ ដោយសារតែវីរុសអ៊ុតស្វានេះមិនឆ្លងរីករាលដាលលឿនដូចជំងឺសារ។
អ៊ុតស្វាជាធម្មតាជាជំងឺមានកម្រិតស្រាលដែលមានរោគសញ្ញាដូចជាគ្រុនក្តៅ ព្រមទាំងមានកន្ទួលរមាស់នៅលើស្បែកមុខ និងខ្លួន៕ (យោងតាមប្រភព៖ Reuters)
ចែករំលែកព័តមាននេះ