ប្រទេសកូរ៉េខាងជើងរកឃើញអ្នកជំងឺមានរោគសញ្ញាគ្រុនក្តៅច្រើនជាង២០០.០០០នាក់ សម្រាប់រយៈពេល៥ថ្ងៃជាប់គ្នា ខណៈរបបនេះ កំពុងប្រយុទ្ធប្រឆាំងនឹងការផ្ទុះរាតត្បាតកូវីដ១៩ជាលើកដំបូង។ នេះបើយោងតាមការចុះផ្សាយរបស់សារព័ត៌មានកូរ៉េខាងត្បូង Yonhap នៅថ្ងៃសៅរ៍នេះ។
រលកឆ្លងរាតត្បាតកូវីដ១៩ ដែលត្រូវបានកូរ៉េខាងជើងប្រកាសកាលពីសប្តាហ៍មុន បានធ្វើឲ្យអង្គការសហប្រជាជាតិមានការព្រួយបារម្ភ ដោយសារតែប្រទេសកុម្មុយនីស្តដ៏ឯកោនេះ គ្មានកម្មវិធីវ៉ាក់សាំងហេដ្ឋារចនាសម្ព័ន្ធវេជ្ជសាស្រ្តគ្រប់គ្រាន់ ព្រមទាំងមានវិបត្តិស្បៀងអាហារនៅក្នុង
ប្រទេស។
កូរ៉េខាងជើងបដិសេធទទួលយកជំនួយពីក្រៅប្រទេស និងបិទព្រំដែនខ្លួនយ៉ាងជិតចាប់តាំងពីមានការរាតត្បាតកូវីដក្នុងឆ្នាំ២០២០មក ។
កាសែត Yonhap ដែលដកស្រង់ប្រភពពីប្រព័ន្ធផ្សព្វផ្សាយកូរ៉េខាងជើងចុះផ្សាយថា មនុស្សយ៉ាងតិច២១៩.០៣០នាក់ មានបង្ហាញរោគសញ្ញាគ្រុនក្រៅគិតត្រឹមថ្ងៃសុក្រពេលល្ងាច ធ្វើឲ្យតួលេខអ្នកមានរោគសញ្ញាកើនដល់ជាង២,៤លាននាក់ និងអ្នកស្លា.ប់កើនដល់៦៦នាក់។
ទោះយ៉ាងណា កាសែត Yonhap មិនបានបញ្ជាក់លម្អិតថា តើមនុស្សប៉ុន្មាននាក់ធ្វើតេស្តវិជ្ជមាន
កូវីដ១៩នោះទេ។
អ្នកជំនាញនិយាយថា ដោយសារតែគ្មានយុទ្ធនាការចាក់វ៉ាក់សាំងជាតិ និងសមត្ថភាពធ្វើតេស្តនៅមានកម្រិតទិន្នន័យប្រចាំថ្ងៃដែលត្រូវបានបញ្ចេញដោយប្រព័ន្ធផ្សព្វផ្សាយរដ្ឋកូរ៉េខាងជើង អាចមានតិចជាងតួលេខពិតប្រាកដ ហើយវាប្រហែលជាពិបាកក្នុងការវា.យតម្លៃពីទំហំនៃការរាត
ត្បាត។
ភ្នាក់ងារសិទ្ធិមនុស្សរបស់អង្គការសហប្រជាជាតិបានព្រមានពីការបំផ្លិចបំផ្លាញធ្ងន់ធ្ងរនៅក្នុងប្រទេសកូរ៉េខាងជើងដែលមានប្រជាជនសរុបជាង ២៥លាននាក់ ខណៈដែលអង្គការសុខភាពពិភពលោកនិយាយថា ការរាតត្បាតដែលមិនបានត្រួតពិនិត្យអាចនឹងនាំឲ្យមានការលេចចេញ
វីរុសបំលែងថ្មី៕ (យោងតាមប្រភព៖ Yonhap)
ចែករំលែកព័តមាននេះ